كنت أسمع أن البيت الواحد قد يفهم بأكثر من شكل، ونظرة الشاب لقول الشاعر:
"سئمتُ تكاليفَ الحياةِ ومن يعِش
ثمانينَ حولًا لا أبا لك يسأم"
الأكيد أنها تختلف عن نظرة الشايب الي بلغ من الكبر عتيا، الأمر هذا يعود لتراكم الخبرات، الي تترجم لك هذه الأبيات بصورة أعمَق معنى وأكثر صدقًا.
يؤذيني أن أكون شخص ينظر للعالم كله من عدسة مهنته!
لكن قدّر الله علي وكانت للعيادة النفسية علي كل هذا التّأثير، ومع تزايد المراجعين، وتتالي الأيام في العيادة، أنظر لهذا الشكل من أشكال الشعر بصورة مختلفة تمامًا.
في بداية كل يوم -الموضوع حقيقي مش خ��ابيط- تتصاعد إلى ذهني قصيدة أو بيت أو بيتين أو حتى شطر، كذا مع بداية كل يوم وأشعر أن يومي يكون على أساس البيت إلي تصاعد من المجهول إلى رأسي!
"يمر الوقت وايّامك تشابه، والسنين تطوف
ولا لك غير مشوارٍ قديم بـ سكّة الذكرى
عليه تمر لا بان الحزن في وجهك المخطوف
من؛ الشك الوشيك اللي ليا مر الوهم يِطرى
غريبٍ كل ماطاح الظلام وبان فيك الخوف
هربت من إرتيابك والأرق للشعر.. والمسرى"
كنت دايم أحس إني أعطي قيمة كبيرة للعلاقات في حياتي من أهل وصديقات لأن العلاقات في نظري قيمة عُليا.
لكن اكتشفت ان الناس ذاتهم الي في حياتي قيمتهم عالية، ما هم أي أشخاص، مميزين ومختلفين بحق.
زمان كنت إذا شفت اثنين مع بعض على جوالاتهم أو ساكتين في قهوة أو مطعم أحس الموضع يحزن، فيه شيء تعيس
الآن صرت أفهمه، احتياجك انك تكون ساكت مع هذا الشخص، على جوالك بس مو لحالك، مو دايم لازم نسولف مع بعض، بس حلو دايم نكون مع بعض.
صدق! الناس صاروا يفكرون بشكل غريب، الطبيعي ان العلاقات الإنسانية تنتهي بموت أحد الأطراف، وحتى الموت لا يعني نهاية العلاقة!
وأي خلاف أو عقبة تؤدي لنهاية العلاقة تعتبر أمر شاذ، مو الطبيعي.
أعتقد الخوف من الهجر هو الي يخليهم يستبقون الأحداث
شلون تعيشون علاقة ببالكم انها ممكن تنتهي؟ هالتركيبة دماغي مو قادر يتصور حصولها او مو فاهم فعلا كيف انتو تستحضرونها. شلون اخاوي واحد وانا مفترض انه ممكن يكون فترة؟ ما اظن انه استحضار يومي لعدم دوام العلاقة، بس ايش فايدته؟ ي��لل وجع النهاية يعني؟ مدري بس ما احسها فكرة عملية وواقعية.
قبل شهر هاوشت صديقتي لأن سيارتها واضح معدية على كل أرصفة الرياض، من وقتها وأنا أترقب حوبتها، والحمدلله اليوم صدمت الرصيف، ومتأكدة ان شكلي كان أُضحوكة، الحمدلله افتكيت من هم حوبتها أقدر أم��رس حياتي بسكون.
التحدي الأول الي يواجهه الأخصائي النفسي القادر على التحليل والنظر لماوراء الأمور هو انه يفصل بين نفسه وبين الأخصائي النفسي داخل العيادة
أحيانًا تجي على نفسك،حتى لو غلط عليك أحد،عندك ألف تفسير لأسباب السلوك، وبذلك يفقد الأخصائي النفسي النظرة المجردة،وهذا الشيء يفقده المتعة أحيانا!
مستعده أبذل الغالي والنفيس
وأكون بالخبر بكرة، هذه المدينة حبيبة قلبي، شفت الي يقول: "ما عدت أعرف أين تهدأ رحلتي/ وبأي أرضٍ تستريح ركابي"؟ أنا أعرف، دائمًا في الخبر، أحتاجها عشان أهدأ وأستجمع نفسي ثم أرجع أواجه الصراعات في أرض المعركة (الرياض) ودائمًا أشعر اني بربي عيالي فيها..