/

[/ @Riuxzi]

عسى صبحٍ نوى كسرك يموت وما طلع به شمس
وعسى من هو نوى جرحك يموت الحظ ما طاعه

[/ @Riuxzi]

طرق الهواء فيك ما يوصف ولا يذكر
ولا الشفق يوم سلم للمساء لونك

خل الهواء يا شبيه الريح بك يسكر
لين يهدأ الشوق واقبلي على هونك

عندي سوالف ولكن كل ما يذكر
لا جيت أسولف عليك أحترت من دونك

كل السوالف معك بأشكالها تسحر
مدري أسولف معك ولا مع عيونك

[/ @Riuxzi]

تنساق لك روحي مثل ذود شايب
شقّت حشا الوادي على شان تلقا��

[/ @Riuxzi]

شدوا ��دو قلبي عن ديار قلبك
والبدو لا شدوا عن الدار يبطون

وإذا سألوك الناس وش كان ذنبك
قول البدو لا عافوا القاع يمشون

[/ @Riuxzi]

مع الناس شفّي فالهوى شف متشبّع
وإن جيتك كلامي من صميم الحشا نابع

يسرح طيش فكري في مجالك ولا وبّع
إلا صيد فكري في بهاء حسنكم قابع

شوارد بنات الفكر في غيهبك كبّع
وشاشة طموحي فوقها طلسمك طابع

أدخل في تبجّح بكر وكليب والتبعّ
واطلع بارتياح المقنع الراوي الشابع

[/ @Riuxzi]

الطيب يا راعي المشاريه ما فاد
بعض الوصل والوّد والجود تبذير

من لا يقدّرني على روس الأشهاد
لا ينتظر منّي حشيمه وتقدير

اللي قطع لي درب بقطع له بلاد
واللي بدا الجفوه عليه المعاذير

السالفه ماهيب منّات و عناد
الطيب رده طيب والكير بالكير

[/ @Riuxzi]

خلّك اكبر من تفاصيل الضعوف
وخل ذاتك لو تعزوى عزوتك

انتزع عن وجه حلمك كل خوف
وافرض بروس المعالي سطوتك

وعن طموحك لاتعذر بالظروف
اصنع ظروف تليق بـ هقوتك

[/ @Riuxzi]

من يبي وصلك يدور له طريقه
ومن بغى فرقاك يلفق له عذر

لو تذرّع بالظروف اللي تعيقه
لو يقول ان السبب ضيق وكدر

من يحبك يعبر البحر وعميقه
ومن تملّل قال يا عمق البحر

المحبه شمس تسطع بالحقيقه
والمحبه كامله مثل البدر

من زرع روحه ووقته في حديقه
لا يلوم الغيم إن مات الشجر

[/ @Riuxzi]

سمّح الله درب من وده يفارق
الفجوج وسَاع و الفرصه سعيده

[/ @Riuxzi]

من يبيعك بالشدايد والمِحن
ويتوارى عنك في يوم الغروب
لا تنادي له ولا تبدي حزن
خله يفارق ولو فارق غضوب
من تخلى عنك ماهو لك وطن
وإن تقفل درب ياكثر الدروب
صير مثل الغيم لا عاف المِزن
وصير شمسٍ ماتغارب للجنوب
أشتري نفسك ولو بأغلى ثمن
ما لمالك قيمةٍ وسط الجيوب

[/ @Riuxzi]

ما علمك صمتي وش كثر فيني كلام
ولا أنا بس اللي أحسك و أسمعك

ما ذكرك مُر الجفاء بحلو الغرام
ولا أنت بالثنتين ما تفرق معك

لا يخدعك هالبعد لو مر بسلام
ترى اول أيامه يا حبيبي تخد��ك

بكره بتجيك أيام ما تقدر تنام
يجيك الوله وذكراي توجعك

[/ @Riuxzi]

إستعذ�� من الدروب اللي نهايتها حسافه
قبل ترميني ملذات الزمن في جوف غبّه

شيمة الإنسان ميزان اعتداله وانحرافه
تنذره لا شافت الأوضاع ماهي مستتبه

إن عجزت إنك ترد النفس عن شيٍ تعافه
ماقدرت تحط نفسك فالمكان اللي تحبه

[/ @Riuxzi]

وإذا البشائرُ لم تَحِن أوقاتها
فلًحكمةٍ عندَ الإله تأخرتْ

سيسُوقها في حينها فأصبر لها
حتى وإن ضاقتْ عليكَ وأقفَرتْ

تجري دموع اليأسِ منك وربما
عند الصباحِ ترى البشائرَ أنورَتْ

[/ @Riuxzi]

سجليني في عالم حبك فداوي
أنا مجنونك عقب مجنون ليلى
يا رقبة الخشف ياعين النداوي
يا سراجيف الذلول المستحيله
يا مناةٍ تقصر عنها المناوي
يا خيار الدهم يالقبا الأصيله
نعنب��ك أنتي مكاسر عود ��اوي
ملبسك سندس شرابك سلسبيله
من عشق شرواك وإلا لا يهاوي
التقيّد عن بعض الأشياء فضيله

[/ @Riuxzi]

لا بد تشع ان قالها اللّٰه أمانيك
مهما غفت في ليل الأقدار شمسك
لا يشغلك عن فرحة الجاي ماضيك
ولا يسرقك من واقعك صوت هجسك
ولا تيأس ان يبّست منابت مساعيك
بكره يسيل الغيم ويطول غرسك
رضاك عنك عن رضاهم يكفيك
ويغنيك عن حب البشر حب نفسك

[/ @Riuxzi]

خلّيت الأحزان بقصى القلب منثبره
يا كثر كذبي على نفسي و أنا داري

[/ @Riuxzi]

الصبح واضح والخطايا خطايا
والربح من بعض الأوادم خساير

يا نفس قومي عن غرام البقايا
و ياقلب قبل تحب شاور وخاير

[/ @Riuxzi]

عَلَّمْتَني إِلاَّا أمِيلَ إِلَى الهَوَى
وجَهِلَتَ أنَي فِي هَوَاك مُعَذْبُ

وازْدَادَ حُبُّكَ إذْ رَأَيْتُكَ جَاهِلاً
آهٍ لِجِهْلٍ فِي عَيَّناكِ يَجْذِبُ

[/ @Riuxzi]

عشت بأحلام الهوى ليل و بنيت
كل آمالي تداركها الفناء