ان تحالفتو علينا … ما علينـا
ماقوينا الا من اسباب التحالف
ومن سواياكم فلا خوف علينا
ماخبرنا عندكم غير السوالف
وما نخاف الا عليكم من يدينا
ان سلمتو من يدينا ما يخالف
للطيب وقع وللمناعير منهاج
ومناهج اهل الطيب ماهي تخلاّ
لاتسمعون المدح من كل هرّاج
من لاسهج درب العلا .. ماتعلاّ
المدح للي كل ماجاه محتاج
ماهوب من دون اللزوم يتخلاّ
لاضيّفوه الناس كنّه على صاج
ودّه يعزم اللي يمرّون .. ولاّ
يمكن يرحّب بالمضيّف وهو ساج
من كثر مارحّب وسهّل وهلاّ .
اللهم اجعل لنا في هذا اليوم دعوة لاترد و رزقاً لايعد، ومغفرة وعفواً تبلغنا بها جنتك… اللهم أنا نستودعك أدعية فاضت بها قلوبنا فحققها لنا ياعظيم يارب العالمين 🤍
#يوم_عرفه
ليا شانت وجيه الليالي و قلّ الراي
وخلايا الدماغ من التفاكير مضطربه
ً
عط الراي عمرك لا تشاور به الحكاي
لو ان الطواري سربةٍ من بعد سربه
ً
فلا تزتمل وتقول ماجت على مشهاي
فرجها ليا ضاعت على فارج الكربه
ً
ترى شرهة البندق على وقفة الرماي
مثل شرهة الفارس على زرقة الحربه
ما تشوف الصح ��ح وتشوف العيب عيب
تحسب إن هذي وهذي مجرد تسميه
الردى عله ما يقدر يعالجها الطبيب
ينتشر فالناس ويصير علّه معديه
كل حاجه صعبه اتعاند الراس الصعيب
ما تجي لك غير من بعد جهد و تضحيه
ما يحدك لـ الردى وانت لك قدره تطيب
غير من ضعف المراجل وسوء التربيه