سعُود.

عزّ نفسك .. عن شعورٍ مايعزك. 👷🏻‍♂️IT engineer

[سعُود. @002vz]

اليا رضيت اجيك غيـث من غمام
و اليا زعلت اجعلك قـاعً يابـسـه.

[سعُود. @002vz]

اسعى ورى حـلمـك التايه وخلك جـزوم
لاتحسب حساب من ساعد ولا من جحد

مسافة السعي خلف الحلم ماهيب يوم
مسافة الـعـمـر مابين المـهـد واللـحـد

إن وقّفوا ضـدّك اللي يحبطـون العـزوم
وقّـف لـهـم وقفة اللي ماعليه من احـد

[سعُود. @002vz]

عاضني ربي عن الشمس بالبدر المنير
وعفت حنّيت دفاها وبرد ظلالها

ما يشابه طهر الإحرام في السيل الكبير
غير قلبٍ ردّ روحي على مدهالها

يا حبيبي، غاية الحب توحيد المصير
القلوب اليا التقت ما تعيش لحالها

أنت كنّك ركعتينٍ مع الثلث الأخير
كان ما صليتها ما عرفت أفضالها

[سعُود. @002vz]

اببتسم عاد الجروح اللي بصدري ما تشاف
دام اكثر العالم تبسم و البلا ف كبودها

الوقت قسانا لكن قلوبنا دايم صخاف
بدوٍ رهاف قلوب لو بان القسا بجلودها

مافيه اشد من الوداع الي يجي في اخر مطاف
على القلوب الي تصون عهودها ووعودها

[سعُود. @002vz]

لاتضيق من الحياه وربك اعلم في حياتك
كل هـمً له زوال ... وكل كسراً له جـبيره.

[سعُود. @002vz]

راحت طموحاتي مراح الشك في وجه اليقين
في ليلةٍ تشبه لیال شباط .. من حول جْسدي

مدري متى ياهـادم اللذات ولا ادري لـويـن
تمـشي بـي الأيـام للمـوعـد وللحـظ الـردي

اخاف تسرقني يدين الموت وأمي لهالحين
ماناظرت ضحـكة سميّتها ولا طيب ولـدي.

[سعُود. @002vz]

ان جيتني يالليل وش أنت جايب
يا مرحبا واللي يجي منك مقبول.

[سعُود. @002vz]

عزّ الله انّ الجمال اليوسفي منحصر
فـ الفارع اللي يغار الزين ، من زينها

بنت ٍعليها خصر ماهوب بايّة خصر
من دقّه اتصك قوسة قبضة ايدينها

اليا اقبلت بالتغطرف ضاع فيها البصر
واليا ادبرت قلت ينصر ربنا دييينها

الردف رويان ، في تقسيمها منتصرر
والخصر ناحل من التقسيم مسكينها

[سعُود. @002vz]

نبني قصور احـلامـنا واثرها ثلج
لاشرقت شمس الضحى ذوبتها.

[سعُود. @002vz]

يابو جـديل اشقرٍ على الردايـف شـروع
لا شفت لونه تقول من الذهـب قاطعه

وراك تسـرف بحالي يالـغـزال الـدلـوع
ونظـرات عينك في قلبي كهـربٍ لاطعه

والله ما شفـت لك في كل الازوال نـوع
كانك تبى الصدق خذ هالورده الناطعه

[سعُود. @002vz]

لافقدنا شخص تكثر فـ الدروب اشباهه
كن وجهه في وجيه العابرين يوزع

اتتقى في ذرى الله واحتمي في جاهه
من فراق اللي عروق الكبد منه تمزع

عايفٍ لبيه غيره واتلذذ هاهه
والله ان مانيب عايفها ولا متجزع

كن حكيه لا احرقه صمته وجمر شفاهه
تمرة اللي عذقها من جذعها متهزع

[سعُود. @002vz]

كبير يـ الليل ومحبّينك كبار
يشرّفك من يسهرك وتشرّفه

أنا صديق الليل واطراف النهار
إذا سألك الصبح عني صرّفه

[سعُود. @002vz]

ليه اعــوّد لك مادام ان ماورى المعواد طايل
وش يرّد اللهفه لنفسي على اشياء كنت ابيها

لـو تساومـني بكـل الطُـرْق وبـشـتّى الوسايل
الـكـرامـه جـوهـره مـا سـاوم الـقـنّـاي فيها

يـوجـع إني في سبيل رضـاك سويت الهوايل
وانـت مستـكثر علي آسـف ومستـكبر عليها

[سعُود. @002vz]

اللهم صل وسلم على نبينا محمد ﷺ 🤎.

[سعُود. @002vz]

طـراة أحـلامـنا لامِـن وصلناها عِـزاز نفوس
ولا للفـوز نـكـهه كـان نـقّـص مـن مِبـادينا

يِساعدنا عليها اللي لغيره ماخَضعنا الروس
على درب النِقى وقُلوبنا أنظـف مِن مخابينا

[سعُود. @002vz]

ياوجدي على عمر فقدته وحلم ضاع
ومن ضاع حلمه مستحيل احدٍ يعوضه

ياليت الزمن نقدر نسوّي له استرجاع
لكن دبرة اللّٰه فوق الإنسان مفروضه

[سعُود. @002vz]

بعد مشاركات العيد قالوا :

حتّى المديح اللي يجيني من الناس
ما هو مـثـل اطـرائـك اللي أحـبّـه.

[سعُود. @002vz]

كل عام وانتم بخير ومن العايدين ❤️

[سعُود. @002vz]

@s3dAl5eran @alrashed1000 @mg_cvv @pay_smartly @alawwalsabcare تواصل مع خدمة العملاء فالتطبيق نفسه وقولهم السالفه وعطهم اخر اربع ارقام من البطاقه وبيقولون لك ضيف البطاقه فالتطبيق وبعدها يشيكون على المشتريات والحسابات المربوطه مع البطاقه واسالهم عن اسمه واطلب انهم يحذفون حسابه ويقفلون حسابه ويرفعون لك طلب داخلي عندهم بعدها تجيك رساله على رقمك

[سعُود. @002vz]

@s3dAl5eran @alrashed1000 @mg_cvv @pay_smartly @alawwalsabcare اي لما تواصلو معي وقفو الفيزا ورفعو بلاغ مدة المعالجه 30 يوم عمل 🙂 وامازون السعودية طلعو لي اسم الشخص الي شاري وحذفو حسابه وقالو مدة المعالجه 3 الى 5 ايام عمل وبنشوف وش اخرتها

[سعُود. @002vz]

@YasserA55761683 @mubark_89_ @alawwalsabcare تواصلت مع امازون ورفعت شكوى داخليه عندهم وطلع لي اسم الي طالب من عندهم وبيتواصلون معي وبعدها وقال خلال 5 الى 7 ايام عمل يستردون المبلغ وبنشوف وش يصير بعدها