سَـمح

أنا على كِثر الخطا ما آتعلّم

[سَـمح @Sam7q1]

هقاوينا على الدنيا بعيدة والامل غشاش
عسى الله ما يواخذنا ،، ليا اخطينا و زلينا

[سَـمح @Sam7q1]

من فقد لذّة وصالك تعشّاه الظلام
مغترب ، لو ماتعدّيت ربعي و بلدي

[سَـمح @Sam7q1]

بشروا راعي الصبر حلمه قريب
لو يطول الوقت .. لا يفقد رجاه .

[سَـمح @Sam7q1]

العاقل اليوم ح��له مثل حال الغريب
يستغرب الناس من حوله وتستغربه .

[سَـمح @Sam7q1]

تحت دبرة الله ماعلينا خلاف وخوف
تمر السنين وتمشي إن سرّت وضرّت

[سَـمح @Sam7q1]

عفى الله عن حالٍ براه الزمان الشين
ولا عاد باقي من عزومه سوى صبره .

[سَـمح @Sam7q1]

حتى الليالي بعد غيبتك صارت طوال
تمشي على الكبد ما تمشي على هونها.

[سَـمح @Sam7q1]

من تعنى لوصلك لا ترده كسَير
ومن تباهى بهجرك أتركه للعّنا .

[سَـمح @Sam7q1]

يعوض الله الهاقيّ وجعل الضعون شتات
جعل من كشف معدنك . . ما عاد يبلانيّ

[سَـمح @Sam7q1]

يقولون البدو :
« العيون مغاريف الكلام »
بمعنى:
مهما حاولت ��نك تخفي إلا أنها فاضحتك

وفي رواية أخرى :
متحلف في لسانه أنه ما يقول
وعينه ما خلت شي إلا وقالته.

[سَـمح @Sam7q1]

ما كنه إلا ساكنٍ بين الرمش والحشا مِدهاله
واحدٍ لامن دعاني تلبيّ له ضلوعي قبل لساني

[سَـمح @Sam7q1]

اقربي بين السوالف و .. كتفي و .. الذراع
وانظري ليّ نظرة الشوق للشيء .. القديم

[سَـمح @Sam7q1]

احذر تدور عند الانذال حاجتك
لاتقضي الحاجه ولا تستر الحال .

[سَـمح @Sam7q1]

عسى الرفيق اللي نحبه ونغليه 
تبطي صواديف الدهر ماتصيبه .

[سَـمح @Sam7q1]

مذكور بالخير يا شخص تمنيته
لو كان مايسمع الداعي ولا يوحي

انت آخر انسان قدرته و حبيته
و انت أول انسان بدّيته على روحي

- علي الدعيه

[سَـمح @Sam7q1]

اقبـلي مثـل التبـاشر في وجـه الكريـم
وارحلي مثل التعازي على موت الشجاع.

[سَـمح @Sam7q1]

يا زيـن الرحابه والوفا والقبّال الزين
و كلمة هـلا يا مرحبا و أبرك الساعة .

[سَـمح @Sam7q1]

أستبيحي حرمة فؤادي و حلّي يا جميله
بالمقام اللي يعيّش صاحبه حسن الاقامه

من كثر ما مر طاريّك على بالي و اخيله
ودي أنه كل ما مره ذبحنا له كرامه

هذي اللي وصفها فالشعر حاجه مستحيله
كيف أوصفه�� وهي تستر مفاتنها لثامه

_ يدل دربه

[سَـمح @Sam7q1]

ما مثل الحبيب إلى صفى الود من يمّه
يصايد " هواك " منين ما هب ذعذاعه .

جابر النشيرا

[سَـمح @Sam7q1]

العمر يفنى والحياة أحلام والدنيا متاع
يا كم نفسٍ روّحت ما حققت مطلوبها.

وصل العطياني