Scar tlass

مصطفى سكار فيصل طلاس

[Scar tlass @SkarTlass]

جوليا بطرس ​ وين الملايين ؟
سموها صوت الحرب لانو مخوفة اسرائيل اكثر من كل العرب
ارجل من كل حكام العرب اللي اجتمعوا بالقاعات الفخمة وطلعوا ببيانات "تنديد" تافهة، ومن رجال الدين اللي شاطرين بس بالفتاوى على قياسهم، ولما وصل الدور لفلسطين "انخرسوا" وبلعوا لسانهم!
Julia Boutros

[Scar tlass @SkarTlass]

@HeshamAlMasri11 💔💔

[Scar tlass @SkarTlass]

@ZaidAzem منور الشاشة استاذ زيد ❤️

[Scar tlass @SkarTlass]

قال تعالى في كتابه الكريم
﴿وَقَدِمْنَا إِلَىٰ مَا عَمِلُوا مِنْ عَمَلٍ فَجَعَلْنَاهُ هَبَاءً مَنْثُورًا﴾

أنا نزلت منشور وضّحت فيه رفضي لعبارة «أنا حررتك»، وعلّق عندي #تامر_التركماني بهالأسلوب

يا تامر التركماني ، أنا ما بنكر إنك اشتغلت للثورة، وللأمانة #تاريخك معروف، وما عندي رغبة أنكر جهود أي شخص أو أقلّل من دوره. لكن بدي اسألك بكل صراح : بالفترة الأخيرة، شايف حالك لوين وصلت بأسلوبك وطريقة تعاملك مع الناس؟

أنا بطبعي ما بحب فوت بمهاترات #شخصية، ولا هذا أسلوبي ولا هدفي، لكن أحياناً بيكون الرد واجب، مو من باب الانتقاص من حدا، وإنما من باب توضيح الموقف.

مبارح كتبت منشور قلت فيه بوضوح إني برفض رفضاً قاطعاً إن حدا يمنّ عليّ ويقلي: أنا #حررتك متل ما كنت أرفض هالأسلوب أيام الأسد لأن التشبيح ما بيتغير بتغير الشعارات؛
اللي كان يشبّح باسم البعث، اليوم ممكن يتشبّح باسم الثورة، واللي كان يتخبّى وراء القومية والعروبة، اليوم ممكن يتخبّى وراء الدين و التحرير

وبدي وقف عند #عبارة من يحرر يقرر يا تامر ، اللي بيقول هالكلام وكأنه أمر عادي، لازم يفهم خطورة معناه
مين أنت ومين غيرك حتى يقرر عن الشعب السوري؟
#الشعب_السوري هو صاحب القرار، وسوريا هي اللي تحررت، مو ملكية خاصة لحدا حتى يمنّ على أهلها بحريتهم
هل #تحررنا لنستبدل سيداً بسيد؟
بالنسبة إلي، هاي من أكبر الإهانات بحق الشعب السوري، وخسئ كل من يعتقد أن التحرير بيعطيه حق الوصاية على الناس

أما كلمة (يا عمو) ومحاولة ربط النقاش بعمري، فأنا بفتخر إني شاب، ومن إمتى كان الشباب عيب؟
الوعي مو بالعمر، وأنا ما بدّعي إني ما بغلط، بالعكس، عندي أخطاء وبحتاج أتعلم وأكتسب خبرة أكتر.

لكن بالمقابل، بتمنى كمان تراجع بعض #تصريحاتك ومواقفك السابقة، ومنها التعميم بحق الطائفة العلوية الكريمة لما قلت كلهم أمجد يوسف ومواقفك تجاه اخوتنا الدروز والأكراد وغيرهم
اللي بيته من قزاز ما بيرمي الناس بحجارة

والأغرب إنو بعد تعليقك #مباشرة، بلّش الهجوم من بعض الصفحات والأشخاص، وتحولت القصة من اختلاف بالرأي إلى شتائم بحق أهلي وعرضي ونسبي. وللأمانة، توقيت الهجوم بيثير تساؤلات حول طبيعة العلاقة بينك وبين بعض الصفحات اللي شاركت فيه، من دون ما أجزم بشي ما عندي عليه دليل

واللافت كمان إن بعض جهابذة العلم و #الدين اللي هاجموني، عم يحاولوا يصنفوني ويصفوني بالعلماني، وكأن الاختلاف معهم بيخرج الإنسان من الدين أو بيصير مبرراً للإساءة إيلو
أنا ما عندي مشكلة مع أي نقاش ديني، لكن الدين مو سلاح لتخوين الناس أو الانتقاص منهم
الدين بريء من الإساءة والتعالي والتحريض، وأهل #السنة أكبر من أن يُختصروا بتصرفات بعض الأشخاص أو الصفحات

وبدي وضّح شغلة أخيرة: أنا ما بحب أهجو حدا، ولا من طبعي ألاحق الناس وأفتش عن أخطا��هم حتى أنتقص منهم متل ماوعملتو ممكن أختلف معك، وممكن أنتقد موقفك، لكن هاد ما بيعني إني أسيء لشخصك
أنا اوعى من إني أهاجم الناس، لكنني بختار ما أنزل بالنقاش لهالمستوى.

يا #تامر ، هذا عتب قبل ما يكون انتقاد
أنا ما عم ناقشك بتاريخك ولا عم أنكر دورك، ولا عم اطلب اعتذار لكن التاريخ النضالي لأي شخص ما بيعطيه حصانة من النقد، ولا بيعطيه حق الوصاية على الآخرين

بالنهاية، أنا ما بقبل التشبيح لا باسم البعث ولا باسم الثورة ، ولا باسم الدين ولا القومية ولا الوطنية والا التحرير
الحرية ما كانت يوماً منّة من حدا، والتحرير ما بيعطي أي إنسان حق يقرر عن غيره

كل إناء بما فيه ينضح، والاختلاف بالرأي ما لازم يتحول لخصومة شخصية

[Scar tlass @SkarTlass]

آلان مصطفى مع رابعة الزيات
عودة الجنرال مناف طلاس
بانتظار الياسمين 🍂
#سوريا #الجنرال_مناف_طلاس

[Scar tlass @SkarTlass]

#إياد_شربجي ليس أخطر من إسرائيل... كفى منّةً بالتحرير واستعراضاً للبطولات

بدايةً، أنا من الأشخاص اللي بحاولوا يتجنبوا الحديث عن إياد شربجي، رغم اختلافي معه ببعض المواقف والتصريحات، لكن خلينا نحكي عن مداخلة فارس زين العابدين عنده.

أولاً، لما تقول إنك تصوّبت لله ثلاث مرات، وإنك رفعت علم سوريا وما رفعت علم تركيا، وإنك كنت من الناس اللي حرروا البلد، فأنا بحترم موقفك الوطني، لكن السؤال: إذا كل هالأعمال كانت لوجه الله والوطن، ليش عم تمنّن الناس فيها؟

تضحياتك إلك، وإذا كنت جاهدت وقدّمت دمك، فهذا ما بيعطيك الحق تعاير السوريين كلما اختلفوا معك. هل صار الشعب السوري مدين إلك طول العمر؟ التحرير مو صك عبودية، ولا تضحياتك رصيد بتشتري فيه ولاء الناس.

ثانياً، بتقول إنكم بتتعرضوا لوصف السلفيين، وبالمقابل بتوصفوا غيركم بالعلمانيين السكرجيين. طيب وين احترام الاختلاف؟ وليش بتطالب النا�� ما تختزلك بتصنيف، بينما بتعمل الشي نفسه مع غيرك؟

وبالنسبة لعبارة «إحنا حررناكم»، مين نحنا ومين أنتو؟ ومين فوّضك تحكي باسم أهل السنة أو تحدد نسبتهم؟ أنا سني، وما بوافقك، وأنت ما بتمثلني ولا يحق لأي شخص يحتكر تمثيل طائفة كاملة.

السوريون ما بدهم يستبدلوا سلطة بسلطة، ولا وصاية بوصاية. نحن تحررنا لنكون أحرار، مو لنصير أتباعاً لحدا جديد.

وثالثاً، إذا كل هالحماسة عندك لنصرة الدين والوطن، ليش ما منشوفها بنفس القوة تجاه معاناة أهل غزة وفلسطين؟ وليش كل هالاستعراض موجه لمواجهة إياد شربجي، بينما عنا تهديدات إسرائيلية حقيقية واعتداءات في درعا والقنيطرة؟ هل صار إياد شربجي أخطر من إسرائيل؟

وبدي وضّح إني مو عم دافع عن إياد شربجي ولا متفق مع كل أفكاره، عندي عليه ملاحظات وانتقادات، لكن في فرق بين انتقاد أفكاره وبين إنكار حقه وحق غيره بالاختلاف. ولولا أصوات علمانية وم��فتحة، مثل إياد وغيره، دافعت عن حقكم بالاندماج بالمجتمع الدولي وتقديم صورة مختلفة عنكم، كان ممكن تضل النظرة الدولية إلكن أسيرة الصورة القديمة #ارهاب

وبصراحة، ملّينا من استعراض البطولات ومن حكاية «نحن حررناكم». ما حدا بينكر تضحيات الناس، لكن الوطن مو ملكية خاصة للي حمل السلاح، والشعب مو مطالب يقدم فروض الطاعة والولاء لحدا.

#فارس_زين_العابدين ولكل السوريين: سوريا مو ملك حدا، والتحرير مو صك ملكية، والجهاد مو وسيلة للمنّة على الناس، والسنة مو ملك حدا حتى يحكي باسمهم.

أنا مع حقك بالدفاع عن دينك ومعتقداتك، لكن بالمقابل لازم تحترم حق غيرك بالدفاع عن أفكاره. ما بدي حدا يفرض عليّ كيف أفكر، ولا بدي أفرض على حدا كيف يفكر.

خلونا نتعلم نختلف من دون تخوين، وننتقد من دون إهانة، ونحترم بعض من دون وصاية.

سوريا بتتسع لكل السوريين، والحرية اللي ما بتتقبل الاختلاف ما بتكون حرية حقيقية

[Scar tlass @SkarTlass]

في رواية مزرعة الحيوان لجورج أورويل، كان الخنزير نابليون يلجأ دائماً إلى صناعة الأعداء وتضخيم الأخطار، لإبقاء الحيوانات في حالة خوف دائم، وإلهائها عن إخفاقات السلطة واستبدادها.
وهذا ما يذكّرني بقصة مصفاة حمص؛ فحين تعجز السلطة عن تقديم إجابات مقنعة، يصبح العدو الخارجي شماعة جاهزة

[Scar tlass @SkarTlass]

على سيرة فارس زين العابدين و إياد شربجي
بكرا إذا نزلت على سوريا وطلع بوجهي واحد وقلي: أنا حررتك أو نحنا حررناكم
رح بربطو وخليه يبوس صباطي، مشان أحرّرو أنا كمان… هيك بتكون الحرية متبادلة

[Scar tlass @SkarTlass]

@ZaidAzem والله لانو شي بضحك😂

[Scar tlass @SkarTlass]

عودة الجنرال مناف طلاس

[Scar tlass @SkarTlass]

@ZaidAzem الله يكون معهن ويفرجها

[Scar tlass @SkarTlass]

@ZaidAzem لا الاكوست حصراً للفرعون والطبقة الحاكمة اما هدول شوية فلا��ين مصرين قدماء على ��اب الله 😂

[Scar tlass @SkarTlass]

@ZaidAzem سنغفورا مين حدنا الله يفرجها بس احسن شي

[Scar tlass @SkarTlass]

#متطرف_بسوريتي
اي، أنا ضد التطرف بكل أشكالو بس متطرف بسوريتي
متطرف بحبها و بانتمائي إلها و بإيماني فيها متطرف برفض تقسيمها، وبرفض الكراهية بين أبنائها، ومتطرف بإيماني إنو سوريا أكبر من الطوائف والأحزاب والأشخاص في تطرف بيهدّ البلاد وتطرف بيبنيها يلي هوي سوريا
سوريا بتساعنا كلنا

[Scar tlass @SkarTlass]

@ZaidAzem والله استاذ زيد صرت اشفق عليهن بعتقد انو لازم يتعالجو
بالمناسبة انا كنت قلع سناني بايدي وانا صغير يعني انا اليوم احسن من دكتور لسنان ؟😅

[Scar tlass @SkarTlass]

@ZaidAzem الله يفرجها على هل بلد

[Scar tlass @SkarTlass]

اللي وقف بوجه الطغيان وترك كل شي وراه كرمال كرامة الشعب السوري متل الجنرال مناف طلاس مستحيل اليوم يقبل بالدم أو ينحاز لجهة ضد جهة. حرصه ع تقريب وجهات النظر بين كل أطياف المجتمع السوري هو دليل ع رؤية وطنية حقيقية بتعرف إنو سوريا ما بتعمر إلا بالجميع وبلا اقتتال

[جوكر الثورة @Joker2977]

صحيفة الأخبار اللبنانية:

انضمام الشيخ غزال غزال إلى جهود #الجنرال_مناف_طلاس لتحقيق المصالحة الوطنية بسوريا وحماية المكوّن العلوي من التلاعب الخارجي

سلّطت صحيفة «الأخبار» اللبنانية الضوء على مواقف الشيخ غزال غزال الأخيرة، مشيرة إلى أنها جاءت لتواكب الجه��د التي يبذلها العميد مناف طلاس في سبيل تحقيق المصالحة الوطنية بين مختلف مكونات الشعب السوري.

ونوهت الصحيفة اللبنانية إلى انضمام غزال للمسار الذي أطلقه طلاس، والرامي إلى حقن الدمـ.ـاء السورية وحماية كل المكونات السورية، وخاصة المكوّن العلوي، ومنعه من الانجرار إلى صراعات جديدة، ومن محاولات التلاعب بمصيره من خارج الحدود، مع تغليب لغة الحوار والتفاهمات الوطنية بما يحفظ وحدة سوريا واستقرارها.

[Scar tlass @SkarTlass]

انتقلنا من غزلان في غابة الذئاب
الى شركاء يتقاسمون الخراب
#سوريا

[Scar tlass @SkarTlass]

@ZaidAzem رح تصير افغنستان حلم اذا بنضل هيك 💔

[Scar tlass @SkarTlass]

الرئيس أنور السادات ووزير الدفاع السوري العماد اول مصطفى طلاس قبل حرب تشرين عام 1973 في القاهرة

[Scar tlass @SkarTlass]

فيديو يعود لعام 1975 للرئيس أنور السادات ونائبه آنذاك حسني مبارك يستقبلان فيه وزير الدفاع السوري العماد أول مصطفى طلاس ورئيس الوزراء محمود الأيوبي بعد حرب تشرين التحريرية.
#حرب_تشرين_التحريرية #سوريا #مصر
#اكتوبر #عيد_النصر