أنا معك مثل الطفل أبو خمس ست اعوام
على ادناة حاجة تقدر تزين أخلاق
كرهت الظروف وسالفة للظروف أحكام
أقدر ظروفك و أنت ماتقدر أشواقي
أنا اخاف من طاري المفارق بشكلٍ عام
مثل ماتخاف الجن من رقية الراقي
أبي عمري وعمرك يجي من ثلاث ارقام
وحنا على حب و على هقوة الهاقي
ياسعود انا متبوع ماني ب تباع
من خلقتي ياسعود و الحمدلله
اللّٰه خلقني صعب ماني بمطواع
ومانيب من يرضى حياة المذله
علم خبيثين السجايا والاطبّاع
اللي بهم تسعه وتسعين علَه
انا كما ضلع تبّين على القاع
بيموت ولد اللاش ما جا محله .
حكم الغلا خلاك تطعني و أنا المستفيد
فديتك انت وكل طعنه من يدك فديتها
محبّتك تجري بدمي من وريد إليا وريد
بين الضلوع العوج بخشتّها وقلبي بيتها
لينت لك قلبٍ لغيرك ما يلينه الحديد
و لديت لك عين لغيرك ما بعد لديتها .
سلطان الهاجري
لكنّي يادكتور جعلك ماتهون
أبيك كلمة راس دامك مابديت
اسمع ولا ابغى اللي وزانك يسمعون
ربي كتب يكشفلك اسراري وجيـت
صورة عديل الرّوح عندك فالعيون
وأخاف تقطعها بموسك ماوعيت
ولاعليك أمر إطوها تحت الجفون
وعقبه لو تقطع عيوني ماشكيت .
محمد بن فطيس