تحاوطك الفتن، و عباد ربي في حرمك تطوف
تحليّن الظروف، ولايعرف العالم ظروفك
تباهي ما عليك مْن العدا، والمسلمين تشوف
عذيّة، مستبدة، غير لله ما ظهر خوفك
نبيع أرواحنا من دون حدّك، مالنا معروف
عسانا لو نردّ مْن الجمايل ربع معروفك :)
#الرياض_الآن ( 🇸🇦🇰🇼 )
نامي قريرة عين يا بلادي ربيع المسلمين
ما ضرّك ابن إبليس لو يقصفك بألف مسيّره
كنتي ولا زلتي ملاذ الخايف مْن الأمتين
حافظك رب البيت من يومك عروس صغيّره
خلّي عدوك يجتهد لك باليسار وباليمين
أنتي قدر مكتوب والمكتوب من بيغيّره
ليت روحي لا بدى جنح الظلام الدامس
روح من يتكل على ربه . . عناه وهمّه
خاطره ما هوب متضايق ولا متعامس
كل ما هلّل يناديه . . الرضى ويلمّه
ولا انا روحي يضايقها .. كلام الهامس
مسرفٍ فيها اللعوب اللي ماعنده ذّمه
عازلٍ قلبي مثل عزلة مُراد الخامس
واحدٍ زينة وصوفه من خواله وامّه
أنا ذات البنادم من جمود الحس لـ التفكير
إلى إحساس الترقّب و الطمع و الخوف و الثوره
أحب الصمت في ظل اندفاع النفس لـ التعبير
وأشوف إن الفرح خصله حميده و الحزن عوره
يصبّرني على بعض الشعور انّك لا زلت بخير
انا احوالي ؟ ليّا منك غديت بخير .. مستوره
تفرّدت يا وجهٍ جماله صنيع الله
لك القلب يبعث لك معَ العين برقيّة
من اللي يشوف الوجه هذا ! ولا يهواه
وش الملح ! لو ما هي ملامحهْ شرقيّة
عيونك ليا هام البصر في حورها تاه
نواعس تقول إنها من الخمر مسقيّة
لك الحق تِدّلْل وقلبك عليّ رْضاه
عليك الدلال وللجمال الأحقيّة
لا تجلدين الذات وتقولين عن نفسك قْمر
كان القمر آيه من الآيات فـ أنتي البسّمله
ترى القمر ما يكتمل زينه سوى نصف الشهر
و أنتي طوال العمّر كله كامله و مكملْه :)
تغاضيت لين أنكرت روحي مع الارواح
وتساميت لين أسلمت نفسي لخالقها
ماعاد أتبع المقفي ولا أندم على اللي راح
ولا عاد أغرّبها ولا عاد أشرّق��ا
أنا لا انكشف لي زيف بعض الوجيه أرتاح
من الهقوة اللي كنت فيهم معلقها :)
لو تكبّد في هوانا ما تكبّد
مايجي شيٍّ مع اللي منك اكابد
النهود كفوف رهبانٍ تعبّد
فوق مزموم النحر عابد وعابد
اسجنيني بينهن سجنٍ مؤبّد
يا ��طاة اشْمِرّةٍ قيد الأوابد :)