-

"الشِعر شيخ الكلام .. وسلوة الطيّبين"

[- @0ille__]

لاشك الفراق يعالج الا فراق الموت
هو اللي ليا مر المخاليق .. شتتّها

[- @0ille__]

غالي وبغليه وآقف معه في صفّه
واطاوعه لو اضيم النفس وازعلها

[- @0ille__]

ليلةٍ ماتجيبك وأنت .. راعي محل؟
جعلهااااا ماتجيبك وأنت عابر سبيل

[- @0ille__]

أداريه وأكب الزعل وأمشي بـ ممشاه
على كيف وده ويييين ماقال .. يلقاني

[- @0ille__]

"أحبّك" استنزفوها واجد العاشقين
احتاج كلمة جديدة .. مااااا يقولونها !

[- @0ille__]

دعيتك والكفوف المستغيثة خاليات يدين
يا ربّي لا تعوّد خاليات .. الَّا من ذنوبي

[- @0ille__]

ياعلّ مايسمع "ونيني وآهي"
إلّا الولي رَبّ الجروح المفاتيق

[- @0ille__]

معك الدقايق .. تناسبني وتفرحني
ويجيني احساس لاتسأل وش يجيني

أحساسي اللي من الغالين نزحني !
ينصك باب الأمل وأقول يمديني :)

[- @0ille__]

فاضي وأبحاتي معك من تحاتيه !
حتى لو إني كنت ( مانيب فاضي )

الحب لونه يختلف في .. بلاويه
مثل السواد اليا أختلط بالبياضي

ودك تحب اللي لا زعل ترضيه
ولا تحب اللي على طول راضي

[- @0ille__]

ياللي عليك من الرضا والمشاريه
مايختلف في حكمها كل قاضي

مره زعول .. أدناة حاجة تبكيه
ومره تقول إنه على طول راضي

أرتاح من صوبي وقل ماتخفّيه
عمر الغلا ماهوب عمر أفتراضي

قلبي لغيرك شي ماهوب فـ ايديه
وأبعد عليه من "السما للأراضي"

[- @0ille__]

أبطى وهو قبلك يخمّه ويخطيه
وأقنعته إن ماكل لاعب .. رياضي

الناس من بعدك هلا وأنت لبيه
الحاضر أنت وماضي الناس ماضي

لاتنشغل في غ��رك .. الله يخليه
واليا أنشغلت أبنشغل معك ، راضي

[- @0ille__]

صدقني .. إن لك في غيب الأيام معروف
يرضي خاطرك عن دنيا الدوران و اللّف

بيجيك وبتنسى كل مامرّك من ظروف
وبتضحك وبتحط حزنك على الرّف

[- @0ille__]

بالصدر حلمٍ مايضيق المدى فيه
وشفوف عمرٍ مارضيت بعوّضها

وحب أغيدٍ من كثر ماني مداريه
جوارحي ماعلمت به بعضها :)

[- @0ille__]

و زعلتي و عاتبتي على البعد و الاهمال
ياجعلي فداك اليا زعلتي و عاتبتي

اماني المحبّ طوال ولا ماهي بـ طوال
عليها مضحي في سنيني و فـ رقبتي

ولا خفتي علي من المصايب .. أنا رجال
ما والله تعثى في نياقي و في نبتي :)

[- @0ille__]

يازين القصيد اللي على حضرتك ينقال
و يبعد لا بعدتي و يقرب لا قربتي

انا لاقيٍ في وجهك الحل و الترحال
و مسيرٍ ما ملت فيه نفسي و مركبتي

معك تقصر الساعات وتغني الامال
ومع كل ليله معك .. آعيد تجربتي

عتقتيني من الهم و الحزن و الغربال
و قيّدتي احساسي و فكري و موهبتي

[- @0ille__]

يازين القصيد اللي على حضرتك ينقال
و يبعد لا بعدتي و يقرب لا قربتي

انا لاقيٍ في وجهك الحل و الترحال
و مسيرٍ ما ملت فيه نفسي و مركبتي

معك تقصر الساعات وتغني الامال
ومع كل ليله معك .. آعيد تجربتي

عتقتيني من الهم و الحزن و الغربال
و قيّدت�� احساسي و فكري و موهبتي

[- @0ille__]

ياحبيبي برّد اللي ودّك تبرّد و سخّن ما تسخّن
أنا على حالنا هذا .. عجزت ألقى طريقة

أنت لا من ضقت تبكي ولّا أنا لا ضقت أدخن
نختلف ، لك فالبكا راحة ، و لي فالتتن ضيقة

الوكاد أن كان زخّات المطر جادن و زخّن
نادني و أجيك لو تولّع الدنيا حريقة :)

[- @0ille__]

مشكلة خاطر الشاعر الحساس
فوضوية .. حياته تبي ترتيب

من كثر مافقد في حياته ناس
وده يعاتب الشمس ليه تغيب؟

وأن سمع كلمةٍ تجرح الاحساس
توجعه كنها قرصة أم جنيب

ياصحيبي ليا انكفو الجلاس
خلك شوي جعل الجروح تطيب

لاتعجل وتسري وانا محتاس
وين ابلقى لامنك سريت صحيب؟

[- @0ille__]

والله ماني حزين ولاقصيدي حزين
لو اني اشعر بشي فيه ماتشعرون

اقروا مابين السطور وناظروا كل عين
الصدق بالشعر ولا في كلام العيون؟

التاليه علمتني كل علم يقين
والاوله للظنون اللي وراها ظنون

الشوق للراحلين اللي ماهم راجعين
اقسى من الشوق للي يمكن يعودّون

[- @0ille__]

قلت أنا ماعاد لي فالهوى طاقه
شا��بٍ صدري من الحب مفتوقي

وبدوي فالخلا .. وأتبع الناقه !
كل ماذكر الحيا سقتها سوقي

خايف أجدد عنا القلب وأشواقه
وأصبح من الحب والهم محروقي

أن حصل لي من شفا ريقك ذواقه
والله أنه يكفي ، وشفي ، وذوقي :)

[- @0ille__]

زينها يتعب هل الوصف و أذواقه
ضافيه الارداف والعنق منتوقي

فتنة تمشي على الأرض منساقه
أحرقت كرت المزايين فالسوقي

من جبينه شفت أنا نوض براقه
سيلت منها الشرايين في عروقي

كنها تقول أصنع لحبنا .. باقه
وغن فيني كل ماوحيت طاروقي

[- @0ille__]

زينها يتعب هل الوصف و أذواقه
ضافيه الارداف والعنق منتوقي

فتنة تمشي على الأرض منساقه
أحرقت كرت المزايين فالسوقي

من جبينه شفت أنا نوض براقه
سيلت منها الشرايين في عروقي

كنها تقول أصنع لحبنا .. باقه
وغن فيني كل ماوحيت طاروقي