Salem

[Salem @SA_9965]

لا تعجّل .. خذ الدنيا على مهلك
كان تبغى .. مع الايام .. تتعلم

ماتجيك المشاكل غير من جهلك
من تعلم .. عرف وشلون يتكلم

لا تجاوب سؤال .. ماتوجه لك
ولا تعاتب .. غريب مر .. ماسلم

خل شرهتك وميانتك عند اهلك
عند الاغراب .. لا تشره وتتظلم

[Salem @SA_9965]

أكتويت بحبك ولازم أتوب
لأجل عينك كم تحملت الملام

كل ذكرى لك تمحيها الهبوب
حتى لو سلمت لاترد السلام

[Salem @SA_9965]

أكفنى شرك كفى جرح القلوب
رح عسى الله يحرمك لذ المنام

صرت أشوف الغدر مابين الدروب
يا سبب نوحي وحزني والهيام

أبتدينا وأنـتهينا يا لعوب
لا تحاول تـقنع بحلو الكلام

الله أكبر صرت أنا كلي عيوب
عقب قولك معجب أنكرت الغرام

[Salem @SA_9965]

تكبر طموحاتي بعد كل مشروع
من طيب هقواتي ومن طيب ساسي

المشكله ماهيب في حبة الكوع
المشكله وشلون بحب راسي

[Salem @SA_9965]

عسى ذكرنا لا فك باب الحديث ودار
يقلط بنعم ويكرم بحي ذا الطاري

خلقنا كبار وبإذن ربي بنموت كبار
نحاضي على سمعة بني عم ونداري

شيم روسنا ماهي بسلعة للإستثمار
ولا وقفت ما بين بايع وذا شاري

نساير طريق العز لو هو تعب واخطار
ونخالف طريق الهون لو قالوا اجباري

[Salem @SA_9965]

جمالك زهى عودك وكنه مفصّل له
ووجنتك شمس شعّشعت من مشارقها

عن البيّض فارق حسن واسلوب و المّله
يا سبحان من سّوا الخلايق و فرقها

[Salem @SA_9965]

ساقتني الدنيا على غير مشهاي
مادام كرتي صار منسي ومحذوف

من اولٍ يشفق على شوفتي جاي
واليوم ماكن لي جميلٍ ومعروف

قدمت له قلبي على كف يمناي
واوسم على قلبي وانا عيني تشوف

اقفيت من وجهه وانا اسحب خطاي
واقفى وولع جمرةٍ داخل الجوف

[Salem @SA_9965]

من باب توديع الأماني والأحلام
سلام ياللي جيت لرضاك كلي

عقب الغلا والود وإخلاصك ا��عام
اليوم غيري جالسٍ في محلي

[Salem @SA_9965]

أكحل عد��ك لين تعمي عيونه
البس له أغلى اللبس لو كنت جايع

لو عشت عمر شعيب وانت بمهونه
ضايع وماتقضي مـن العمر ضايع

والعـز يـوم يغامر الـرجل دونه
واعمار غيرك مثل عمرك ودايع

واليا لقيت أهل الدهر يشتكونه
لا تشتكي دهرك على كل صايع

[Salem @SA_9965]

في انسان دايم في حياته مساهم
وانسان يا سالم حياته جريمة

شتان ما بين الجبل والتهايم
والفرق بين المثمرة والعقيمة

[Salem @SA_9965]

أبشرك ياسالم الحال سالم
بفضل ربي والنوايا السليمة

العمر فسحة والليالي غنايم
والعافية ياسالم اكبر غنيمة

والنصر حلم الكل والكل حالم
واليأس في كل المواقف هزيمة

اهل المكارم يزرعون المكارم
واهل الشتايم يحصدون الشتيمة

والعدل ما يأتي على يد ظالم
و��ل ظالم وله نهاية وخيمة

[Salem @SA_9965]

وانسان في وجهك يقيم الولايم
وفي غيابك ينتفك بالنميمة

وانسان في الظاهر مصلي وصايم
والباطنة ما غير ربي عليمه

وانسان لو حامت عليه الحوايم
بأسه شديد وهمته والعزيمة

يصون وجهه من سواد اللوايم
ولا يفرط في صداقة حميمة

وهكذا يا ابوك حال الأوادم
الآدمي ما هو بجسمه وديمة

[Salem @SA_9965]

شوفه فراق ولقى ليت النظر يُعطى
عينٍ بلا جفن ساترني وفاضحني

ليا انخفض رمش عيني قلت ليه ابطى
وليا ارتفع قلت وش به مايصافحني

ازعل واعاتب ويرضيني وهو ما اخطأ
واخذ على خاطري مني واسامحني

[Salem @SA_9965]

لاتنا��ر الماضي مع الجانب الشين
وتفائل بمستقبلك وانطباعه

المقبلة لو هي بعد عشرة سنين
اقرب من اللي فايته قبل ساعة

[Salem @SA_9965]

تموت الأمنيات ويجبر اللّٰه خاطر المكسور
مثل ما متّ في ليلة فراقه . . والله أحياني

[Salem @SA_9965]

لك مسهمٍ بالطيب ما هوب مثلوم
ياطيب الرفقة شريف السلومي

وتم الكلام اللي من الراس منظوم
وعسى حياتك يازميلي تدومي

وإن مت جعلك من سنا النار معصوم
في جاه غفار الذنوب الرحومي

[Salem @SA_9965]

عندي علوم وخابر عندك علوم
وتبي تعلمني وتاخذ علومي

لاكن انا ماني رفيقٍ لك اليوم
أنا رفيقٍ للشقاء والهمومي

البارحة واليوم ماجاني النوم
بيني وبينه مثل حرب النجومي

سهران طول الليل لا أرقد ولا أقوم
أقالب الجنبين تقل محمومي

وأن نمت صحاني من النوم جاثوم
اللي يص��ي غارقين الحلومي

[Salem @SA_9965]

يقلط وهو كنه على الوجه مرثوم
يطيح وجهه مع وجيه الرخومي

وأصل البخيل خمام معطى ومحروم
وكفه ليا جات اللزوم محزومي

والناس بالأفعال فايز ومذموم
وإلا النواصي ما عليها وسومي

وأنته مع أهل الطيب لك حظ وقسوم
وعن الردى في كل حال محشومي