فيصّل ابن لوذان .

يأمن بنا الخايف ويفرح بنا الضيف ، حنا بدايات الفخر وامتداده

[فيصّل ابن لوذان . @0_305f]

اللهم ارحم اخوي و صديقي تركي بن سعود بن زريبان اللهم ابدله دار خيراً من داره و اهلاً خيراً من اهله ، وعوض شبابه في الجنه ، وادخله الجنه ونجه من النار و من عذاب القبر
#تركي_سعود_زريبان

[فيصّل ابن لوذان . @0_305f]

انا بينـي وبيـن الطـواريق حـط و شيل
تهيض القـريـحه دايماً فالفضا الراهي

الى حل ثلث الليل واسدل ضلام الليل
تسامرت انا و الشعر وبـيـالـة الشاهي

اخيل السـماء واسج لامن نـويت اخيل
واشوف القمر ويعود لي وجهه الباهي

عليه اتـوجد وجـد شـيخً حـداه المـيل
فـقـد هـيـبتـه مـاكـنّه الامـر الـنـاهـي

على ابـو عـيونن رمـشـها مايبي تكـحيل
يعـرّض علي طـيـفـه وانـا غـافـلً لاهـي

هـو الي غـرامـه جـر قـلبـي مـجر السيل
وهو يحـسـب انـي دالـهً عـنّـه و سـاهي

فلا بـاس ياقـلـبً لـحقـك الـعنـا و الويل
جـروحـك لـهـا عـامين واكثر على مـاهي

تصـبّـر و اقـر وردك ولا تـتـرك التـهليـل
تـرا عـادك بتـذكـر سـنـا خـده الـزاهـي

⁃فيصـل بن لوذان

[مليح بن زيد المليحي @MeleihAlmeleihi]

#ذكريات

قصيدة للشاعر الكبير هندوس بن لوذان المطيري رحمه الله في والدي الشيخ #زيد_المليحي حفظه الله على #قناة_ذكريات

@Thikrayat_tv

[فيصّل ابن لوذان . @0_305f]

والله انّـا ذخـر حـرن يعـشـق الطـلـوع
لا اعتزا قـفـت كبـار الجـموع الغـفـيره

مانـعرف المحـايل و الغـدر و الخضوع
الهـقـاوي كبـيـره و الاسـامـي كبـيـره

والمـحـبه نحب الكـيف عقب القـدوع
بس لاتعـترض ذيك المـهاء المستذيره

لهـفـة الشـوق مرّت بين حـدب الضـلـوع
ياعسى الامر خير وياعسى الصبر خيره

كيف ابـنسى غـرامـك يالغـزال الدلـوع
وانت لك فالحشـى روضً و مفلا و ديره

ذي طيـوفـك تـراودني ب وقـت الـركـوع
اثر عيـنـي بصـيره و الضـمايـر بصـيره

غـبـت عـني و عـادك بالمحـبـه فـروع
شاع حبـك ولا حـددت غايـة مصـيره

لا تـذكـرت شـوفك عصـر يوم الربـوع
لـج قـلبـي كما لـجـة خـلوجً كسـيـره

لو رحـلـت وكتـبت العـذر مـاني قنوع
ما لعـذرك قبـول و لا لكسـري جبـيره

كـنـي الي فـقـد شـوفـه وهّـل الـدمـوع
يونس بجـوف صـدره صـال نارً سعيره

⁃فيصل بن لوذان

[فيصّل ابن لوذان . @0_305f]

من لامنـي في نـجـد جـعلـه فـداهـا
كـل الخـصـال الطـيـبه في هـوا نجد

ترويـك يالضـامي ب قـرطـوع مـاهـا
وينزاح منك الضيق و الياس و الوجد

- فيصل بن لوذان

[فيصّل ابن لوذان . @0_305f]

صاحبك يعطي على شوفك بشاير
ديرة منتو بها .. ما هي بديره

من خذا منكم خفيّات السراير
والله انّ يبطي ولعكم في ضميره

جوهرة قارون .. غالية التجاير
أشهد انّك بهجة العمر الكبيره

واحدٍ حضّك .. مع حضّه يساير
شايفٍ القدر .. فالعشر الأخيره

[فيصّل ابن لوذان . @0_305f]

يا لابس البرقع ترفق ،، و بشويش
سببت في سوق المزايين طوشه

متميزن بالثقل ماتعرف الطيش
سوالفك ذربه و نفسك بشوشه

من طاح في حبك يبا يروق ويعيش
من حمل حبك ماتشيب رموشه

كبود خلق الله لشوفك معاطيش
كل الحلا والزين وجهك يحوشه

اطرب على شوف العيون المراييش
مثل المدخن لا طرّب عقب موشه

يابو كفوفن كل ابوها مناقيش
كفك نزيه ولا خلق من ينوشه

ان شافك الراكد تجيه التشاويش
وان شافك الوبّال ما رّد بوشه

وان شافك بخيلن قريّب مطاريش
يرخص لك الغالي ويرخص قروشه

ياشبه وضحن تيهوها الحناتيش
ماجات فسناب الشريطي وحوشه

من دونها زحول العيال المداغيش
ناسن تبيع الروح ويّا المعوشه

الاد مسعر روس قومن نغاميش
تتعب عقيد القوم وترهق جيوشه

- فيصل بن لوذان .

[فيصّل ابن لوذان . @0_305f]

وليفن سلب فكري وله فالحشا عنوان
وانا حالفن ماشوف غيره ولا اخونه

نزل في دماث الصدر ثم شيّد البنيان
وهاذي مداهيله و لا شدّت ضعونه

نحيل الخصر ردفه من العافيه مليان
عليه الجدايل شقر بالدبس مدهونه

وعينه كما عين اشقرن ناقله سلطان
تشوف القسى و اللين في لمعة عيونه

-فيصل بن لوذان

[فيصّل ابن لوذان . @0_305f]

نوى المرواح مصحوب السلامه
بعد ما ولّع القلب بغرامه

تركني و ارتحل يا طول ليلي
متى يرجع لنا ظبي العدامه

أنا لولا الحيا لا اصيح باسمه
و لكنّي أجنّبه الملامه

لقيت النوم من عقبه محرّم
و اشوف الناس من عقبه ظلامه

[بدر الردعي @1alrudai]

تابع ما قبله المشاركين في جبهة باقم نجران اليمن 1352
#بني_خالد #مطير #سبيع #باللسمر #الدرعية #منصور_الرقيبه #شهران #بيشة #قحطان #بالقرن

[فيصّل ابن لوذان . @0_305f]

محدن بسالم من صدوف المقابيل
الناس فعدود الصواديف خشره

ما كل يوم (ن) للنشاما تساهيل
ولا كل ليـله لـ الـرياجيل بـشره

حط الجمايل في بطون الرياجيل
ان كان مانفسك من الطيب حشره

لاكشرت دنياك شفت البهاذيل
دايـم ودورات الـمقادير قـشره

فيصل بن لوذان ✍🏻 .

[فيصّل ابن لوذان . @0_305f]

@vib151515 عرفج

[الواثق - الشمري @talal35543]

الحاصل ليس منافسة لزعل الديحاني ومنافسه
الحاصل تحدي بين الحق والباطل
تحدي بين العبث والحلال النضيف
اتركونا من المثليات والتعنصر
جميع اهل الحلال النظيف والمحاربين للعبث وقفو بصف #زعل_الديحاني
اليوم زعل لايمثل مطير فقط وانما يمثل جميع اهل الناقة النظيفة
#مهرجان_الملك_عبدالعزيز_للإبل10

[‏᷂رتويت ᷂الصمان#مطير @i305i1]

تحت حكم مطير ربعي متيّهت الطياح
الرفيق ندلهه ……. والخصيم نجفلّه

يا زعل عرّض هل الصفر فالحزم البراح
نوخ اللي وده يطيش ……. من كثر زعله

#مروعات_الصفر
#زعل_الديحاني
#مهرجان_الملك_عبدالعزيز_للإبل10
@binrefae

[فيصّل ابن لوذان . @0_305f]

ياماحلا شوف السماء لا اقبل النو
في ديرتن ما حولها برج و ارسال

وهل المطر من مزنتن غطت الجو
تاخذ ثمان اليال والغيث همال

و خوة نشاما ب المعزه تخاوو
مايعرفون الكذب والقيل والقال

فيصل بن لوذان ✍🏻

[فيصّل ابن لوذان . @0_305f]

يا لابس البرقع ترفق ،، و بشويش
سببت في سوق المزايين طوشه

متميزن بالثقل ماتعرف الطيش
سوالفك ذربه و نفسك بشوشه

من طاح في حبك يبا يروق ويعيش
من حمل حبك ماتشيب رموشه

كبود خلق الله لشوفك معاطيش
كل الحلا والزين وجهك يحوشه

——

ياشبه وضحن تيهوها الحناتيش
ماجات فسناب الشريطي وحوشه

[فيصّل ابن لوذان . @0_305f]

قصيدة ل ابوي الشاعر هندوس بن دغش بن لوذان . رحمه الله

سلام يا حكام نجد السلاطين
مثل الجبال الشامخات الرواسي

[فيصل @Ic8n_]

يعجبني الطيب لو انه من القوم
ومروتي تفرض علي احترامه

محروم من يحرم من العدل محروم
ويالله بحسن الخاتمه والسلامه

هندوس بن دغش بن لوذان رحمه الله

[فيصّل ابن لوذان . @0_305f]

@PromotionsKsa @abuyasser55 @2012alhilal @Vgnawaf @sfs408131_59 @fahad_aldous @fahadalkhalaf58 @mesfer_ghamdi @YASs1972x @TathleethCity @hdiib @Rahal0119 @n17_b يستاهل الخال ❤️ .

[الترقيات @PromotionsKsa]

نرفع أسمى آيات التهاني والتبريكات إلى سعادة العميد/ محمد بن فالح #العاصمي، بمناسبة صدور قرار ترقيته إلى رتبة لواء بالمديرية العامة للجوازات سائلين الله عز وجل أن تكون عوناً له على طاعته ودافعاً لمزيد من العطاء لخدمة الدين ثم المليك والوطن.
@PromotionsKsa
@abuyasser55
@2012alhilal

[فيصّل ابن لوذان . @0_305f]

اللهم في هذا اليوم بلغ من فقدنا منا السلام ، و بلغهم دعائنا ، واجعلهم في عبادك الآمنين إلى يوم يبعثون ، اللهم افتح لهم باباً من أبواب جنتك لا يغلق أبداً ، وارفع درجاتهم في الجنة إلى عليين مع النبيين والشهداء
#تركي_سعود_زريبان
#هندوس_بن_دغش_بن_لوذان