Shahd M Radwan

Business Administration

[Shahd M Radwan @Shahd52611368]

وَالْآخِرَةُ خَيْرٌ وَأَبْقَىٰ. ♥️

[محمد صديق المنشاوي @Elminshawy_45]

﴿رَبِّ اجْعَلْنِي مُقِيمَ الصَّلاَةِ وَمِن ذُرِّيَّتِي رَبَّنَا وَتَقَبَّلْ دُعَاء﴾.

[قلّبي اطمُأن @heartt_6]

اللهم بلغنـــا رمضان بلوغ رحمة ومغفرِة❤️❤️.

[Shahd M Radwan @Shahd52611368]

باسمك ربي حصنت نفسي
وأهلي ومن أحب من أن يصيبنا أذى

[Tamer Abdo Amin @tamerabdoamin]

"يُؤتكم خيرًا"❤️

[Tamer Abdo Amin @tamerabdoamin]

ندمت في حياتي على قد ما ندمت لكن ماندمتش أكتر من إني في بعض اللحظات حطيت ثقتي التامة في بعض الناس بسرعة رغم إنهم طلعوا أقل بكتير من الثقة دي، وأقل من معرفة أى أمور شخصية خاصة..

أنت بتحكي ليه؟.. عشان تفضفض؟.. تمام بس اختار ده يحصل مع مين.. فيه ناس بيسمعوا عشان يتسلوا، وناس بيسمعوا عشان شهوة فضولهم بتخليهم عايزين يكونوا عارفين عنك اللي يستخدموه ضدك بعدين.. معظم الناس بيحركهم "الفضول" مش "الاهتمام"..

الصح إن أمورك، وتفاصيلك الخاصة يكونوا منطقة محرمة على كل جربوع بيستهين بظروف غيره، أو بيقلل منها، أو فيه من الحقارة وعدم الأمانة اللي يخليه يتلاعب بيك باللي عرفه..

عشان كده مهم من وقت للتاني تفلتر وتحدد إيه بيتحكي لمين إمتى.. معظم الناس لا تستحق إلا معرفة بعض العناوين.. إيدك هي أول، أمتن، وأوفى إيد بشرية هتتمدلك تلحقك، وقلبك هو أصدق اتجاه هيسمعك، وعقلك هو أنضج مخلوق هيوجهك.

[Tamer Abdo Amin @tamerabdoamin]

عيني جت بالصدفة من شوية على الرسايل القديمة في الواتساب وشوفت فيها شات كان بيني وبين ناس كانوا في فترة من الفترات أقرب، وأغلى، وأهم مخلوقات ربنا لقلبي.. والنهاردة؟.. بخ.. مفيش.. معرفش عنهم حاجة، ومش مهتم.. والمحصلة النهائية؟.. صفر غلاوة، وصفر قُرب، ومليون درس علموك مين اللي يستحق شرف القُرب بجد..

لما استرجعت المواقف اللي بيننا لقيت إن مكانتهم الكبيرة عندي كنت أنا السبب فيها مش هما.. أنا اللي على طول كنت بقدم، وأنا اللي كنت مديهم قيمة كبيرة مش على مقاسهم.. كنت ب��وي دراع حقيقة مقرفة وواضحة زى عين الشمس بالعافية عشان أقنع نفسي إنهم كويسين!.. هما معملوش أى شيء لبقاء الود، ولا لحفظ العِشرة، ولا لصون العيش والملح، ولا حتى لاحترام الصداقة..

الدنيا دي غريبة، وجزء كبير من غرابتها إن مافيهاش ثوابت.. يمكن الثابت الوحيد فيها إنك لازم تستعد تسيب اللي يقعوا يقعوا مادمت ماقصرتش، ومادام غيرك فلت إيده الأول..

في الدنيا فيه اللي هيشوفك عبارة عن "فرصة" بس، وفيه اللي هيعتبرك "مرحلة" بس، وفيه اللي مش هتبقي عنده أكتر من "مصلحة" لما تنتهي هتنتهي بالنسباله.. فيه اللي مش هيفكروا فيك غير باللي هيقدروا ياخدوه منك بس.. لكن برضه فيه اللي هيختصر فيك الكون، وهتبقى عنده بالدنيا ومافيها..

عشان كده ولما قارنت اللي ظهروا في حياتي بعد اللي غابوا لقيت إن كرم ربنا وعوضه فوق كل توقع وأجمل بكتير من اللي كان في البال!.. بتتشنكل النهاردة في الفالصو عشان تعرف قيمة الذهب لما يظهر بكره.. العلاقات اللي بتقوم على الأنانية، والمصلحة، وعدم التقدير بتكون واضحة من بدايتها وقطعها هو أشرف قرار ممكن تاخده في حق نفسك..

ماتقفش كتير عند نقطة التخلّي، الخذلان، والصدمة الفلانية!.. الحياة لازم تكمل، وأنت لازم تكمل.. ماتبصش وراك، وماتضرش حد، وماتجبرش حد عليك، وتشيل اللي يقدرك على راسك، وبالنسبة للناس بابك سكته مفتوحة للي عايزك ورايدك..

ربنا يرزقنا بصيرة تنقية الناس الصح، ويبعدنا عن اللي نكون عندهم "مرحلة".. "جبران خليل جبران" قال: (اختر نزلاء قلبك بدقة، فلا أحد يدفع ضريبة سكنهم سواك).

[Tamer Abdo Amin @tamerabdoamin]

١٠ رمضان 🌙

يارب.. أنت تعلم كم أحاوُل فلا تُردني إلا مَجبورُاً.. زدني بُعداً عن كل شيء لا يُرضيك.. ردني إليك إن تُهت، وارحمني إن ضقت، و اغفر لي إن أذنبت..

لا أريد أن تُتعبني الأشياء التي أُحبها، والقلوب التي أُراهن عليها، والطرقات التي أسلكها.. يارب رجوتُك ألا يأتي خوفي من حيث اطمأن قلبي.

[Tamer Abdo Amin @tamerabdoamin]

٣ رمضان 🌙

ربنا يرحم كل الطيبين اللي غابوا عن العيون بس غلاوتهم فضلت، واللي كراسيهم فضيت بس ريحتهم لسه فيها، واللي صوتهم اختفى بس صداه لسه في القلب..

ربنا يديم سيرتهم الحلوة وسطنا، ويقدرنا نكون امتدادهم الطيب، ويجعلهم فخورين بينا من مكانهم في الجنة.

[Merr @meraadel971]

ربنا لما بيعوض بيخليك ناسي انت خسرت اي🤍

[Tamer Abdo Amin @tamerabdoamin]

فيه ناس لو ناولتهم كوباية مايه هيفضلوا شايلينك فوق راسهم العمر كله، وناس تانية لو مشيت لهم بلاد على رجليك وعملت عشانهم اللي مايتعمل عندهم من البجاحة اللي تخليهم يقولولك "محدش طلب منك تعمل".. مش كل الناس بتحفظ الفضل، ولا بتفهم في الأصول، ولا بتراعي الجميل.

[فــذكِّر @thkkkrr_]

وفي يوم الجمعة ..

[Essam @3sam001]

يارب مكه قريبا
مع من نحب ♥️