عسى الله يعوض بالاجر فايض الاحساس
من يعيش زهرة عمره ولكن مشيّب
صدوف الليالي تمتحن كل طيّب راس
ما حس بمعاناة الكفو واحدٍ خيّب
وانا فوق ماني منحرم لذّة الاوناس
لو اقرا خبر عن شخص عدّيته قريّب
معي قلب متعبني ويحزن لحزن الناس
"ولا يذبح الطيّب سوا قلبه الطيّب"
— نواف الدهيمي
كنت اقول المفارق بيننا مستحيل
فكرة مرت في بالي وهمّلتها ..
لين ما طحت في درب الفراق الطويل
وصارت اشياء واجد ما تخيلتها ..
في غيابك تحملت الغياب الثقيل
وكل حاجه تضايقني تحمّلتها ..
كل هذا على شانك .. لو إنك بخيل
وانت ما فيه ضيقه جتني وشلتها ..