ترحال

"استغفُر الله حتى النقاء، مِن كل ذنب."

[فهد قطنان @Fahad_Qatnan]

الجديد

دخلت فالساحة ومثلت لي جيل
بقوتي وبجنوني وا��دفاعي

ماخذت حقي بفزعات الرياجيل
بذراعي الله يخلي لي ذراعي

[سعد الهظله . @Saad_s717]

يا هجوس الشاعر اللي ماهي بمرتاحه
كل ماتاب القصيد تقول مابه توبه

مبطي مْن الشعر كله طامعً بالراحه
لو قصيده كل ماوحوه العرب طاروبه

لاحت ابيوت القصايد و الغلا قد لاحه
ولا معه غير القصيد اللي ماقد غنوبه

كل ما حل المساء حل الحزن واجتاحه
وهبت هْبوب الغلا اللي روحت من صوبه

كن ربي خالقه يجلى العنا بوشـاحه
وكنه مفصل عليه الزين كنه ثوبه

ما هقيت ان العيون الناعسه ذباحه
اتركي سبع العجايب عينك الاعجوبه

انت يا عذب اللمى … يالوردة الفواحه
يا نسيم المسك … لاهبت علي هبوبه

شاعرك لو كل ليله يومي بْـمسبـاحه
ماقدر يوصف جمالك لو فرق بسلوبـه ):

طلتك بلسم جروح وضحكتك لماحه
و شاعرك ماحب غيرك شخص يامحبوبه

الوصل طب الهوى خل الهجر وجراحه
كل لحظة معك عندي عن سنه محسوبه

ياحبيبي والعمر لوهي تزيد اتراحه
مستعد ابني معك لاحلام طوبه طوبه

العمر لازم نعيش احزانه وأفراحه
نمشي دروب الهوى وبما تجيب دروبه

ماقدرت اوصف جميع اوصافك الصداحه
باقي اوصافك قصيده فالصدر مكتوبه

[سلطان بن بتلاء @sbinbtlaa]

مااتبع سياسات العرب والانقليز
ولااعرف اجادل لياقالوا بدو

انا اعرف سلمان بن عبدالعزيز
وانا اعرف محمد عمى عين العدو

[ناصر الحمزاوي @iNaser0]

،، لايسرق النور ، من عيني سواد الظلام
الغفله ،، اللي تسر النفس .. ي طيبها

ماهيب قلّة وعي ،،، مرّات قل اهتمام
،، من .. عالمٍ تقتل البسمه ،، تراحيبها

لاغاب خلف الضلوع العوج بعض الكلام
ماغابت النظره اللي ،، منكشف غيبها

لو يسْتَر الجسم من تفصيل مترين خام
،، من يستر العين ،،، لابانت عذاريبها

نفور الانفس دليل انّه ،،، مافيه انسجام
ذي خلقة الله تعالى ،، وش تسويبها

امجامل .. الناس في قاموس عرفي حرام
ما محق من الحاجه اللي ما انت ضاري بها

...لو قلّطوا ذل الانفس ...فوق ريش النعام
،،،،،ماينفع اضيوفهـــا ولا ... معازيبهــا

في بعض الاحيان ،،حتى منطق الاحترام
… ايلعمك ،،، حاجةٍ ، ماكنت تدريبها

. إعادة ،، الضبط ماتلغي ، بنود النظام
اتمر الاسماء ، عشان ،،، اتعيد ترتيبها

،، مرور الايام ،، مايشبه ، مرور الكرام
. ايام عمرك ،، ثمينه ،، لاتضحي بها

زكاة .. الاعمار مثل المال ،، في كل عام !
بعض ،، العلاقات .. لامانع تزكي بها ).

[سلطان بن بتلاء @sbinbtlaa]

(البعد) خلا الحال (ثلاثي ابعاد) :
سهر ، وفقد ، وبسمة ٍ لك عليها

عطني وعد تاريخه ووقته وكاد
خل ّ الصدف للي يبي يحتريها

الصدفه اللي خيرٍ من ألف ميعاد
عيّت تجي ، والظاهر اني بجيها

قل لي : احبك لو على روس الاشهاد
وانا بعد بقولها ، واحتميها !

بنواجه العالم جماعات وافراد
لو ماجت الدنيا على مانبيها

[سعد الهظله . @Saad_s717]

متاهات الطريق اللي تحدد للدروب ابعاد
تخليني على جال الطريق ارتب اغراضي

انا ذاك الحزين الي يدور للفرح ميعاد
ولا عيّن مواعيد الفرح في حاضر وماضي

يشوف احلامه بعينه تلاشت كنها بغداد
ولا يجمع شمل بغداد لا حاكم ولا قاضي

صبرت ادور الفرصه و صبري فالهوى قد زاد
ولا زاد الجروح الا الغياب اللي على الفاضي

وتحملت الجروح إلين جرحي ياحبيبي جاد
ولو جِدْتي بوصلك يوم يكفيني و انا راضي ):

[سعد الهظله . @Saad_s717]

حضوري ابدا … من طويل غيابي
واحفظ مقام الشعر وأحفظ قدره

واطبق اسمي مع جميع اصحابي
وأبعكس اسمي للوجيه الودره (:

[سلطان بن بتلاء @sbinbtlaa]

انت صدر بكل مجلس ، وانت قمة كل قمه
وانت راس بكل طاله ، وانت ساس بكل قاله

وش نقول ووش نخلي يالامام ابن الائمه
والبحر مهما حصل مايغرفونه بالبياله

ياعدو المستحيل اللي مهماته مهمه
تعبت بدربك طروق الشعر وحروف المقاله

ماقدر يستوعب التاريخ في كيفه وكمّه
نهضة ٍ ماوصلها الإنسان حتى في خياله

كم زعيم ازعلك له ربطة عنُق والا معمه
تطرده وتقول مانبغاه شوفوا لي بداله

غيرك تفاخر به أُمِّه ، وأنت فيك تفاخر أُمَّه
والوطن واهل الوطن والشعب كله والعماله

🇸🇦🇸🇦

الذكرى الثامنه لبيعة ولي العهد الامير محمد بن سلمان

[سعود مهدي @1Soud]

عود ٍ عبارات الغزل ما تنصفه
حاكت له النسمات ثوب ٍ يرتديه

وشلون ما تختال تِيه المترفة !
المترفة من حقها تختال تِيه

زين ٍ فرق عن كل زين ٍ تعرفه
ووجه ٍ معاه تْغيب عن كل الوجيه

بعض الجمال أعظم من إنّك توصفه
ودّك تشوفه بس وتسمّي عليه

[عناد الشيباني @enadm1]

البارحه مااادق فالصدر هوجاس
ولا تضايق صدري من الطواري

لا ناحت الورقا .. ولا هب نسناس
ولا نشدت عْن الرفيق المباري ..!

ليلة غريبة لا مشاعر ولا احساس
ساري ولا ادري ليه بالضبط ساري

مغير اجر الصوت .. واجر الانفاس
واخذ و ادرج في فجوج الصحاري

من شافني يوم ادرج قال : عساس
ماكن هذي .. دار جدي وداري …!

الارض مثل العرق والعرق دساس
ترد راعيها عليها .. اجباري ..!

احاول اقراء ما بقا بين الاقواس
لو ما بقى لـ حروفه الا مواري

من يكتب الذكرى على حمر الاطعاس
لا يلحق الشرهه هبوب الذواري

وجداه يوم الحرّ .. ماتم قرناس
قبل تحطه فـ / الشباك القماري

فقد الشغف خلاني افقد معه ناس
معاد اعرف اصبر واجامل واداري

اضحك مثل ضحك المجامل فالاعراس
واعوي لحالي مثل ذيب الغداري

واحاول اشب الامل واحرق الياس
بيني وبين الذات .. ذات الصواري

على رجا حلمٍ لمع مثل الالماس
واقفا على غفلة .. وطال ��نتظاري …!

والمارد اللي كان للحلم مقباس
عيا لا يطلع مع خشوم الغواري ..!

والحمد لـ اللي رحمته تذهب الباس
الباري اللي يجعل الجرح باري

من شافني .. وانا على حد الافلاس
يحسبني املك صك بنكٍ تجاري

ماني من اللي لا ابتلش يرخي الراس
الشي هذا .. دوره عند غاري ..!

ولاني من اللي لـ المعاريف دساس
احفظ جميل الناس واحفظ وقاري

لـ الطيب شان ولـ الثناء وحدة قياس
ويقدره رجلٍ على الطيب ضاري

مافيه نعم بدون طاله ونوماس
ولا فيه صيت بدون كاتب وقاري

وانا بنات افكاااري معربة ساس
مهيب سلعة .. بين بايع وشاري

واللي بنات افكاره لـ ساير الناس
يبيعهن فالسوق مثل الجواري .. !

[نايف الحويقل @N_alhoegl]

والرجا ما وّقف الله على بابه خصيـم
كل ماينشـدني اليـأس أحصله جواب

كيف ما ارجي فزعة الله وانا عبدالكريم
انشد اللي حصل الماء بعد طرد السراب

- عبدالكريم البدراني

[سعد الهظله . @Saad_s717]

اثنين ما منهم معزه ولا خير
و يادبل كبدي ياعرب يوم اراهم

اللي يترزز في وجيه المشاهير
و اللي يترزز عند راع الدراهم .

[العـاهل @all_3jmii]

الصريح تحذفه العربان .. في سجن إنفرادي
تالي الأيام .. قول الحق نوع من " الجريمه "

يفرقون أهل المبادي .. عن قليلين المبادي
مثل ماتفرق عن الأحجار ( الأحجار الكريمه )

_ جمال بندر

[د. مشعل الزعبي @alzuaby]

لا احتار قلبك في هوَى الأصحاب واختلطوا عليه
وأَزْرا زمانك يكتشف ذلّ النفوس وتِيهها

شُوف الوِجيه، وْطيعني لا قلت لك: شوف الوجيه
تِنْبِي عن اللي داخل قْلوب الرجال وْجِيهها

[سعد الهظله . @Saad_s717]

بيوت القصيد اللي ماغني يجيله عام
ليا هبة انسامه ابا ارتب اِسطوره

انا الشاعر اللي مايدوّر على الاعلام
ولا دوّر الجمهور لو زاد جمهوره

تغنّيت ادوّر راحتي والقصيد إلهام
يزيل المهموم اللي على الصدر مثبوره

تجرعت من جور الليالي عنا والام
ولو مرّها ��يري فقد كامل شعوره

فهقت الحمول الكايدة فهقت البسام
لكنه كسرني من خذا القلب بجذوره

تجيه المشاعر جية الصامل المقدام
وترجع مشاعر قلبي الصلب مكسوره

ليا هبة الذكرى مع هبة الانسام
تذكرته ونفسي معه حيل مسروره

يا مجمول لو نامت عيونك انا مانام
تنام العيون اللي من الهم محظوره

حكمتي عليَ وكان حكمك عليّ إعدام
وانا ماهقيت اموت من عين غندوره .

[عبدالله السراهيد @Alsraheed]

من يوم الاقدار جْمعتنا إلى اليوم
وانا رهين .. لْـ حسنها ولْـ دلَعها

رغم الوجع لا لـ المعاتب ولا اللوم
ما ودّي آكون السبب في وجعها

لو ما لها آجنحةٍ تساعد على الحوم
فيها من إلهام الطيور .. و ولَعها

في كل يوم أول ماتصحى من النوم
تقوم : وتقوم ( الفراشات ) معها

[جمال بندر @JamalBander]

ما يصلح المنصب على غير شغموم
علم بها اللي عنده العذر والم
.
لا دارت الاخبا�� في محضر القوم
بيمر ذكره عندنا ونتعالم
.
اما ارتفع بالطيب في راس مزموم
ولا انحذف من عاليات السلالم
.
مْهايط العربان كومٍ على كوم
مير الصحيح يرد كل المظالم
.
لا اخذ بطولة سالم الزير.. سلوم
سلوم والله ما يجي مثل سالم

[عبدالله السراهيد @Alsraheed]

في ضِف ليلٍ يشابه لون مجدولك
أسامر جروحك ، اللي تنتظر طبك

كم لي وانا آعلّق آمالي بـ منتولك
آربك تصير ، « قد الهقوة » آربك

الله يحَفْظك لعينٍ ترجي وصولك
رح في وداعة كريييم .. وربنا ربك

مع احترامي وتقديري لمن حولك
ما فيهم أحدٍ يحبك كثر ما آحبك

[جابر بن علوش @J3losh]

لك الحق اسلّم كل ما مرني طاريك
سلامٍ يجس النبض عن آخر احساسي

تخليت عني لين ما عاد صرت اعنيك
يا من كان اقرب شخص في دايرة ناسي

تغير مع ا��ايام .. وش هو له تخليك ؟
مادام التغير في الزمن عامل اساسي

لا سيّطر عليك اللي يغشك ويلعب فيك
انا ما يسيّطر غير راسي " على راسي "

[شطر/صورة @2lji7]

ذبل ورد الغرام وجفّت اوراقه وقل حْلاه
بعد ماشفت فيك اللي على نفسي تثاقلته
ٓ
انا ماجيت اوادع، كنت ار��ّب بك قسم بالله
واخذت مْن الوداع اللي تهلّه عينك، وقلته .