عايد الفريدي .

[هتان . @hattan_560]

شاركوني اكثر ابيات تحبونها لـ صالح النشيرا :

[عايد الفريدي . @0hrbi]

أسأل الله ان يكتب لها الفرحه وان يفرج عن ابنها

#ام_ثاني_تنخاكم

[سلطان بن بتلاء @sbinbtlaa]

شدايد الازمات : مشخال القلوب
على المجامل صار مافينا جلد

بنقول للكذّاب في وجهه : كذوب
وللحاقد اظهر حقدك ان كانك ولد

يادار وان خانك حكومات وشعوب
(والله مامثلك على الدنيا بلد)

🇸🇦🇸🇦

#نجاح_موسم_الحج_١٤٤٥

[NOURAH @just_poetry_]

يقول بن زويبن :

"المسعد اللي حلاله ساترٍ حاله
لو أن دنيا الشقاء ما ينشبع منها"

[عزام الشعـيفاني @azaam_f15]

قامت علي هموم بقعا تحامـا
ياطلعة الجوزا متى طلعة سهيل

ماني بـ غصنٍ بالهبوب يتوامـا
ركـنٍ تذرا في حجاه الرياجيل

لكن تبكينـي دموع اليـتامـا
وتشاف في وجهي وسوم الغرابيل

بالله يامجمـول كيف نتساما
والحب يجبرنا على سكة الميل

حنا نشاما وانت شوق النشاما
صاحيـن لكن بالمحبـه مهابيل

مخضار قلبي والنفل والخزامى
تدهـر بهجرك وتحيـا بالمواصيل

ياما تمثنيـت المتاعب وياما
حرمت نفسي من شراب الشهاليل

وان كان بعد الحب مافيه لامـا
غير السهر والشعر مابه محاصيل

[عايد الفريدي . @0hrbi]

الظاهر ان العرب لو بالذهب تنكسي
ان ماحكو فيك ، ولا الشكر مامن شكر

الزلّه اللي لها عامين ماتنسي
والفزعه اللي لها يومين ماتنذكر

- زبار الحربي

[سلطان بن بتلاء @sbinbtlaa]

قلناها :

سلّم على راعي العرفا كثير السلام
الراهي اللي يحب الوقفه الراهيه

يدري ان نول الظفر ماهو بكثر الكلام
ولاهو بكثر الجدل واعذاره الواهيه

حوّل على الشقح في شلفا حفيد الامام
وتصدّر القايمه في الندّر الناهيه

مرزوق ، (ومفرّح ٍ ربعه) عداه الملام :
جميلي ، (مجمل ٍ) له لابه .. الداهيه !

@alrahyat

مبروك لـ #الراهيات وجمهورها

[سلطان بن بتلاء @sbinbtlaa]

مادريت ان حتى للنباح اشكال
غير صوت النباح السايد المعروف

في لقاءات والا من ورى جوال
كلها نبح لكن نبح ضمن حروف

كان بإيحاء واسقاط .. المكر ينقال
لكن اللعب من تالي على المكشوف

هو شذوذ الولاءات ، أو لحفنة مال
عاد والله ماندري ننتظر ونشوف

عمر شمس الضحى ماتحُجب بغربال
وعمر وجه الحقيقه مايعرف الخوف

جعل قلب ٍ يشيل الحقد للسلّال
وعين ٍ تغط وقفتنا ماعاد تشوف

السعوديه العظمى وراها رجال
ماتخلي مزيّفة الكلام تطوف

ان ضحكتوا على السذّج من الجهّال
عندنا كذبكم متوقّع ومألوف

عن فلسطين من وقّف بمال وحال ؟
يحشد العالم بكبره يجون ضيوف

من لفت نظرة العالم على الاطفال ؟
والمجازر على العزّل وحرّ الجوف ؟

قدّمت دونها ارواح و فعول ابطال
وانت في اوتيل لاشايف ولامشيوف

شف سفارة عدوك عنك بضع اميال
والا خايف تقول ويُقطع المصروف ؟

الله لايتكل الامه لهالاشكال
منكر العرف والا ناكر المعروف !

#غزه

[جمال بندر @JamalBander]

كلٍ يشوف انه سليم الاعتقاد
وان الله الهادي و هو المتهدي
.
البخل في عين البخيلين.. " اقتصاد "
والضعف "حكمة" في عيون الاجودي
.
واسهل عمل للفاشلين.. الانتقاد
كلٍ يسب اهل الردى حتى الردي
.
حتى الجبان يصير طارق بن زياد
اليا جلس على البساط الاحمدي
.
قولوا له ان ما سلّ سيف مْن الغماد
ماهو بذابح له عدو.. حرف أبجدي!

[عايد الفريدي . @0hrbi]

شتّان بين الواقع اللي نعيشه
واحلامنا اللي مثلنا ما تجرا

الحلم من صدرك لحد الدريشه
والضيق من حد الدريشه وبرا ):

[عايد الفريدي . @0hrbi]

لو كل مانسمع نحطه على البال
كان الهروج العوج بذّت خفانا .

[عايد الفريدي . @0hrbi]

أجمل ماقيل في وصف مجالس اهل الكرم والطيب .
يقول عبدالرحمن بن جزا :

له مجلسٍ من ثقلت همومه نصاه
دكوا خطاطيره هدب … زوليّته

[عايد الفريدي . @0hrbi]

﴿ إنا الله وَمَلائِكتهُ يُصَلُّونَ عَلَى النَّبِيِّ
يَاأَيُّهَاالَّذِين آَمَنُواصَلُّواعَلَيْه وَسلِّمُوا تَسْلِيمًا ﴾ ﷺ

[عايد الفريدي . @0hrbi]

@bin_tflan95 علم الجهال لايحسب الدنيا عروس
كم صبيٍ يوم زانت بعينه خلّته .

[سلطان بن بتلاء @sbinbtlaa]

قال لي : لو جتك فرصه تفتّش بالقلوب
قلت له : لو جاتني صدق مافتّشتها
خلني مرتاح اصادق عدو ، واسمع كذوب
إترك العالم (تمثّل) .. وراك أبلشتها ؟
دامني لاجيت غالي مقدّر وامحسوب
قيمتي (خلف الكواليس) مانبّشتها
لو براقب كل هرجة قفا من كل صوب
عشت عيشتهم وانا عيشتي ماعشتها
طلقة ٍ ماصوبّتني بتقلعها الهبوب
طايشه .. وإليا تجاهلتها طيّشتها
التغاضي والتروّي يعيّشك امهيوب
والصغار تزيدها قدر لاناقشتها
الحسد والحقد والبغض والغيره تذوب
من قلوب ٍ ماتدانيك لاهمّشتها
والاوادم عن (هروج القفيّا) ماتتوب
لو تلحّفها رموشك .. عقب فرّشتها
آكلة لحم البشر ناس جوعانه ذنوب
آكلين اليا تضايقت وان طنّشتها
دام مافي يدينها لاشروق ولاغروب
خل نفسك في تغاضيك ضافٍ بشتها