وهــــــم🎼✨

[وهــــــم🎼✨ @WHM9_4]

@3sk__95 يسلمك ربي 🌹

[وهــــــم🎼✨ @WHM9_4]

مدري المزون اللي بسمانا صبتك
و لا نزلت من السما دعوة نبي

يا نبتةٍ مدري وش اللي نبتك
بين الضلوع المجدبه مثل هدبي

شعوري إن الله بصدري ثبتك
أصعب من إنه يشرح لعالم غبي

كاني عظيم أنا عظيم بسبتك
حبك دبى بعروقي الخضرا دبي

أنا ا��تصرت لنفسي بمحبتك
والله عطاني أكثر من اللي ابي

[وهــــــم🎼✨ @WHM9_4]

يوم اقبلت طرنا لها انا وشوقي والنسيم🤍

[وهــــــم🎼✨ @WHM9_4]

مايشبهك حتى إنعكاس المرايات
يابو الجمال المدهش الغير عادي

[،، @noura_ksa99]

صلوا وسلموا كثيراً على خير البشر
على من ينادي يوم الزحام أُمتي أُمتي
اللهم صلِ وسلم على نبينا محمد💙

[،، @noura_ksa99]

كل ما عانقت نجمه من نجوم امجادي
مرّني طاري سموّك واسفهلّت فكره

غايتي قبل ادخل قلوب الاوادم هادي
بذكرك وانت الحبيب اللي ينومس ذكره

جعلني ما ابكيك وشعور البشر منقادي
وانت قدرك فوق وشعوري معك محتكره

كل ما حسيت بك عادي تجي متمادي
مثل موتي في هواك اللي بليّا سكره

[،، @noura_ksa99]

الوقت لاعبّس من الضيق مسموح
مافيه نفس ماتجازى بأملها

سود الليالي كلّها أيام وتروح
باكر نشيل خطامها عن جملها

ونقول شفها روحت ضحك ومزوح
حتى لو إنه كان يوجع هزلها

إمّا ��حكنا ضحكة تبري الروح
وإلا حشمنا وجيهنا عن زعلها

[،، @noura_ksa99]

ماهو سفر عني من بلاد لـ بلاد
عشان اقول ان جيّتك احتريها

النفس يتعبها الوله كل مازاد
غير الظروف اللي من اوّل عليها

لا أقدر اتصبّر و لا أقدر أعتاد
حتى اماكناّ القديمة أجيها

يوجعنّي ان العمر ماعاد ينعاد
وان الليالي المقبلة منت فيها

[،، @noura_ksa99]

@Nwt_al
ياااا بعد عين نوره جعلني فدوه🙈🥰♥️♥️

[،، @noura_ksa99]

يقول
مانهب حرية البال في وضح النهار
غير من تـملك قصور الـغلا بـ عروشها

ذخر مخلين المراحين فـ سروج المهار
يـوم دقلات الحرايب تقـاد جيوشها

سـربةً مـاتطرب الا عـلى قصف العمار
مـن طمعها ناشه الموت قبل ينوشها

مثل خطف سيوف جدانها الاسما الكبار
تخطف قلوب الدهايا سيوف رموشها

[،، @noura_ksa99]

صلوا وسلموا كثيراً على خير البشر
على من ينادي يوم الزحام أُمتي أُمتي
اللهم صلِ وسلم على نبينا محمد💙

[،، @noura_ksa99]

المطر بشر بك الارض فرحان وشغوف
كيف ينسى طفلة الماء وينسى زينهااا

سنابيه🤍

[،، @noura_ksa99]

بنت الشعر يا سلسبيل الحسن وايات الجمال
لدّي عيونك وانثري من مترف احساسك شعر

منطوقك العذب المعتّق فيه من وجهك خصال
كنّ القصيد مقاسمك نصف العذوبة والسحر

يا غاية السائل ويا أعذب إجابات السؤال
تدرين بانّ الشعر في حضرة جنابك منتصر؟

[،، @noura_ksa99]

تناقضاتي ، منجم ابداع القصيد
لكّن احاسيس التناقض مُضنيه

مرات احس ضلوع صدري من حديد
ومرات تكسرني تفاصيل اغنيه

وعلى كثر ماني قوي باس وعنيد
احنّ .. لـ دروب ومقاهي وابنيه

فداك اماني العام يالعام الجديد
أحيان نسيان الاماني ، أمنيه .

[،، @noura_ksa99]

يقول

خلّي الآمال .. تبحر فـ السفينة
ماورى سبع البحور الا المهالك

واتركيني لـ السهر زينه ، وشينه
كلّ ليل يمرّ وقته !.. من خلالك

ما عَرَف وجه الشبه بينك وبينه
غير من عنّاه .. حلّك و ارتحالك

لا تقولين .. إن ليال البرد ، زينة
الليالي ، ( متعبة ) وأنتِ كذلك

[،، @noura_ksa99]

ذكرتك حبيبي والمسافة ضما وجروح
ولا فيه غير اللوم والحزن .. يبرالي
ٰ
من العام وغصون المواصل بعيدة شوح
ومدري متى ارض الشوق تروى من ظلالي
ٰ
ياليت الليالي مثل روحك .. خفيفة روح
ما كان ارحل لماضيك وارجع وانا خالي
ٰ
تجهمت يا عامٍ مضى والعيون تبوح
عسى الدمع ما يمحي ملامحك عن بالي

[،، @noura_ksa99]

القلوب البيض من صكات بقعا ماتغير
ماتجيب الا البياض الي تعودبه لاهلها

لو خذلها الي كلامه زين وذراعه قصيّر
اعرف ان الي يعلم الغيب كله ماخذلها

حافظ المعروف يبلغ فيه معروف صغيّر
وناكر المعروف لو تمدله يمناك اكلها

[،، @noura_ksa99]

@cx7_7 ما عندي الا جسد ربي نفخ فيه روح
ماهمه يحاسب العالم ولا تحاسبه

انا صديق الوفا وانا صديق الوضوح
اللي معاها كثير من البشر .. راسبه

ما كل من شافني شفته بـ عين الطموح
احساس الانسان ماهو بـ آلةٍ حاسبه

ما بين ناسٍ تجي ومابين ناسٍ تروح
ما كل واحد .. يناسبني لو اناسبه

[،، @noura_ksa99]

يقول
يا من لفت بين طيَّات النسيم العليل
وأمطر بها الغيم، حتّى سيَّلت كل واد

البارحة، والكثير مْن إنتظاري: قليل
يفدا ثوانيك عمرٍ ما لحظّه حصاد

لا زال طيفك، وأنا لا زال بالي طويل
يسرق فتات النعاس، ويستفزّ الرقاد

أن كان باقي معك من الزمان الجميل
لا تذخرين المزوح وتسرفين العناد