والله ان فرقاه ماهي علي برد وسلام
والله اني ما علم كيف أنا عديتها
ليته مسافر قريب ويرجع لي شمام .
كانت الدنيا جميله ولا ذميتها
غير وادعني وداع النهايه والختام
وعند قبره تربته في يدي ضميتها
اهتز غصن الحنين وطاحت اوراق ابيك
من ريح فرقاك مير اللّٰه ستر ما انكسر
واسقيتها الذكريات واردفت هذي بذيك
واستورق بلا تغيب ولا يطول الهجر
تلاحق الي تبقى من الغلا بين ايديك
وش يجمعه لو تطول غيبتك وانتثر
اللهم في يوم عرفة
ارحم أبي عدد ما نوى الحجاج وأتوا، وعدد من طاف وسعى، وعدد من كبر في بيتك وصلى، اللهم اغفر له بعدد من ذكرك وشكرك، واغفر له بعدد من صلى وكبّر، وعدد ما صلّى لك المسلمون وذكرك
•الذاكرون،
وارحم أبي رحمةً تبلغه أعلى جنات
النعيم
صاير غريب وجيتك ما تطول
الظاهر ان قلبك تبدل غرامه
اما تجي كلك على الطبع الأول
ولا فمان لله درب السلامه
لك قلب كان يحبني بس تحول
منهو قدر ياخذ من ايدي هيامه؟
ياكبر قدرك في عيوني من اول
لك منزل عالي بقلبي مقامه
والحين من عاليه عود وحوّل
ارخصت لك كل شي .. الا الكرامه
انشهد ان فقدك مروعني وفجيعه
والدنيا من بعدك وهي ما تسر الحال
يا ليت الزمن يرجعك واللٰه ان اطيعه
واعيد ايام معك والفقد قد طال
وليتني اقوى على حزن قلبي وابيعه
واتملك ذكرى معك اشوفها تنقال
وطاري الفرقا معك دايم حنا نبيعه
لين وافتك المنيه وعليك الدموع تنهال
بعد سواياك هذي مالي إلا الرحيل
والله لو انها تمشي .. .كان مشيتها
قلبي هو اللي بكى والدمع عيا يسيل
لو في عيوني دموعٍ تهل ... هليتها
جيت وكملت جروحك بجرح ثقيل
وانا الجروح القديمه .. ما تخطيتها
طحت من عيوني الثنتين في ظرف ليل
والله يا طيحتك هاذي ... ما تمنيتها
انت لو انك تبي تسج عني او تتوب
ما عاد فالثنتين حيله , ما يمدي تهتدي
لا استمالت يم قلبك ذعاذيع الهبوب
بتذكر حسن وجهي على ورد ندي
ثم عاد اللّٰه يعينك على قطع الدروب
لا اشتحن صدرك من الشوق .. يا وين تغدي؟