انك تتجوزي راجل ابن حلال دي بالدنيا ومافيها ودا نوع من انواع رضا ربنا.الناس كلها بتتجوز،بس مش كلهم بيتجوزوا واحد ابن حلال،علي فكره يعني ده شيئ بعيد عن انه جواز حب اوصالونات،دي حاجه ف طبع الراجل ذات نفسهُ،الراجل اللي يشتري خاطرك بالدنيا بحالها،والـ يحاوط عليكي برموش عنيه .
"ك��ل شيء في الدنيا بـ ميعاد ولما يجي الميعاد هتلاقي كُل حاجة بتحصل لوحدها بالحد الأدنىٰ من المجهود، إللي جه وقته يخلص هيخلص، وإللي جه وقته يبدء هيبدء، وإللي جه وقته يتنسي هايتنسي، الضغط علىٰ النفس لتغيير واقع مجاش وقت تغييره جهد مهدر وهلك علىٰ الفاضي"💛
انا عايزه اقضي عمري خفيف ، انزل من بيتنا كل يوم وارجع وانا حاسه اني خففت عن حد ضغط كبير ولو بكلمة او حتي لو مش هخفف مكنش سبب ضغط ، عايزة يتقال عني في غيابي او بعد موتي كان رؤيتها وقعدتها وكلامها ومواقفها خفيفه علي قلبي ، كانِت شخص لينّ وسهل والتعامل معاه مريح ❤
اتأكدت إن أكتر حاجة تستاهل ان الإنسان يفضل يدور عليها ويحارب علشانها طول عمره هي الراحة مش السعادةإحساس السلام النفسي والبال الهادي اللي مش شرط خالص إنه يكون مصحوب بإنك طاير من الفرحة، هو اللي بيوصل لمرحلة الرضا اللي عندها الواحد بيبقي قادر يخلق سعادته من أبسط وأقل حاجة