سعيد بن هطلاء

شاعر منذ ذلك اليوم |

[مشاري محمد @dih2i]

الليل هذا تفاصيله سهر وإكتئاب
أثقل من البارحة واللي ورا البارحة

حاولت أعدّيه من دمعة عزيز الجناب
لكنها بانت بعيني وهي سارحة

أنا حياتي عذاب وذكرياتي عذاب
ماعاد تفرق معاي الكلمة الجارحة

[ياسر التويجري @yasseraltwaijri]

سـعـودي
👇🇸🇦🇸🇦🇸🇦🇸🇦

[سعيد بن هطلاء @S_htala]

@SadamSaad الله يحسن عزاكم ويعظم أجركم ويرحمها ويغفر لها ويسكنها فسيح جناته

[سعيد بن هطلاء @S_htala]

ولا تزعل علّي وخاطرك حسّاس
ترى كل العتب يجرح بلا تحديد

اذا ما هب في عطر الرضا نسناس
ما قلت من المعاذير بزعلك يزيد

[سعيد بن هطلاء @S_htala]

القوة ليست في النسيان،
القوة أن تتذكر ولا تتأثر.

[سعيد بن هطلاء @S_htala]

حاضـر الدنيا وسـالفها مروّع
كل غربه في مناكبها قريبه

والصبّر لو فاد بقلوب المجوّع
ما ركض في شوقه لساعة مغيبه

باحت الشرهه من العذر المنوّع
والشعور أصدقه يحكى عنه غيبه

ما يعرف اللوعة الاّ من تلوّع
ولا تطيح الدمعة الاّ بألف خيبه

يا وجودي وجد من للضيق كوّع
كل ما راحت مصيبه جت مصيبه

يحسبون دواه بيدين المطوّع
ما دروا بدواه في شوفة حبيبه

[سعيد بن هطلاء @S_htala]

كل عام وأنتم بخير ، وعيدكم مبارك .

[سعيد بن هطلاء @S_htala]

اقدر على الجرح لكن والله احنّك
واغلى من عيونك الثنتين مدمعها

شكراً على كل كلمه جاتني منّك
ما كنت متوقع انّي منك بسمعها

[سعيد بن هطلاء @S_htala]

نباهي بك فخرًا ياوطني ، كل عام وانت بخير .

🇸🇦🇸🇦

#اليوم_الوطني_95
#اليوم_الوطني_عزنا_��طبعنا

[سعيد بن هطلاء @S_htala]

شامخٍ عدّا بنا حدود السما
رؤيته للمجد والعليا فخر

قلّما فـ الوقت مثله قلّ ما
الاّ ما مثله على الدنيا بشر

#ولي_العهد_الامير_محمد_بن_سلمان‌

[سعيد بن هطلاء @S_htala]

لا نويت تروح خذ باقيك منّي
لا تخلّي منك للأيام ذكرى .

[سعيد بن هطلاء @S_htala]

باين على القلب الشقي ارتجافه
راعيه ما عاده من الحزن راعيه

"يا ربّ " يحزنّي الخطا واقترافه
مع انّي أضعف كلّ مرّه واسوّيه

أحب وجهك و ألتجي به وأخافه
خذني بعفوك يامن أدعيه وأرجيه

[سعيد بن هطلاء @S_htala]

ليلة البارح ما طبّ الن��م عيني
لا تقول تصير قول شلون صارت

وقّف الماضي كما بينك وبيني
كيف مدري يمكن الايام دارت

قال برجع قلت رجع لي حنيني
لا قدرت انساك او ذكراك بارت

كل ما طال الطريق وقلت ويني
ألتفت وخطوتي بالشوق حارت

من يصدق سالفتها في يديني
السنين اللي على يدّيك طارت

[سعيد بن هطلاء @S_htala]

خلّك من الجرح لا تبدي لي أسبابه
هي مسألة وقت ويصير الألم عادي

غيرك يروح ويجي ما قلت وش جابه
الا انت جيّتك تشبه " يوم ميلادي "

[سعيد بن هطلاء @S_htala]

كل ما جيت اعترفلك قلت فاتك
ما لقيت لـ طاري الفرقا مبرر

تعتبرني ذكرى حلوه في حياتك
وانت فرصة في حياتي ما تكرر !

[سعيد بن هطلاء @S_htala]

ثلاثة قرون�� على وجه الزمن
تشهد لنا كل الجهات الاربعه

برجالنا وعزومنا هذا الوطن
حنّا رسمنا فالخريطه موقعه

🇸🇦🇸🇦
#يوم_التأسيس

[سعيد بن هطلاء @S_htala]

من كثر ما قلبي رجف بين اضلعي
كبرت واااجد والعمر ما رجّعك

ما انت بقريب ولا بعيد ولا معي
مدري ارحب فيك والا أودّعك

[سعيد بن هطلاء @S_htala]

انا انكسرت من الفراق اللي ترى
أقرب قصايد شاعرك قصايده

وعذري لقلبي كل ما الطاري طرى
حاولت لكن ما طلعت بـ فايده

[سعيد بن هطلاء @S_htala]

انا من حقّي اتغيّر وتعذرني جماهيري
عن غيابي لا تسألني ولا تعتب وتتشرّه

تعبت اجامل الايام واقدّم معاذيري
واقدّر ناس ما تستاهل التقدير بالمرّه