necrosis

كلام بخاطري، طالب يبي يتخرج اكره البشر لا تتابعني

[necrosis @02tnv]

كنت احب اليابان وثقافتهم واحسب انهم شعب فنان اللين ترجم تغريداتهم ايلون وقتها عرفت انهم اقذر شعب عليك ياكوكب الارض

[necrosis @02tnv]

على كثر الحالات اللي تشوفها وتكون بالنسبة لك انترستد بس عمرك ما تتمنى تشوف حالة دوشين او الاسوء انك تشخصها
فعلاً من الامراض الفضيعه اللي تقطع قلب الواحد اسال الله انه يهونها على المرضى واهاليهم

[necrosis @02tnv]

اتمنى منكم يا اطباء المستقبل تركزون على نقطة التثقيف الطبي
المريض لازم يعرف وش عنده وليش قاعدين نسوي له كذا وكذا
لان اكتشفت مع كثرت الروتيشنات في المستشفى ان اغلب المرضى مب فاهمين ليه قاعد الدكتور ياخذ كلشوي تحليل ويعطيه ادوية معينة
وللاسف السبب الرئيسي يرجع لاختلاف اللغات

[necrosis @02tnv]

@xloqpolx @Huda88 تبي تضحك؟ جربوه علينا السنة اللي فاتت والغوه السنة ذي على الدفعة اللي بعدنا
ورجعوا يجربونه اللحين بس على سنتنا حن
اخخ

[necrosis @02tnv]

@xloqpolx @Huda88 صدق من متى طبقوا نظام الدبل بلوك؟ والله ياهو غثيث حسبته بس عندنا طلع برضو عندكم

[necrosis @02tnv]

اشوف فيه حساب في التيك وحده تشتكي من موضوع انها فرست جينرايشن
انا فرست ولا فرقت معي كثير صح مستواي مب هذاك بس اخوياي اللي عندهم اخوان واخوات في الطب برضو نفس وضعي
فهل الوضع يفرق معكم ولا بس كلام؟

[necrosis @02tnv]

افكاري ايام التحضيري اخخ يالضحك

[necrosis @02tnv]

@SultanNeazy ياخوي دامك عديت البيسك امورك طيبه، في الكلينكال مب يهمك الا المرض وكيف تشخصه وتعالجه اما الباثو فسيولوجي والامور ذي مب تحتاجها الا ما قل مع حالات معينه ومع دكاتره معيين
اقرا اكثر عن الحالات الاكثر انتشار واعرف كيف تشخص وخاصة الهستوري وكيف تعالج فقط
وموفق يارب

[necrosis @02tnv]

ابسط طبقية في الجراحة هههههههههههههههههههه

[Naba @na_b07]

Whaat

[necrosis @02tnv]

اخبر شريت وحده اي خدمة ويوم قدني في اختبار الاوسكي احطها ما اسمع شي واقول يمين يسار يولد
طلعت المانيكان خربت على حظي
بس هانت لانه قعد يحاول يشغلها وعشان الوقت قرب يخلص اعطاني كم سوال على السريع ومشيت والى يومكم ذا ما اتوقع بستخدمها مره ثانيه

[رَغَدٌ @RaghadAw_1]

على طاري الستيثوسكوب

والله انها خساررررة
خذوها من امازون بسعر رخيص ابرك لكم خصوصًا بسنوات الكلية

انا عندي ٢ كل وحدة ب٥٥٠
وبالنهاية دخلت سايك ...........

[necrosis @02tnv]

قاعد اشوف مقاطع لفلوقر امريكي يجوب العالم المهم قاعد افكر في كل مره يزور دولة فقيرة
كيف ياخي الاقدار عجيبه يعني هذا الانسان بس عشانه مولود في ذا البقعه من الكوكب صار محكوم عليه بحياة معينه وامكانيات معينه عمره مهما حاول مب يقدر يتفوق عليها
الحمدلله على النعم اللي حن فيها

[necrosis @02tnv]

يا اخوان بخصوص اني اقعد افكر في المريض حتى اذا طلعت من المستشفى
اتكلم عن الحالات النادره والوراثيه ياخي يجيبون لي الضيم واقعد طول اليوم افكر فيهم
هل الشي ذا بيعدي مع الوقت؟ لان تو بديت كلينكال والوضع مزري شويتين

[necrosis @02tnv]

اتمنى شعور الحماس للدراسة يرجع
مب طبيعي كل ما بدت سنة يوجعني بطني واقعد افكر كيف بتعدي على خير يارب زينها من عندك

[necrosis @02tnv]

#matching2026 اللي ما جاهم قبول الله يعوضكم خير بس اذا يمديها موزوناتكم ووش التخصصات اللي قدمتوا عليها؟

[necrosis @02tnv]

@outofluckbish @HlghLghl انتوا تدرون ان الامراض الجينية كثير! ومب كلها تسبب تخلف في نمو العقل ولا الفكر وفيه ناس كثير مصابين بامراض جينية عندهم جوالات، فالكلمة وقعها سيء على المسمع
وترا فحص الزواج الامراض اللي فيه جدًا محدوده والامراض الجينية والطفرات بحر لا يعلم فيه الا الله

[necrosis @02tnv]

مع اني ما اداني البشر بس عندي نزعة فزعه مب طبيعية ما ودي اشوف احد محتاج

[necrosis @02tnv]

@NoMercyWithin @Mh_Alkhaldi ما يجوز تتهم خلق الله بالطريقة ذي
اذا اهلك تعبهم خفيف وتقدر تروح مستشفيات ثانيه فهذا امرك
بس في حالات الطوارىء هل بتقعد تنقلها من مستشفى الى مستشفى عشان والله ما فيه دكتوره!
لا تهلك ذمتك يوم القيامة بذنوب مالك حاجة فيها
نسأل الله العفو والعافية

[necrosis @02tnv]

للطلاب اللي بيتغربون عن اهلهم
اول مكافأة حافظ عليها زين ولا تضيعها في الرفاهيات خلها بس لاكلك وشربك والبنزين والنت
وبعدها ابدا عاد انت نظم وضعك المالي زين
اساسياتك للجامعة ايبادك وشاحنك وقلمك وماء واهم من ذا كله نظم نومك زين
والصلااااة الصلااااة لا تهملها لان ما فيه احد يصحيك

[necrosis @02tnv]

اهين ام الطفش في الديرة صدق