من المواقف المحرجة والمتكررة في جلسات الصلح والطلاق
استدعاء مساهمات ومشاركات الزوجة في شراء شقة أو بيت أو سيارة أو نفقات معيشة.
اختلاط الذمة المالية خطر عظيم على الرجل، إن قبله الرجل على نفسه فهو يفتح على نفسه بابا للطعن في رجولته وقوامته في أي خلاف أو شقاق.
الرجل العاقل لا أقول لا يمد يده، بل أقول لا يمد ناظريه لمال زوجه أو كسبها أو ميراثها أبدا. فإن لم يكن سيزيده فإنه لا يأخذ منه شيئا البتة. وقد تحدث فواجع ومصائب تضطر الرجل لهذا كما يضطر أحد الناس إلى أكل الميتة. أما الرجل السوي فإن كان سيقترض من أي أحد أو سيبيع ملابسه فإنه لا يأخذ من مال زوجته إل�� للضرورة القصوى.
ولا نعدم رؤية زوجة ابنة أصول تخفي هذا ��لا تستدعيه. لكن نرى الملتزمات ولو ولية من الأولياء في وقت الشدة، حين يبحث كل واحد عن الكثير والقليل القنطار والقطمير ويريد كل واحد أن يقلل خسارته ويزيد مكاسبه المادية ويزيد خسارة الآخر، فإن كل القديم يستدعى وكل الأوراق تكشف وكل الستر يزال.
أضرب كفا بكف - خاصة إن لم تكن ثمة حاجة أو ضرورة مطلقا - وأقول للزوج في مثل هذا: قبلت على نفسك تاخد من فلوس زوجتك ليه؟ حتى لو هي اللي اقترحت وقالت. أديك دلوقتي محرج وفي موقف معايرة وحش.
والصدق يقال، الراجل اللي زوجته تشارك في بيت أو شقة أو عربية وميكتبلهاس نصيبها وعايز يسد نفس المبلغ على قسط مريح يضيع قيمة الفلوس، يبقى زاد ال��ين بلة وأهدر الباقي من رجولته ومروءته وماء وجهه.
شوفت نساء في عز الأزمات لا تعرض ولا تلوح من قريب أو بعيد بمشاركتها في حاجة، مع توجس الرجل وخوفه من ذكرها بهذا، وهؤلاء النساء نادرات جدا. والصح الراجل يسد الباب دا تماما ولا يقربه مطلقا بتاتا ما دام قادرا على ذلك.
الله المستعان
استراتيجية، قلب الترابيزة، اتغدى بيهم قبل ما يتعشوا بيك، قاوم ثم اشترط ثم نك�� عليهم قبل ما ينكدوا عليك.
لعل آخر استراتيجية - احتمال تجيب - نصحت بيها غير واحد من أصحابي. إنك قاوم جدًا، لأ مستحيل، ثم قولهم أنا مش هدفع فلوس في حاجة حرام اللي عاوز يعملها يعملها بس بشروط، مش عاوز شعبي، شغلوا عمرو دياب وحمادة هلال - مش عارف ليه دول بالذات أي مثال وخلاص -، ومحدش يحاول يرقصني ولا يرقص مراتي، والرجالة والستات ميرقصوش قدام بعض في مكان واحد. وأنت طبعا عارف إنهم هيريحوك في الكلام ويقولولك، يا سيدي إحنا هندفع، وهيمرهموك ويقولولك: لأ عنينا يا حبيبي هنشغلك عمرو وحمادة بس. وتتفق مع خطيبتك يومها، وهما طبعا مش هيلتزموا بالاتفاق والشعبي يشتغل، هوبا خطيبتك تقلب وشها، هوبا أنت تقلب وش�� عشان زعلها، هوبا تاخدوا جنب وتبلغوا الناس إنكم متضايقين ومتنكدين وهي اتنكدت وهتعيط وأنت اتنكدت على نكدها وعاوزين نقفل الليلة دي أو تقفلوا القرف دا، أو شغلوا قرآن أو أغاني إسلامية.
الحيلة دي قد تجدي، وقد لا تجدي بتاتًا البتة.
🖥 أخيرًا، عاوز أوجه خطاب للأهالي،
🟢يا إخواننا أنتم مسلمين، لو مقصرين ومفرطين في الحلال والحرام، فلا أدنى من إنكم تعينو من يريد الاستمساك بدينه، أنا أعرف ناس جابوا في أفراحهم رقاصات، ومع ذلك في أفراح الملتزمين بيقولهم جميل ما شاء الله أعملوا اللي يفرحكم.
يا جماعة، اللي بتعملوه دا غير إنه حرام ونشر للفاحشة والمنكر، فإنتم بتخرقوا أقل حدود الخصوصية والمساحات الشخصية والحريات اللي بيكلفها الملحدين والعلمانيين والليبرالين والغرب، أنت متخيل؟
فرحي، يعني من حقي أعمله بمزاجي وب��ريقتي، وأنت تفرحلي بطريقتي حتى لو مش عاجباك. يعني إيه أعمل فرحي بمزاجك عشان أنت تتبسط، دي قمة الأنانية واللاعقلانية واللامنطقية. عاوز تفرح بسبل الفواحش، افرح بيها في فرحك وأفراح اللي هتصرف عليهم.
يعني يا جماعة حتى لو - فرضًا - جنبنا معادلة الدين، فأنت حتى إنسانيا وعلمانيًا وليبراليًا، إنسان في غاية التسلط والحقارة والظلم، عشان تتسلط على واحد يعمل حاجته على مزاجك أنت، أنت لا حصلت إيمان ودين، ولا حصلت حتى إلحاد وحرية شخصية، أنت كائن بغيض.
🟢يا أهالي، اتقوا الله في عيالكم، لو هش هتعينوهم على الطاعة والبعد عن المعاصي، فلا تجبروهم على المعاصي، وسيبوهم في حالهم يحاولوا يرضوا ربنا ويفرحوا بما لا يغضبه.
اقتدوا بعيالكم في تحري الحلال والبعد عن الحرام، واتكسفوا واختشوا على دمكم بدل البجاحة اللي أنتم فيها في فرض المعاصي والآثام والمنكر. يا شيخ حسبي الله ونعم الوكيل فيكم حطيت صوابعي العشرة منكم في الشق، أنا مبقوق منكم والله.
بس خلاص
🖥 فرح لا يغضب الله - مقال طويل✅
🟠تخيلوا إني أعاني من كتر الرسايل والمكالمات اللي شكوتهم الموحدة تتلخص في:
"أنا وخطيبتي عاوزين فرح لا يغضب الله، وكل أهلنا وقرايبنا وأسرتينا وأصحابنا ضدنا"
وكمية ضغط لا يعلم بها إلا الله، تخيل لما أبوك وأمك وإخواتك يبتزوك عاطفيًا، ويبتزوك باسم بر الوالدين وصلة الرحم، وينكدوا عليك ويتبروا منك، عشان مش عاوز تبدأ حياتك بمجموعة من أشنع وأهبل المعاصي المضروبة في خلاط؟
صدق النبي - بأمي هو وأمي - وقوله معجز، فكيف بكم إذا أصبح المعروف منكرًا والمنكر معروفًا.
⏺أحكيلك؟ بص دول شوية أمثلة.
✴️واحد صاحبي أبوه قاله يعني إيه مفيش نصبة شيشة وحشيش في الفرح؟ البلد تقول عليا إيه؟ أنت عاوز الناس تاكل وشي؟
✴️كام بنت أهلها وأمها وإخوات��ا وأصحاب أمها وجيرانهم، يضغطوا عليها عشان تحط ميك آب في الفرح! والغريب والقريب. وأي واحدة معدية في الشارع بتقنعها بكل قوتها، بتقنعها بالحرام. ومستغربين إزاي أنتي كائنة غريبة شاذة عن المجتم�� مش عاوزة تحطي ميك آب، أنتي مخك سليم ولا مجنونة ولا ماله دا يا أخويا، عيان دا يا أخويا؟
✴️كام واحد مبيحبش الخبط والرزع والاختلاط الفاحش والموسيقى والمهراجانات الهابطة، ودخل ناس أغراب، أصحاب بنت خالة أم زميل جد العريس، ويقولك يعني إيه، عاوزين نتبسط؟ أنتو نكديين ولا إيه، افتح يا باشا الدي جي وشغل شعبي خلي الناس تترقص
✴️كام واحد بيتصل بيا يقولي أم العروسة بتبتزها بصحتها، يا بنتي أنا مريضة وصاحبة عيا، واللي بتعمليه دا هيخليني أموت وأروح فيها، أنتي يا بنتي مش عاوزاني أفرح، يا بنتي كسرتي فرحتي إلهي يكسر قلبك وفرحتك.
✴️أقولك أهل عريس ولا عروسة، قاموا يسيب��ا الفرح بيلووا دراع الناس ويهددوهم إنهم هيسيبوا الدنيا ويمشوا، عشان حد يمشي وراهم يحايلهم ويقولهم، خلاص خلاص، هعنلمكم اللي أنتوا عاوزينه، شغل المنكر والحرام يا ابني عشان الناس دي متمشيش.
✅أصحابي وشباب وبنات أغراب بيبعتوا يسألوني، نعمل إيه؟ وأنا والله فعلا مببقاش عارف أقولهم إيه، فيه مواقف مختلفة وسيناريوهات مختلفة،
ولكن دي بعض النقاط:
تابع 🧵🧵
1⃣لو ربنا رزقك بأهلك وأهل عروسة أهل التزام ودين، فنعمة وفضل من الله الحمد لله، اسوأ حاجة ممكن تحصل إنهم تشغلوا أغاني ��سلامية بموسيقى يشي ماهر زين ولا سامي يوسف ولا حمزة نمرة ولا حاجات الإسلاميين دي، ودي في رأيي المتواضع، أمرها هين وتعدي، ولو عقد في مسجد ووليمة اللي هي أهم سنن النكاح وفاكس أي حاجة تاني يبقى أحلى حاجة والله.
2⃣أهلكَ وأهلكِ لو المصريين العاديين بتوع الفرح ميحلاش إلا بالمعاصي، فأنت مبتلى، ما عليك فعله هو تخفيف حد الضرر إلى أقصى حد ممكن، وتنافح عن حقك الأصيل في عمل فرحك ما يحلوا لك، حاول، وحاول تقلل الضرر، وتتبرأ من المنكر بالقول والفعل، وترفض حاجات قاطعة حاسمة، زي موضوع الميك آب دا اللي هو بصراحة، قادح في الدين والخلق والمروءة والرجولة. فدي مفيهاش نقاش، أو العروسة تلبس نقاب وكاب كامل أمام الرجال، يا الفرح يبقى منفصل.
يقول الإمام ابن تيمية: ليس الفقه أن تعرف الخير من الشر، إنما أن تعرف خير الخيرين وشر الشريين. يعني كقاعدة، درء المفسدة مقدم على جلب المصلحة. يعني لو البلا والفساد واقع لا محالة بكون الأغاني والرقص هيشتغل، يبقى أخف الأضرار إن الفرح يكون منفصل، والنساء يتنيلوا يرقصوا لوحدهم براحتهم، والرجالة يتنيلو يرقصوا لوحدهم. ودا مش تحليل مني للرقص والأغاني عشان مبحبش الغباوة. دا لو مش هتقدر تمنع المنكر كله من الحدوث.
⏪ عليكَ يا شاب، وعليكِ يا فتاة، مسؤولية بحسن الاختيار. معلش متجيش تتصل بيا وتعيطلي ويبقى موقف البنت زي موقف أهلها، إنها ليلة ولازم ألبس ضيق ولا مكشوف ولا أحط ميك آب، أنت كدا أصلا أساسا اخترت غلط من البداية، إنما إنك والبنت تكونوا جبهة واحدة تقولوا لأهلك وأهلها، لأ مستحيل ميك آب ولا نفضها سيرة وهنقعدلكم من غير جواز لحد ما نموت. يبقى كدا أقولك يا ابني اخترت بنت كويسة وكمل معاها.
⏪متكونش خطيبتك وسطها - أنا آسف والله - فالت وبتترقص قدام الرجالة، وتقولي أعمل إيه؟ تعمل إيه في خيبتك السودا، أنت اخترت غلط يا حبيب ماما. اختار ذات الدين عشان ترتاح.
⏪من معايير الاختيار والقبول هو اختيار الأهل، طبعًا زي ما قولت فوق محدش بيختار أهله، إنما بيختار أهل التاني مع اختياره للخطيب والخطيبة، فيعني لو أهلك ملتزمين وحلوين، يبقى الحمد لله بركة من الله، متق��لش إلا بأهل حلويين وملتزمين زيكم، لو أهلك مش قد كدا في الالتزام، يبقى لو ربنا وفقك بأهل خطيب/خطيبة أحسن من أهلك والخطيب/الخطيبة وأهله موافقين عليكم، يبقى ألف بركة ربنا كرمك بأهل أحسن، ولو أهله زي أهلك في الهوا سوا، يبقى لا تعايرني ولا أعايرك الهم طايلني وطايلك.
تاابع .... 🧵🧵
مثل هذا المغتصب يستحق أن يهدر دمه وتهزق روحه الخبيثة، أما هذا التعزير فيليق بالمشاركين والمتواطئين.
لو طبقت حدود الله لكان خيرا وشفاء للصدور وهي كفارات لأهل الإسلام وزواجر للفساق.
نسأل الله العفو والسلامة.
** السجن الموبد
الآونة الأخيرة أنا ملتزم الصمت على منصات التواصل يعتبر بشارك حاجات عن غزة وحاجات إيمانية ورقائق بسيطة بس.
هقطع الصمت دا مؤقتا لتشجيع حاجة جميلة في وسط أزمنة الفتن دي.
صديق عزيز مصور، عمل مشروع واستوديو اجتهد فيه ألا يخالف الشرع مطلقا قدر استطاعته.
الستوديو لتصوير المنتجات والفاشون الرجالي والبودكاست و ملبوسات المحجبات فقط ويتم تصوير لبس المحجبات بمصورات بنات.
العنوان ١٣٣ شارع عبد العزيز ال سعود المنيل.
مواعيد العمل كل يوم من ١٠ صباحا ل ١٢ مساء.
صفحتهم على تيك توك في أول تعليق ودا رقم التليفون للتواصل.
٠١��٠٠١٨٠٢٠٤
أتمنى فعلا تدعموهم عشان يستاهلوا كل خير.
الاستمساك بهذا الدين لا يزيد المسلم إلا عزا وفخرا.
من فترة كان اشهار زواج عريس مصري وعروسة أمريكية حديثة عهد بالإسلام.
ورغم وجود والدها إلا أننا بكل ذوق ولطف قدمنا والد العريس ليكون وليها الشرعي ثم استأذنوني أن أكون أنا حتى لا نحرجها ولا نحرج أباها، لأنه لا ولاية لكافر على مسلم وقد فعلنا الحمد لله،
ولا نخجل من الاعتزاز بديننا وظهوره وهيمنته على ما سواه.
مفيش حاجة في الشرع اسمها تبقي وكيلة نفسك في الزواج .
🟠أنا كبيرة وراشدة.
اه معلش برده في الشرع لا زواج للمرأة بدون ولي لو عندها 100 سنة.
طيب أنا ثيب واتجوزت قبل كدا؟
لأ برده الولي واجب للثيب كما للبكر حتى لو تزوجت ألف مرة. وهذا لنص حديث النبي: "لا نكاح - أي نكاح - إلا بولي وشاهدي عدل."
طيب يا شيخ حضرتك تبقى وليي؟ لأ برده مقدرش،
🟠ما عشان ولايتي تبقى صحيحة، لازم أتيقن إن أهلك فعلا معضلين، واتكلم معاهم، وأشوف عندهم مسوغ شرعي ولا لأ.
لأني مضمنش إذا كان عندهم حق. فبالتالي لازم الشيخ أو إمام المسجد أو المأذون اللي هيعمل كدا، يكون عالم علم يقين تنتفي معه الجهالة إنهم فعلا معضلين لغير مسوغ شرعي لتجوز ولايته وإلا بطل النكاح.
وأنا مش حمل أجوز واحدة زواج باطل وأتحمل إثمها. اللهم إلا الاستثناء الوحيد إني أجوز واحدة أسلمت وأهلها كلهم كفر.ة، ففي ه��ه الحالة أنا متيقن إن ولايتهم كلهم سقطت لأنه لا ولاية لكا.فر على مسلم، فبجوزها وأنا مطمئن.
🟠غير كدا يا جماعة الخير، أنا معنديش حل والله. والله يسامح الأهالي اللي بتعضل بناتها للزواج من كفء ويخلوهم يتشحططوا ويتمرمطوا ويحفوا على ��د يبقى وليهم في الزواج. الأصل والطبيعي والفطرة حتى بعيدا عن الشرع، إن العصبة دول عز المرأة وسندها وأمانها وملجأها. فلا حول ولا قوة إلا بالله لما ينقلب السند والولي لعكس ما هو مطلوب منه شرعًا وفطرة.
🟠 أعلم رأي السادة الأحناف بجواز تزويج المرأة نفسها، وأنا مش حنفي وآخذ برأي الجمهور في عدم الجواز، ومن يحب أن يستفتي دار الإفتاء ويعمل بالقانون المصري وتزوج نفسها عملًا بفتوى من تثق في دينه وعلمه، فلا بأس. لكن حتى لو الكل معضل والأبواب مسدودة، أرى وجوب الولاية شرعًا وبطلان الزواج بدونها.
والله المستعان.
الإعضال هو حيلولة أو منع الولي للفتاة من الزواج ممن هو كفءٌ لها.
🟠دلوقتي كل كام يوم شاب أو بنت يكلموني، والقصة إن أهلها رافضين، الأب رافض، الأب مفوض أمر جواز بنت قاربت الثلاثين للإخوة الذكور وراب��ينها جمبهم لا يوافقون على أحد، وأمثلة كتير جدًا كلها بنفس الشكل.
🟠الإعضال حرام ومنع المرأة من الزواج ممن هو كفءٌ لها حرام، والرفض بدون وجود مسوغ شرعي مقبول زي عدم الكفاءة أو خفة في الدين أو الخلق أو السمعة أو الأهل أو تضييع الصلاة أو غير ذلك. حرام، ويسقط الولاية.
🟠طيب الولاية تسقط، وتنتقل لمن بعده بالترتيب. والولاية في الأصل لأقرب العصبة كما بترتيب الميراث: الأب لو مش موجود أو عاضل، يبقى الجد لأب ثم الأبناء (لو سبق لها الزواج ولها أبناء) ثم الإخوة الذكور الأشقاء، ثم الأخوة لأب، ثم الأعمام الأشقاء، ثم الأعمام لأب، ثم أبناء الأعمام الأشقاء ثم لأب.
🟠طيب يا شيخ كلهم مش موافقين وخايفين يعارضوا أبويا وكلهم على قلب رجل واحد. إن سقطت ولاية جميع العصبة أو عدموا، نذهب لذوي الأرحام في الضرورة.
الجد لأم، الخال، أو خال الأم.
🟠لو كلهم سقطوا، تنتقل الولاية في الشرع لولي الأمر أو القاضي الشرعي أو من ينوب عنهما. مفيش ولي أمر هيزوجك لا رئيس ولا محافظ (دا لو اعتبرنا إنهم أولياء أمر بالمعنى الشرعي). ومفيش قضاء شرعي. في الحالة دي ممكن نقول إمام مسجد أو مأذون أو شيخ أو كبير بلد أو عيلة يزوجك.
طيب يا شيخ أبقى ولية وكيلة نفسي؟
مفيش حاجة في الشرع اسمها كدا. ... تابع
🖥 منع الولي للفتاة من الزواج ممن هو كفءٌ لها
الموضوع دا أصبح يسبب لي ضيق وغم ويؤرقني جدًا.
أصبح يتكرر على مسامعي كل كام يوم قصص مختلفة لنفس المسألة، مسألة عضل ال��رأة.
🧵ثريد 👇
قبل أن تنصب نفسك محللا وقاضيا وتحكم من المصيب والمخطيء والظالم والمظلوم
انتفع لنفسك وخذ العبرة والعظة من سنة التداول وتقلب الأحوال بين عشية وضحاها.
فالسعيد من وعظ بغيره. وسل الله العافية.