يزيد الفوازي

( إِنَّهُ كَانَ بِي حَفِيًّا)

[يزيد الفوازي @Ya2eed]

هذي "رياض الكرامة" عاصمة بن سعود
اللي مايعشق هواها ما براسه عقل

احبها ، لكن ابرك حزة ٍ بالوجود ..
الحزّة اللي يجي فيها "قرار النقل"

[يزيد الفوازي @Ya2eed]

والله ان هالات عينك تزود الزين زين
ما تقلل من حسن هالعيون الطاغية

القمر مازيّنه .. غير هاك الندبتين
ولا هو من دونها لمبةٍ متصاغية.

[يزيد الفوازي @Ya2eed]

لروحي أقرب من بعض جنّبينها
لو أنّ بحرنا عن لقانا هاج بك

اخلاقي الليلة غدت ياشينها
وانا اعتبر تزيينها من واجبك

قلوبنا.. قست المسافة بينها
مثل مسافة - حاجبك - عن حاجبك

دام المسافة بينهن تلغينها ..
اذا لمحتي شيء ماهو عاجبك:)

[يزيد الفوازي @Ya2eed]

@nawaf1679 صح بدنك

[يزيد الفوازي @Ya2eed]

يمكن طميّة بعد بكره تمرك
العشق خلاها تعلّم على السير

واللي يقول أن الجبل مايتحرك
"انا جبل والعشق خلاني اطير"

[يزيد الفوازي @Ya2eed]

@tre_118 صح بدنك يابوفالح

[يزيد الفوازي @Ya2eed]

كل ظرفٍ اهزمه ياخذ بثاره ظرف قااااهر
والسلاح اللي معي اني احبك حب جما

ماتجيبك غير دعوة صادقة من قلب طاهر
او حظٍ مابعد شافوه في نجد المسمّى

[يزيد الفوازي @Ya2eed]

@tre_118 صح بدنك ، اللهم امين

[يزيد الفوازي @Ya2eed]

@nawaf1679 صح بدنك يابونومان.

[يزيد الفوازي @Ya2eed]

@mvip_0 صح بدنك يابوفايز

[يزيد الفوازي @Ya2eed]

فيه اشياء ماهي بـ منطقية بالوجود
لو تجهد روحك بشرحها .. ماتنشرح

المعارك دايم اللي يثورها شرود !!
ودايم اللي بالمحبة تمسّك منجرح

وسط قلبي ندبةٍ زي علامة السجود
ليتها في جبهتي كان قلبي منشرح

[خالد عون @khalid_oun]

اعتذارية ابن الزبعرى للنبي صلى الله عليه وسلم

[يزيد الفوازي @Ya2eed]

شكر النعم واجب ، ومن باب الاحسان
حمدت ربي ثم سجدت و شكرته

احيانًا النعمة على هيئة انسان
ولاقلت نعمة ماقصد اني اختصرته

ودي اوصّف هامته قدر الامكان
ولا قدرت اوصّف اللي خبرته

(من كثر ماطيبه تعلّق بالاذهان ..
لاشفت لي موقف يشرّف ذكرته)

[يزيد الفوازي @Ya2eed]

ساريٍ للديرة اللي منقطع قلبي وراها
في طرف ليلٍ ياليت اللي سواته مايطرّف

ليلةٍ .. مولودها يبلغ ماوصلت منتهاها ..
ترهب العقل اللبيب وتلفت العقل المخرّف

انكسر قلب اللي فيه عيال عمه آتباها ..
وايتشمّت به رديٍ عند ربعه مايشرّف

ياعساه يروح فدوة اللي ربي اصطفاها
لا حشا .. عساه يفدا جرّة الغرو المترّف

مايسليني عن ظروووف الحياة الا حكاها ..
اتلذذ في عتبها كل ما سئت التصرّف

ودي اسمع كل كلمة "قبّلت" اطراف فاها
حكيها عيبه قليل وفي بلاغتها تطرّف

ماا انا الا حرٍ يرفرف جناحه في سماها ..
ودامه يطير بسماها مستحيل يوقف الرّف

[يزيد الفوازي @Ya2eed]

يـ ام الطُهر والبراءة والعيون النجل
ما للفرح أي قيمة دام قلبك حزين

عن عينك آبطوي الاحزان طيّة سجل
مع أن الاحزان مرتبطة مع الطاهرين

وببذل اللي بقى لي من حياتي لجل
ماشوفك بـ أي لحظة عاقد الحاجبين

ان كان قفوا بك الهاقين .. ماني رجل
وان كنت في حلّة الرحمن عذري سمين

[يزيد الفوازي @Ya2eed]

@mkrx78 صح بدنك

[يزيد الفوازي @Ya2eed]

بالعقل احبك والبلاء حب العقول
اكثر ما يدفع بالبشر للتهلكة

عطاك ربي من بواكير القبول
شيٍء يداوي كل نفسٍ منهكة

الى متى والحزن في عينك يجول
يومٍ ماتضحك فيه مافيه بركة

انفض جناحك ياعسى عمرك يطول
اضرار حزنك شيء منت بـ مدركه

ايه ابتسم لي ابتسامة الفضول
لا تبتسم البسمة المستهلكة

ولاتنثر اللي كنّها حبّات لوول
.. لو كانت آتحلي ابار المملكة

[يزيد الفوازي @Ya2eed]

@malfawzi

كل عام وأنت بخير ، وتقبل الله سعيك يابويزيد

[يزيد الفوازي @Ya2eed]

الحظ عثراته لايمكنها تبرر
ما اذكر انه مرةٍ ملا عيوني

والله اني شاعرٍ ما ينتكرر ..
انصفوني لعنبوكم انصفوني