ٌ

[ٌ @W6__ii]

اللهم ارحمني حين يصلون علي صلاة لا ركوع فيها ولا سجود❤️

[ٌ @W6__ii]

سلام ياذا الجمال الطاغي الفاضح
سلام يامن رسمت لدربنا خطه ّ

حنا اتفقنا ولكن فرقنا واضح
أنته مترف وانا ضاريٍ على الشِطّه

- سفر الدغيلبي ّ -

[ٌ @W6__ii]

يلاعب فؤادي رمشك الناعس المصفوف
و عينٍ سهمها يسلب الحيّ عافيته
ㅤ
و أنا يا عذابي كل ما ألدّ فيك الشوف
و إذا أحمّر خدّك و الحيا منْك حسيته
ㅤ
تقولين في صدري حرايب و ضرب سيوف
عذابٍ ما أشدّ من أوّله غير .. تاليته

[ٌ @W6__ii]

خصرك المزوي زوا قلبي على معلوقه
و ردفك النابي حكايه ثانيه يا عمري

وعنقك الرمح الطويل اللي وساع فتوقه
فيك من شكل الظبي ومن صفات القمري

ذوقيني من رحق ريقك خمر و اذوقه
واصلٍ حد الثماله عقب فمْك الخمري

فارس الحشار

[ٌ @W6__ii]

أنزل لـ تفاحتك و أرقى لـ جمرك و آذوق
أشوف ريقك خدر ؟.. ولا بعد ماخدر

- مطلق بن شويه

[ٌ @W6__ii]

تشيّخي على جميع المزايين
مافيه مثلك فوق سطح الخريطه

لو يعرفون انك على الارض تمشين
ماكان سمّو الارض هذي بسيطه

[ٌ @W6__ii]

اجمل من عيونك السود الوساع الكبار
ثميّك اللي ماغيره ودك انه ثغر

انا ما الوم النساء تشعر بـ خيبة دبار
لا شافو عيونك الخدره ووجهك الاغر

سببت للعايله ذنب وقطيعه وثار
اربع رياجيل كلٍ حاجرك من صغر

قدام بيتك مصاقل شلف واطلاق نار
لـ الموت قدام بيبانك وظايف شغر

فارس الحشار

[ٌ @W6__ii]

كل مابان وجهك وانفرد بالجمال
ينكتب لك قصيد وتنولد موهبه

ان تدلعت يزهاك الدلع .. والدلال
وان لبست الذهب قلنا ذهب وذهبه

انت يستاهلك ��ن بين كل الرجال
واحدٍ في فعوله يفخرون عربه

[ٌ @W6__ii]

خشف ريمٍ جيدها فارقٍ عن كل جيد
البشر من تحتها والسماء بـ علوّها
ㅤㅤ
ضعت بين عيونها السود والثغر الفريد
عادها بـ اول سنين الزهور .. وتوّها
ㅤㅤ
لينت قلبي وانا خابر ان قلبي حديد
ما دريت ان المشاعر علي يا قوّها .

[ٌ @ajm7i]

«اخشى هدب عيني يلامس هدبها.» حتى هالقرب المبالغ فيه أقل من ما يشتهي خاطري .

[ٌ @W6__ii]

لا سلهمت ما تفجّ إلا وساع الصدور
تذكّر القوم .. فعل سيوف جدانها

أطغي على الناس وأمشي بالدلع والغرور
أنتي أكبر من حمايلها وشيخانها

في راسها ماتحط إلا طويل الشبور
اللي عليه المدايح تكسب رهانها .

[ٌ @W6__ii]

حطني بين المعنق وبين الخوختين
و أنثر السود الجدايل علي و فلها :)

مالك إلا تم ، و أبشر ، وحنا حاضرين
ليلةٍ وحده ، و تسوى الليالي كلها .

[ٌ @W6__ii]

والله لا أصونك ياسليلة هل الرأي
و أرضيك بالحب العفيف المعتّق

لحظه زعلك أشوف موتي ومنفاي
وساعه رضاك تجيك الارقاب عتّق

وصيتي من قلبي الـ قلب شرواي
حنّ الكريمه لا تماديت واتّق

وشلون ما أحبك وأجيلك من أقصاي
ومن مفرعك نور الصباح يتفتّق .

[ٌ @W6__ii]

والله لا انسيك الزعل لين ترضين
وا��هد لك الدنيا فجوجٍ فضيَّه

واحماك مثل حماية الجفن للعين
وكلش فداك أليا بغيتي شريّه»

[ٌ @W6__ii]

ترى خلاياي مدمنةٍ على صوتك
كلمني الصبح مره و المسا مره

سعد بن جدلان /

[ٌ @W6__ii]

طلت محيا العيوف . . إللي غلاها عفيف
فيها : الكبر و الغيا و الغطرسه و الحلا

ما بين سحر المفاتن و الضمير النظيف
وشلون . . ما أقول تفرق عن جميع الملا

العود ماله شبه . . و الوجه ماله وصيف
جمالها ؟ . . يستحق " التضحيه و الولا .

[ٌ @W6__ii]

غير طلعت من خبا البنت السنافيّه
طرقًا كن الشمس تشرق من محياها

حنا مجانين و البنت انتحاريه
تقول من يبغي الحبّه وجيناها

- محمد الشمال��

[ٌ @W6__ii]

"واهني الي تعبّد وجاز من الحياه
ويوم موته مات ساجد علا سجادته"

فيصل بن سعد رحمه الله

[محمد ذياب @m_sahli95]

عزالله اني فيك ما ، زلت هايم
يوم اتحرى جيتك ،، ليه ماجيت ؟

ما غاب طيفك بالعمل ، و العزايم
لاتحسب اني > من غيابك تخطيت

تمرني بالحلم ،، لاصرت ناايم !
اي والله اللي "مرحبابك وحييت"

وصلك وحبك ماني بـ عنه شايم
انا جريح ،،، و عادني "ما تشاليت "

أرسالتك ، في هاتفي ، فوق دايم !
انت الذي من ، حقك أعطيك تثبيت📌

[ٌ @W6__ii]

@m_sahli95 يسسلااام صح الله لسانك يابو ذياب مبدع💐👏🏻

[ٌ @W6__ii]

لبى الخصر و الردف و العنق و الجيد
و لبى من القذله لـ حمر الشفايا

يا حظ من ضمك عقب خطبة العيد
و الناس لاهين بذبح الضحايا :)

_ راشد بن قطيما