🦋

عساك بجنات ونعيم وبراد يا احن واطهر من ضمه الثرى

[🦋 @ui34_]

ثم ذهب فقيدي إلى ربه ، وأيقنت بأن النعم لا تدوم رحمك الله يا روحي.
#ابوي

[- @Dll7n]

ما تاقف الدنيا على من تجاهلك
كم ضاع فيها من كبار الهقاوي

اللي يبي وصلك وقربك يحصلك
بعض المواقف ما تجي بالمناوي

واللي يبي بعدك مع الوقت يهملك
مالك ومال اللي على البعد ناوي

هذاك لو ترضيه يرجع ويزعلك
رضاك عنده مع زعلك متساوي

[وليد بن عبيد ابوثنين @w_abuthnain]

ياحيف ياطير لك العين لدت
خانت بك الهقوه وانا بك تهقويت

قنصت بك يوم الطيور استهدت
ولك سنتين برمكتك ما استهديت

شرهاتنا مرت عليك وتعدت
قامت تقطع ورا اذنك ولا اوحيت

ماني مسنع كل قوم تردت
لكن ابعرف ليه فيني ترديت

وقفت لك يوم ان الاقراب صدت
وقفت لك وقفة جبل ماتخليت

ويوم ان صلفات الهباهيب شدت
نطحت راسي للهوا ماتتقيت

ويوم ان زانت لك والاوضاع هدت
عرضت وجهي للخلايق وصديت

ابشرك جرهتها واجرهدت
وساقتني النيه على ماتمنيت

البدو لا ضاقت من القاع صدت
وانا حشمت النفس عنك وصديت

[- @lliiyy__l]

ماني على تبرير الأحداث مجبور
و ماعاد عندي للتخاطب وسيله

برحل و دنياك الدنيّه تبي تدور
وتقول ليت الأرض تنبت مثيله

بـ تفقد اللي يفقدك بين الحضور
وتبحث عن شعوره بـ قصه بديله

فقد الأحبّه ما تعيشه على الفور
باكر تفوق و تجني أردى حصيله ..

[جَسـور @bn3jm_]

« الخمر » ماهوب خمر اهل اللهو والهبال
الخمر فـ عيونك اللي في هدبها خمول

لاسلهمت وآرخت الرمشين غيّ ولال !
اي والله المسكرات ومذهبات العقول (:

- مبارك بن رادعه

[🦋 @ui34_]

@bn3jm_ واو

[جَسـور @bn3jm_]

عن ضجيج الناس والمجتمع جاني جفال
كن ما ذولا بـ ناسي ..... ولا ذي بـ بلدّي

الهروب أحيان نوعٍ من أنواع النضال
لاوطت رجلك طريق الضياع السرمدي

جيت محتاجك وفيني كلامٍ مايقال
أتعزز وارفع الصوت وأمشي وآعدي

حطّني في وجه حضنك من صدوف الليال
تايهٍ ، لا أخطيت من ضمّتك وين اغدي ؟

- سعود مبارك

[مِرْباعُ شِعر @AL_3jmiiii0]

الا يـارفيقي .. والله انـك وسيـع بـطان
ولا ابيك تاقع بالخطا وانت خابرني

مثل ماتشاورني .. على الوزن والقيفان
ياليتك على بعض السوالف تشاورني

عبدالكريم البدراني

[جَسـور @bn3jm_]

قال أنا عند ظنك؟ ، قلت لا بالله
أختلف فيك ظنّي نوبه ، ونوبه

قال ؛ واللي سواتك يدمح الزلّه
قلت ؛ والغلطه اللي منك محسوبه !

- سلطان الهاجري

[جَسـور @bn3jm_]

يفداك من قال إنك الزين وأبيه
لا والله إلا الزين وأبيه وأمّه

لاتلتفت لـ الظبي ، والظبي يكفيه
طرّافك اللي لونها لون دمّه

تراه لو يلقى عليك أي تشبيه
قضّى حياته كلها فيه زمّه

- علي ال صبيح

[دواهّي. @P5llW]

يوم شفت أن التشره هجمته مرتده
صار لي فتره مفعل خدمة المتغاضي

[Renad @5I_can]

نسختك مع اكثر شخص راح يخذلك بحياتك

[بآد | @yyd5m]

الوجيه اللي من الحشمه تبرت
صد عنها ، قبل تبلاك بـ رداها .

[‏᷂عسر٨٨ @Qhta10ni]

ماعاد تفرق وش تخبي لي الايام
جاني اللي كفى وخاطري طاب

[‏᷂عسر٨٨ @Qhta10ni]

لاتعطي الناس حجم أكثر من اللازم
الغالي غالي لو أنك ماتوضح له

[ًًً @QQQ9K]

شمس القايله ولا شجره تمنّ بظلها
- شعار مهم -

[ٍ @woor0i]

بعد طالت مشاوير الحياة و سجوّ السالين
نويت أعيش فـ الدنيا و أسايرها ولا أمداني

ترجعني لـ خيبات الظنون و زلة الغالين
و أطوّفها على شان الهوى ماهو على شاني

و أنا ماني غشيمٍ فـ التعامل و أعرف الغاوين
أجامل و اتشيّم و الخطأ ماهو بـ يخفاني

[رَ @8zilir]

اللهم لا تجعلني ثقيلاً على قلب أحد
وابعدني عن من يتمنى بعدي
ولو كان
عزيزاً على قلبه

[ِ @ajm1ii_]

تصنعت نسيانك و حبيت خشم البال
أخاف أرتكب عقب الغلا غلطة الشاطر

يكفّيني و يكفيك .. عذري عن الأهمال
تركتك لوجه الله، ولا أنت فـ الخاطر

[سِيـن @lsriill]

«الحياة رحبة، لا تكن عالقًا في مشهد نافذتك القديمة
. مهما كان بالغ الجمال، لا تكن أسيرًا»

وعلى ما قال ناصر مناحي:
«كل درب تحسب إن ما فيه غيره؟
فيه غيره لا تعلقّها على شورٍ عطاك اللّٰه بداله»