:)

روقي فيه عنجهية اهل الباديه

[:) @useer5ll]

:)

https://t.co/pBD8eJq9rR

[:) @useer5ll]

تغطَّي يا مال القوم ي ام العيون الخرس
ترا روس خلق الله من الحر منطشّه

وحنّا بـ مستشفى ما حنّا بصالة عرس
تعابى وفينا ضغط وقلوبنا هشّه :)

[:) @useer5ll]

واقف من البارحه والم
تحت البدر وانتظر بدرك

اباري الساس ، و مسالم
وان شفت عودك ماعاد ادرك

وشلون اعوّد معك سالم
وانته تشيل النِعم حدرك

اخطر مضيقين فالعالم
مضيق هرمز بعد صدرك :)

[:) @useer5ll]

مارس طقوس العفاريت يالظبي اللعوب
انت في وجهي من البندق اللي في الزهاب

وشبلاك تدور من العتب فرصة هروب
خلني وياك دايم على طور العتاب

لا اكثرو وان قلو اللي يلاحون الهبوب
القصيد العذب ماياتي الا من عذاب

تمتحني غيبة النور في وقت الغروب
خايفً انه ينبلج من مكانه يوم غاب :)

[:) @useer5ll]

الجادل اللي عنقها حول شبرين
وفي خدها شامه وفالعنق شامه

فنجالها ماهوب باوسع من العين
والجيد كنه طخاف الغمامه

من بد ترفات البنات المزايين
ما فيه مثل الفارقه بالعلامه

طرقا تهزع فالجراهيد وتزين
حتى لو ان القاع ثاير عسامه :)

[:) @useer5ll]

تحكمت بي وأسرفت يا ضامر السّرجوف
وعذّلت روح سلّمتك أمرها كلَّه

وليفي عليه من الخشوف الدّقاق اوصوف
إلى ذار خشف الريم كنّه وصيف له :)

[:) @useer5ll]

عن غيرها تفرق بالاسلوب والمنطوق
مع زين خد وخشم وشفيّتن ذبله

شعرها على الردفين متثنيٍ من فوق
طويلٍ معنقها ومع زينها قببّله

عين اشقرٍ شاف الحباري وقام يتوق
لمحها هريب مقفياتٍ مع العبله

هو اللي غرامه ساقني بالموده سوق
و ترا من يلوم مولع القلب ياهبله. :)

[:) @useer5ll]

ضويمر بطنه صخيف لطيفي
ياويل طراد الهوى منه ويلاه

لو يلبس الثوب الحرير الرهيفي
يضجر ليا منه لمس جسمه أحفاه

والنهد فنجالٍ جديدٍ نظيفي
في درزنه توه من الصين ملفاه

والردف شط حوار بكرٍ مصيفي
الله حسيبه لا مشى كيف يقواه :)

[:) @useer5ll]

قبل أشوفك كنت تايه فـ الحياة و غادي
لين مرتني على غفله !.. سنين الغفله

جيتي من الغنج مغروره و أنا متمادي
كن حولك موكب أمير و مراسم حفله

في غرامك ذقت لذّة فرحتي و أعيادي
من يقول إللي يطيح من الهوى يؤسف له

غايتي في طلتك ياموتي و ميلادي
آمتلكتيني و أنا رجال و أنتي طفله :)

[:) @useer5ll]

مرحبا .ياللي على جيله .تسيّد
يا ملاك .الحسن كله والحلاوه

يوم شفتك قلت انا والله معيّد
وجاتني حالة سكر مدري فهاوه

انشلع ..قلبي وانا قلبي .جويّد
يوم شافك بدّل القسوه طراوه :)

[:) @useer5ll]

عيّدي يا مذهبة عقل الهواوي
وانزلي قصرٍ نظيره ما تشيّد

وقفّي بين الهقاوي والمناوي
واتركيني لا طليق ، ولا مقيّد

سيّدة الأسود والأبيض والسماوي
أيّ لون انتي اخترتيه ؟ يتسيّد
ㅤ
مبسمك صبحٍ على الأحداق ضاوي
من يشاهد " ثغرك الوضّاح " عيّد :)

[:) @useer5ll]

كل عام و المسلمين بوجهك معيدين
يالنايل اللي تبتختر ماحد نـالها

فيها الغنج والحلا والزين متجمعين
معلقة قلبي الهـاوي بسلسالهـا

لامن مشت صارو المتلقيه معجبين
ولا مالت يميل قلبي مع تميّالها

من التغطرس تشوف العالم بنص عين
تقول تمشي على وجـه الثـرا لحالها :)

[:) @useer5ll]

حبيبتي ما ينفع الا المواجه
أما بوسط الناس و لا فـ خلوه

ماهوب عيد إن كان ما صار حاجه
ترا لا جبنا العيد فالعيد حلوه :)

[:) @useer5ll]

لبى الخصر ، والردف ، والعنق ، والجيد
ولبى من القذله لـ حمر الشفايا

ياحظ من ضمك عقب خطبة العيد
والناس لاهين بذبح الضحايا. :)

[:) @useer5ll]

تقول ودي بشوفك مير ما امداني
والفرصة اللي على الجوال ما القاها

مشغولة في ضحايا ابوي واخواني
ماتدري اني بكبري من ضحاياها :)

[:) @useer5ll]

قال رسول الله ﷺ
خير الدعاء دعاء يوم عرفة
وخيرُ ما قلتُ أنا والنبيُّون مِن قبلي:

«لا إلهَ إلَّا اللهُ وحدَهُ لا شريكَ له، له الملكُ وله الحمدُ وهو على كلِّ شيءٍ قدير»

[:) @useer5ll]

ياللي تشيل الكبر وتجر الحرير
ارفق على قلب سبحت بغبّته

تراك عندي كنك الورع الصغير
مايشبعون اهل الورع من حبته. :)

[:) @useer5ll]

أميرة الغيد شيخة كل تلع الرقاب
كل العذارى لحال و هي لحالها

سلسالها في نحرها كيف قاوم ما ذاب
اثره سواتي يشوف اشياء و لا طالها

لو طالها ذاب جعله للفنا و الذهاب
هي وش تبي من قلايدها و سلسالها ؟

هي من تزيّن قلايدها و تزهى الثياب
و تغار منها البنات و هي على فالها :)

[:) @useer5ll]

يا لبيه ياللي كل ما هبّها النسناس
يكحّل عيون الناس منها ويعميها

توسّع عبايتها حيا من عيون الناس
لكن الهوى لا مرّها اظهر خوافيها

دخيل العيون الخدّر الندّر النعّاس
تراني على قول المثل رايحٍ فيييها :)

[:) @useer5ll]

طل صبح العيد و عيونك عيادي
لا تلومين المولّع في صنيعه

فتنتي من عقب ما طوّل سهادي
توّ عمري بان صيفه من ربيعه

اقبلي بين التحفّظ و التمادي
المواصل بعضه احلى من جميعه

كيف احسّ بغربتي و انتي بلادي ؟
و كيف احس بضيق وعيونك وسيعة ؟ :)