َ

مرحبا او مر حباً .

[َ @08it2]

" لا يوجد مقصود في اشعاري "
- قراءه مُمتعه للجميع

[َ @08it2]

" وش عاد باقي يا محطات الحنين
تعبت اضيّع في محطاتك عمرر

صارت قناعاتي .. تمثل كلمتين
ما اللّٰه كتب مالله قسم ما اللّٰه ومر "

[َ @08it2]

ياغاليٍ لو شحب وجه الزمان وعبس
مازال وجهك بشوش وبسمتك فاخره

ما ودّي اعيش معك العمر مرّه وبس
أهواك وابيك في الدنيا وفي الآخره .

[َ @08it2]

لا طريتي كن طاري للعرب قصر اليمامه
وان زعلتي تحزنين الليل يا ريشة عبادي .

[َ @08it2]

أعتذر في أبهى صورة :

وإن زعلتي مابقى للعمر والتاريخ قيمة
والأسف سكّة طويلة لين يركع بـ إتجاهك

اذكريني نار بدوٍ في لياليك العتيمة
وقبل أشد ركاب جرحي كنت أبشد إنتباهك

يا انتصاري في طريق الفقد، ودروب الهزيمة
حالف إني لا ارسم البسمة على طارف شفاهك

[َ @08it2]

ازبني بين المحاني . . و اسكنيّ قلبي تراني
من لجى بحمايّ خابت لحية الطلاب دونه

[َ @08it2]

شاعرك عن كل لذه غمض عيونه
يموت ما عاش دور الظالم الجاحد

أتـرك كـلام العباد اللي يـقـولـونـه
مازلت يا نخبة النخبة " رقم واحد !

[َ @08it2]

سّم لعنبو من لامني في ضحكتك ورضاك
تبسّم واخذني من عالمي في عالمٍ ثاني

تبسّم لي فداك اللي مضى واللي بقى يفداك
ترى لولا غلاك وضحكتك ما بعت خلانـي

ولا جيت اتدارك ما بقى من فرحتي و القاك
وابيع العمر كله لا ابتسم ثغرك على شاني

[َ @08it2]

مادريت ان لعبة الثقل جازت ل العوب
لين مكّنت اسهم الهجر بين جنوبها

تدري اني صلف واتوب اللي مايتوّب
خل ينفعها دلعها وثقل اسلوبهاا

[َ @08it2]

بقـى ذنب واحد من ذنوبي عجزت أنساه
بعد ما هداك الله يا قلبي على التوبه

لك الشوق .. يا ذنب تركته لوجه الله
عسى سيئات الشوق ماهي بـ محسوبه .

[َ @08it2]

من حبّها لا اعترض فالدرب ريمٍ لعوب
رفعت عنها نظر عيني وخلّيتها

أهديتها الفرصه اللي ماتجيب الذنوب
واهدتني الغلطه اللي ماتعدّيتها

من يوم ماكذّبت صادق وحبّت كذوب
لو شفتها في نحور القوم ماجيتها

قولوا لها إنّه خذا شفّه وقرّر يتوب
يعني لا جتها البيوت تعيد رتويتها

[َ @08it2]

الله يصبحك بـ أشواق الصباح الجديد
ياللي لك الشوق لا يهدى و لا ينتهي

غيرك من الناس علمناه يلعب بعيد
بس أنت فالقلب تلعب مثل ماتشتهي

[َ @08it2]

والله إن الدمع ماجرب يضمّ اكمامي
كيف أصافح بسمةٍ من خاطري مسلوبه

ياحبيبي لا تغرّك نظرة استسلامي
الجمال اليوسفي يفضح وله يعقوبه

القصايد قبل أعرفك ماتعرف إلهامي
وذا قصيدي من عرفتك منفرد باسلوبه

كل ماغنّيت وإجتاح الحنين أنغامي
ذكرياتك زادت أبياتي طرب وعذوبه

[َ @08it2]

أنا وشلون أضحي فيك ولا أرضى بدالك خلّ ؟
وأنا أشوفك سبب .. كل إبتسامه بأبتساماتي

[َ @08it2]

تشرّه ولا تعذْر، ترى ظروفي أخذ وخل
مخاوف سنيني (غيبتك) كانت أزمنها

تعال أجمع شْتات الحكي والعتاب وقل
من اللي مشرّد ضحكتك عن مواطنها؟

وقم وأرسم البسمة على أيام عمري، عل
إلى دارت الأيام من بعدك ؟ أضمنها

ورا صْدورنا حاجات تستاهل إنْها تْظل
حرام (الزعل) ما يجلس ألّا بـ أماكنها

[َ @08it2]

أحب اتغزل في حلاها وانا طربان
لو ان ماني بعنتر وهي ماهي بعبله

هَذي الفاتن الي كل ماطبت: الميدان
ودك تشتري لها كوشه وتهدي لها دِبلة