Mohamed Baarkar

Experimental Artist/Music Producer/A&R/Hip-Hop Head

[Mohamed Baarkar @YaBaarkar]

(( ١٤١ ( ما خايف من الموت ))

كنتا خايف من العمر والمرض والفشل، ولي ما حصل المفترض يكون حصل، والحياة في بلد الجهل. وبقيت ما خايف من الموت واخلقتا من جديد بالأمل.

. . .
بقيت ما خايف من موت الأمل، اتخلقتا من جديد بتجربة الإنسان والعمل.

#mhmdbbkrali

[Mohamed Baarkar @YaBaarkar]

(( ١٤٠ ( تعارف ))

قالت لي انتا متدين ولا ملحد�� قل ليها عندي قيم ومبادئ بركع ليها كل يوم خمسة مرات وبسجد، ما عرفت تقول شنو فقامت تسكت، مع أنه بينهما مودة والكلام بيسهل. إذًا فما الحب؟

. . .

[Mohamed Baarkar @YaBaarkar]

(( ١٣٩ ( المساواة في السلطة والثروة هي الجدل ))

مواطن سوداني مذلول جوا البلد وبرا البلد، ثبت عليه الجرم ولا ثبت. القائل بالحق والسكت، مأسور مع الأم الشكت.

. . .

وماذا بعد، تطور الغضب ونبت، نار تحرق الجسد، والأعضاء الشكت. حتى نتعلم العدل، المساواة في السلطة والثروة هي الجدل.

[Mohamed Baarkar @YaBaarkar]

وتعلمتا السباحة في الزمن، كل ما أتذكر مآسي تقيلة بتخلى عنها. وعن وجع بطنها وصداعها وجنها، وما داير أعرف تغيرت وكم بقا سنها، المآسي إنها...

#mhmdbbkrali

[Mohamed Baarkar @YaBaarkar]

( ١٣٨ ( داير أشوف الحقيقة الحارة، وأسبح في الزمن )))

قول للمارة، داير أشوف الحقيقة الحارة. في ظلم بالنوع واللون والجغرافيا والفصيل واللغة والدين، وانتوا دايرين الستر للفساد ورا ستارة. ودا خوف من الغرق في الأحزان ولا شطارة. بفكر في الحل لكن داير أشوف الحقيقة الحارة.

[Mohamed Baarkar @YaBaarkar]

. . .

وبنتنافر زي البشر والشياطين. ربك يعين، كله بيعيش دوره لهدف آخر السنين، وظائف في أراضين وعليين، سباق حواجز وجوائز من رب العالمين. يمكن بنتشابه شديد لكن ما بنتصالح، دا دوري في تجربة الوجود وانتوا أعدائي الطبيعيين.

#mhmdbbkrali

[Mohamed Baarkar @YaBaarkar]

( ١٣٧ ( أعدائي الطبيعيين )))

مستعدين يبوسوا زفار الفساد عشان يظهروا قدا�� الناس فايزين. ويمكن معاي في المسجد، على نفس الدين، لكن هم أعدائي الطبيعيين.

[Mohamed Baarkar @YaBaarkar]

. . .
ضلام الليل نضَّام، والصباح علَّام. والهدَّام هدَّام في سياق بناء. ما تزعل من الكلام الرنان الإنسان إنسان في سياق شفاء. ويا ليت نركب سفينة الوفاء، يا ريت مع نوحها نحوم في السماء، قل أعوذ برب الحياة.

#mhmdbbkrali

[Mohamed Baarkar @YaBaarkar]

( ١٣٦ ( ولا عجوز سجين التجربة )))

حبيت تلتمية مرة وزحيت، وتعلمتا أكون طفل متفائل ولا عجوز سجين التجربة، ويا الوقعتا واتدردقتا في الوحل قول لي سجنت نفسك بعد كم تجربة، ياهو دي المعركة يا طيبتها وكسرتها، ياهو دي المعركة حلوة وكعبة وكسوتها.

[Mohamed Baarkar @YaBaarkar]

. . .
يا روح اطلعي لفوق دورك انتهى، ودِّعي الفصل الأول انتهى، وما عارف لكن حاسي العيش يدوب ابتدى، عشنا لكن ما عشنا وشفنا الإبتدى

#mhmdbbkrali

[Mohamed Baarkar @YaBaarkar]

( ١٣٥ ( دم وريحته ما زفار )))

شامي ريحة شهادة دم وريحته ما زفار، وشايف شفع برموا في حجار، وكأنها من سجيل بتسبب شديد أضرار، حرب الأشرار والأخيار، وطمأنينة كل شيء واضح زي كرتون زمان، وفي النهاية حنفوز على الأشرار

[Mohamed Baarkar @YaBaarkar]

. . .
وما كله بالإحساس يا ود الناس، خناس بحسسك بنعاس، وإنتا في قمة حضور الرأس. كآبة في حضور الناس، صراع وهمي في إرادة ركوب الرأس.

. . .
حتت الغبار في التراب، حتة الإحساس في الفنون في الواقع إن هم إلا يظنون وتسببوا بالخراب.

#mhmdbbkrali

[Mohamed Baarkar @YaBaarkar]

( ١٣٤ ( القلب أسرع من العقل )))

القلب أسرع من العقل، وأنا حسيت من زمان قبل أستوعب المثل، ما داير أتكلم كتير وأزيد الجدل، بس داير أقول ليكم حسيت بالحصل.

[Mohamed Baarkar @YaBaarkar]

. . .
وقلتا ليك في اللا واعي في جدول دوري لعنصرية مهووسة برجل أبيض، حتى المرأة البيضاء دايرة تكون الرجل الأبيض. وزي العرب بخلف رجل وبشرب شاي ونشهد، ومع الخيل يا شقراء الإسمنت.

#mhmdbbkrali

[Mohamed Baarkar @YaBaarkar]

( ١٣٣ ( هوس الرجل الأبيض )))

وكله بيقلد الأعلى منه في هرم الرجل الأمريكي الأبيض، قرية بتلقد ضاحية بتقلد مدينة بتقلد عالم تاني بيقلد عالم أول بيقلد الرجل الأمريكي الأبيض.

[Mohamed Baarkar @YaBaarkar]

. . .
داير شعر ناعم، بشرة فاتحة، عيون زرق. وتمشي السينما تشوف آفاتار الدينكا والشُلُك. ثقافة القُرُب، من القارة الجُلُك.

[Mohamed Baarkar @YaBaarkar]

( ١٣٢ ( بتحبك )))

بتحبك دايراك تخش جواها وتلدك، ودي ما المشاعر البتردك، يا حبها وولدك

. . .
المرأة مرآية مثالية لذاتك، لو بتحبها بتحب نفسك، لو بتحبك بتعكسك

. . .
قول لي مين الظلمها وظلمك، في أرضها وأرضك، اتبع فرضك، واحفظ عرضك

#mhmdbbkrali

[Mohamed Baarkar @YaBaarkar]

#mhmdbbkrali

[Mohamed Baarkar @YaBaarkar]

( ١٣٠ ( وفي النفس حاجات بتخلي الواحد يتصرف بعشوائية )))

يا بِنَية نحنا منظمين وناس قضية، لكن في النفس حاجات بتخلي الواحد يتصرف بعشوائية.

. . .
كانت فتاة شقية، كأي مخلوقة ثدية. تتبرأ منا بلهجات محلية قالت برِيَّة، إن أعوذ بالرحمن منك إن كنت تقِيَّا، انتا إنسِيِّا فيك جنِيَّة.

[Mohamed Baarkar @YaBaarkar]

#mhmdbbkrali

[Mohamed Baarkar @YaBaarkar]

( ١٣١ ( الشفتنة حتخليك الأول في السودان والاخير في العالم زي حميدتي )))

بتمشى وجبتا لي وجع بطن الشيوعية في مسيرتي، يا بنتلي، ما اتشاف ومكتوب بس في صحيفتي. الشفتنة حتخليك الأول في السودان والاخير في العالم زي حميدتي.

[Mohamed Baarkar @YaBaarkar]

. . .
بحب الناس حكمتي لصديقتي وطليقتي، صوفي بخط كوفي عندي ميزان في طريقتي. حب وحنان وانسجام في مدينتي، داير أنقذها من الطوفان ودايرة تركب سفينتي، الله يهديكِ يا قرينتي، ما داير اتمسَّح بجريمتي.