Dopamine

[Dopamine @0ttb2]

عفى الله عن كلامٍ في حنايا الصدر ماينقال
تركته لـ الزمن لو هو ثقيل و جمرته حيّه

وعفى الله عن همومٍ ما تخلي مستريح البال
يعيش أيام عمره في صفا ذهن وصفا نيّه

وعفى الله هواجيسٍ توقف بي على الإطلال
تعيد الذكريات اللي مع الأيام منسيه

وعفى الله عن عيونٍ كل ماشافت سَراب الال
يعلقّها الأمل عقب الظمأ بِحبْال وهميه

وعَفى الله عن غيابٍ كل ما ليله بعيني طال
عرفت إن الليال ال��ود ما فيها محنيّه

وعَفى الله عن وليفٍ فارقٍ زوله عن الأزوال
أحن لجيته ويضيق صدري لاحتجب ضيّه

وعَفى الله عن حروفٍ نبضها بأحلى الشعر يختال
تسافر بي من الواقع للأجواء الخياليه

وعَفى الله عن شموخٍ في عيوني يذبح العذّال
خذاني لـ السماء مابين الأفلاك السماويه

[Dopamine @0ttb2]

بين طيّات الوجيه الضاحكه والمسفهلّه
ما عرفت أكتم هواي ولا عرفت أخفي مرادي

مرحبا، ما مالت غصون الشجر وأشتاق ظلّه
للحميميه تحته وللقصيد وللتهادي

بـ القبال اللي تعجز الناس عن خالي محلّه
والحضور اللي بعده حضور خلق الله عادي

تشتهيك الأرض وغيوم السماء والكون كلّه
وا��ذهول في وجهٍ أبطى يشتهي طلّتك هادي

في مراتع معشر الشعّار ما دوّرت حلّه
قبْل أهيم في لِبّتك وأضيع ما دوّرت وادي

ما على وجه البسيط�� بنتٍ تضاهيك لِلّه
قولي لـ من يبغى مثيلك لا حياة لمن تنادي

جيتي أشهى من كلامٍ ساقه الطاري لـ حلّه
وأشهى من لبيّه لامن جاوبت صوت المنادي

تعرف عيونك رهيف الحب فـ الصدر و تدله
لين بعدك صرت أشوف الغيد باللون الرمادي

أقبلي والريح تجمع شعرك شوي وتفلّه
كم عطى ربي يدين الريح من حظ الأيادي

منتظر مثل الكريم اللي ما ردّه يوم قِلّه
لا معي قلبٍ يبور، ولا معي صبر المهادي

لا انسدل فستانك اللي يعقد الحبل ويحلّه
فوق لينٍ يشتهيه العطر مانيب متحادي !

[Dopamine @0ttb2]

ضاقت علي البسيطه عقب ضاق الخناق
احس ما عاد باقي لي ربع .. واصدقا

مثل السماء : يا عيونٍ دمعها ما يراق
من طاح منها لو يدور الزمن ما رقا

الحب ماهوب عيب ان صار فيه اتفاق
العيب لا صار حبي .. خالي من النقا

نجدية الساس .. من بيني وبينك وفاق
لو فيني عيوب واجد في ضميري تقا

ابغى دقايق عشان أستوعب انك دقاق
بعض التفاصيل تخلف هقوة اللي هقا

معنقٍ مايليق بجيده .. الا العناق
لو كان لـ اغلى الجواهر نقطة الملتقى

يوم اني احب غيرك كنت اخاف ، الفراق
ومعك ما اخاف الفراق وبس اخاف اللقا

عاتبت واجد وشفت ان العتب مايطاق
ماعاد في لساني الا .. مرحبا والبقا

ماودي أشتاق زود أنا اعرف الاشتياق
الشوق ، لا زاد عن حده يعود .. شقا

[Dopamine @0ttb2]

إسمك مخلّدة بالذاكرة تخليد
و صورتك بالعيون و بالصدر قصرك

الخسارة على اللي يحسبك للصيد
و دايم الفوز حظك و النصر نصرك

ما تزالين ريمية و شيخة غيد
معجزة كل عصر و سيدة عصرك

هذي أبيات ذاخرها ليوم العيد
اسمعيها و لفيها على خصرك

[Dopamine @0ttb2]

جعل من ��ود حلاك يزود خيرك
ياربيع الخاطر المجدب وشفه

أزعلك وأزعل وأعود واستجيرك
أدري إنك أكثر قلوب الناس عفّه

ارض قلبك قبل لاترضي ضميرك
الضمير إن ضاق قلبك : ما ترفّه

والله إنّك مـ أنت مثلك مثل غيرك
أنت في كفّه وخلق الله فـ كفّه

[Dopamine @0ttb2]

طلّي الليلة .. مثل طلتك ذاك الزمان
يوم كان الوصل متبوع والعاشق تبع

يوم كنا ( يد في يد ) طيش وعنفوان
ما علينا خوف من سلم ولاّ من طبع

جددي ذكرى المحبين في نفس المكان
وغيري وقت اللقا من ثمان .. الى سبع

وش يصبرني على الشوق للساعة ثمان ؟
انا اخاف أموت .. لا جت ثمان الاّ ربع !

[Dopamine @0ttb2]

يا حبيبي سج من كل شي إلا . . الغرام
لو يموت الحب مصيرنا بئس المصير

نام واسترسل فالاحلام واسهب فالمنام
والسهر خله على اللي يحبك من ضمير

وامسح دموعك دموعك تضيم ولا تضام
ودي ابكي عنك لكن دموع الرجل غير !

ولا تضيقك المقادير . . يا ظبي العدام
عنّز الضيقه على صدري وخلك بخير

مبسمك ماهو بـ يستاهل الا الابتسام
ابتسم وانا بصير لك اللي . . ما يصير

اللي قد الحب دايم يجي قد . . المقام
الجبان يموت ما حب من قلب وضمير !

[Dopamine @0ttb2]

فرعونة الحسن من فدوة محياها
حياة روحٍ على روحين مقسومه

تربت بحضن شايبها وخلاها
من عمرها يوم .. دلوعه ومحشومه

محدٍ يتجرا يحاسبها على خطاها
دايم تجي ظالمه وتروح مظلومه

[Dopamine @0ttb2]

يا رفيقي لاعاد تقول لي كيف حالي
ليه تنشدني ليا صرت شايف نحوله

أنا ياخوك من عامين ماعاد ابالي
صاير أعيش لي في جو منتم بحوله

اتكلم بمافي صدري بصوت عالي
ولا علي من كلام الناس عرضه وطوله

البشر كلٍ بتجميع الاموال سالي
وانا اقول العطاء لله ونطلب قبوله

قد ركبت المواتر فالسنين الخوالي
وبعتها بيعه معشّي ضيوفه ذلوله

السيوله ماهيب مكونه راس مالي
راسي اللي يكون راس مال السيوله

ليتني ما عرفت الناس وارتاح بالي
عزله المبدع أصلا مجد محدٍ يطوله

لازم ابعد عن العالم واعيش بخيالي
لنّي اول بطل ماذاق طعم البطوله

كل ليله وانا فاقد لي حصان غالي
وكل ليله وانا فاقد لي انثى خجوله

ادري ان الليالي ماشيه والليالي
ماشيه بس والله ما مشت بالسهوله

والل�� يعذربون اسمي ليا جا مجالي
قل نبيها على المكشوف صوله وجوله

ان لعبتوا نسائي فيه لعبٍ رجالي
يا رياجيل نبغا نعطي اللعب اصوله

من عرفني يعرف ان لي كرامه لحالي
باطني خير لو أنّ ظاهري ما يقوله

مستعد العب بروحي ونفسي ومالي
ومستعد العب بكل شي غير ( الرج��له )

[Dopamine @0ttb2]

مستحيل انساك يا حلم جابته السنين
انت من حبك نسى الناس لكن ما نساك

بين دورات الليالي ومفعول الحنين
كل ليله في رجاها لـ اجل موعد لقاك

ابتسم واقول لبيه يا الوجه الحزين
مدري ربي وش خذا منك يوم انه عطاك

اطلبي كل ما تبينه معك فـ اللي تبين
لو تبين العمر قلت العمر كله فداك

عاتبيني لا زعلتي ما ودي تسكتين !
ودي يطول المعاتب ولا يطول جفاك

تضحك الدنيا بوجهي لا شفتك تضحكين
كني املك مال قارون يوم املك رضاك

انتي لي مصدر سعاده ونعمه و اكسجين
جعلني ما افقد وجودك ولا اعتاض بـ غلاك

[Dopamine @0ttb2]

ابتسم لي انا محتاجك وضايق
وابتسامة وجهك الطاهر مبرّه

كل مامريت من بين الخلايق
مرتك ماهي بحي الله .. مرّه

سولفت عنك الثواني للدقايق
وسولفت عنك الكواكب للمجرّه

والقمر ��ن حقه ان جيت يتضايق
لانك احلى منه بمليون .. مرّه !

[Dopamine @0ttb2]

تلاقينا تحت ظل القصيده و الكلام انفاس
على نهرٍ مصبّه فـ السما ياليلنا الموعود

و تجاذبنا من اطراف الحديث الدر و الالماس
كلام يذوّب الوان العصافير ويشب النود

عليك اللوم ياطيش المرايا والقلوب احساس
ياليتك .. ماتحاليت المواليف و قلبت المود

بعد ما لوّح المنطق ميانه .. جا الكلام نعاس
و سكت صوت الوتر وابتلت الريشه و ضاق العود

بلعت الصمت حيره وامطرتني غيمة الهوجاس
وهي راحت ورى جدر المنام .. تبرر المقصود

وانا ماودي اترك للحذر جره واجي العساس
ابي الليل اجودي .. ساعة يسامر بنت عم الجود

ياليل العاشقين إثمل سوالفنا وصب الكاس
وغني لين يبتل الثمر و الريشتين السود

نبي ننسى مشاريه الغصون اللي حطبها الفاس
واذا ممكن نبي نلغي الزمن كله .. بدون حدود

تعبنا نكسر جناح الكلام .. و نقفل الاقواس
ونتكدس شعور .. و نحترق بالنار و البارود

الين اضحت ملامحنا يلوّنها الخريف .. يباس
ونور " صدورنا " يطلع مع الروح .. و ماعاد يعود

نبي العفوية اللي تنثر الشاعر على القرطاس
ويزرع له حبيبه من خيال .. و يقطف العنقود

الا يـ المترفه .. مرّي الغصون اليابسه نسناس
ويخضر الورق من عطرك الموت و يقوم العود

واذا طار الصباح ومرّ شباكك ومات الياس
عطيه الضحكة اللي ولّعتني فـ الثلاث ورود

واذا مرّ العطش يسرق بقايا حمرك اليبّاس
فداك البارق اللي في عيوني .. وان ضماك ازود

واذا طال الهجير ظلالك المسترسله .. لا باس
خذي حرفيني الاولى وخلي نصفي الم��قود

انا وانتي الجميع ولا علينا من جميع الناس
انا وانتي " الحدود " ومالنا غير العناق حدود

مشينا نجمع الحلم المسرب داخل الكراس
ونرسم غيمتين و دمعتين و جمرتين و عود

نبي نمشي الطريق لآخره يا الجادل الميّاس
واذا طال الصبر غيم الثمام يصبّر الموعود

[Dopamine @0ttb2]

لا تحرميني التفاصيل والشعر ازهليه
اشغلي بالي وانا بشغل ألسنة الرواه

من هو اللي شبهك بالظبي حسبي عليه ؟
والله لا عينك بعينه ولا شفاهك شفاه

فضلك ربي بوجهٍ ماهو مثل الوجيه
وجهك اجمل وجه شفته على وجه الحياه

إلتوى طوق الذهب في نحرك وقلت فيه
واهني طوق الذهب لا إلتوى بطوق النجاه

اضحكي لي ضحكةٍ كنها العذر الوجيه
وقبل لا اعطيك القصيدة أبعطيك الوصاه

دوري شيٍ يغطي قوامك والبسيه
القوام اللي كذا ما تغطيه العباه

[Dopamine @0ttb2]

دثريني يا سحابه لين اعانق بك سماي
في ضلوعي قلب اعيته المقادير و ضما

دثريني بالدعاء و اخذي ليا ضعت بخطاي
ساجد لله و ا��س اني على كف السما

والكواكب من حواليني تلف و من وراي
وظهري ب ستر الله الكافي عن الناس احتمى

داخلي زحمة منى و شعور يخالط رجاي
ويوم صاح الغيم شي بوسط خفاقي هما

[Dopamine @0ttb2]

دورو لي سمرهً قايمة فيها بلوت
عند شيبانن بختين من جاهم بخيت

هرجهم في بعض ماهم في اسرار البيوت
و همهم هربت شريا ولا جاني سبيت

ضايقً صدري و مهموم هم من السكوت
لو يجيني واحد يقول و شلونك بكيت

لي سنة ماطعت مويه ولا استطعت قوت
أتنفس حزن وون ونت .. مستميت

و اطلب الله رحمةً منه ودعيه بقنوت
عندي ان الناس سالين وانا ما سليت

ياهني من عاش بين الصياهد و الخبوت
قانين ذودن بداوه وراكب له .. وانيت

زاهدٍ فـ المدن لهل المناصب و البشوت
مارجا اللي منصبه نصبه و بشته بشيت

ولا انا متوسطً بحر فيه الفين .. حوت
ان قطعته عشت و ان ردني شي انتهيت

طايشً في طموحاتً اعلا .. من البخوت
و صارفتني غصب عن من عشقت ومن هويت

ياحبيبي ولله انك حبيبي لين اموت
مستحيل احب غيرك بغيت او ما بغيت !

لكن الاقدار و الخوف من هرج القتوت
كلها كانت تقول امش يوم اني مشيت

كنت معك اذوق طعم المراره طعم توت
و رحت منك و شفت خافي زماني واختفيت

احسب أن الوعي فرصة ثمينة ما تفوت
و أكتشفت ان الوعي كارثة ساعة ما وعيت

ياحلو جوي قبل لا يجي للعقل صوت
ليتني ولله للحين راقد ما … صحيت

ماعرفت اللي يبدل ضميره بالريموت
ويطرد الاموال يومه و ليله ما يبيت

و يتبع اللي يركبون اللكازس واليخوت
و يحسد اهل الصيت و يموت حي دون صيت

جعلني ما اصنع ثباتي بثبتني و اشوت
وجلعني لا اخذت لي حاجة اخذت و عطيت

وجلعني ما اضيع و اضيع بداع البيوت
وجعل رب البيت يرفع بيوت�� بيت بيت

[Dopamine @0ttb2]

الله على العيد يوم العيد عيدين
فلة حجاج وغزل فـ عيون فلوه

عهدي بها قبل عام او قبل عامين
ومن يومها مبتلي بالصد بلوه

ماعاد غنّيت فـ ألوان الفساتين
وماعاد لي في غرام الغيد سلوه

آثاري اللون ماله شغل فالزين
اللون ماكان حلو البنت حلوه !

[Dopamine @0ttb2]

على المفرق اللي يفرق اللول والمرجان
أضحي بعمري .. وأتشرف بتضحيتي

أناقتك فكرة شاعر .. وذائقة فنان
وطلّتك ما تشبه لـ احد يوم طليتي

وفستانك يحدد .. لقب سيّد الألوان
من يقول الأسود سيد ؟ السيّد الزيتي !

خذيني بيدك الناعمه من يد الحرمان
وسمي علي و دثريني .. لا سميتي

ولا تشغليني بالمشاريه أنا تعبان
اشوف الزوايا دايريه فـ زاويتي

يخافون نوبات الهلع تذبح الانسان
وانا اخاف لا تثر علي و على صيتي

[Dopamine @0ttb2]

يضيق البال من جرح الليالي والعبر تنهال
على إلّي ساق عمره قبل لا تنساه ذاكرتك

تمرّ البال وتغيب النجوم ولا هدا لي بال
وتمرّ الناس وتدور السنين ولا أحترق كرتك

شعور انك مضلل في طريقٍ كلبوه إهمال
شعوري يوم اشوفك تحسب العذال ناصرتك

لك عيون القصيد تصب من ماها النقي زلال
مثل مالك من الحبِّ المبجل ما تكاثرررتك

حبيبي لو تمد يدين وصلك لـ الغرام ظلال
انا اشوف الحياه تزين . . . لامني تذكرتك

تقهويتك غلاً لا زال له في داخلي منزال
انا ميت ضمّا وانت السحاب الي تخيرتك

اغنّي كل ليله عن غرامك وانشد الاطلال
تساورك الضنون وليتني من ضمن أساورتك

لا تقفي بك ركابك وانت من بد العموم لحال
لو انك دربٍ فجوجه تهيب وعوج سافرتك

تعال وعلّق الشرهه على الماضي ولا تحتال
أنا اكثر شخص يعرف قيمتك من يوم عاشرتك

تقول إنّ الهوى لا هب يفضح عودك الميال
وانا اقول الهبوب تلاعبك وتغازل شجرتك

أداري خاطرك وادرى عليك إن عالو العيّال
توارى في حماي ان دارت الدنيا وحاصرتك

خلقنا اللّٰه حبايب ماخلقنا اللّٰه علينا اقفال
عيون الحبّ ويدين الوصل ��لحين ذاكرتك

[Dopamine @0ttb2]

طرّف الليل والأشواق حراقه
والمواعيد ملّت من تحريها

كل ماوايقت عيني مع الطاقه
تلمح وجيه تبغاني ولا أبيها

مالها لا جمل عندي ولا ناقه
كل عينٍ تلد لعين غاليها

ماثنى عرق صدري فوق خفاقه
غير مهرة عقيدٍ عند راعيها

بنت قومٍ على الوقفات سباقه
تعرف فعولها قدام أساميها

الطواري تمر ابها على فاقه
حي طاري الغرام وحي طاريها

بعد غيبة شهر للوصل مشتاقه
كابرت لين جاب الشوق تاليها

أقبلت للقاء والعشق توّاقه
كل غصن إيتثنى من تثنيها

خلّت أطول ظفايرها على الساقه
كنّها الصبح والليل امتقفّيها

غيمةٍ من حقوق الوسم منساقه
دكّها البرق وأش��بت مثانيها

أستباحت حشاي وقدّت ارواقه
وأمطرت في ضلوعي عز واليها

قالت : البعد هزّ الغصن واوراقه
قلت : حبلٍ خذا الدلو بعراويها

أعطي الطير حريته ومسباقه
ودّه يصيدها والاّ يخاويها

لكن ( الو��ده الحمراء ) من الباقه
أخذي العمر يفداك وعطينيها !

[Dopamine @0ttb2]

والله انّ أجيك لو كان الطّريق مشوّك
لا تساوم قلبيِ اللي ..حبّك وتختبره

شمسنا ماقامت إلّا من سناوة ضوّك
فتحي ياوردةٍ ما جات .. فيها ظبره

واتركيني بين همسة صوتك وبين ألوِك !
ودثريني في مساحات الكلام .. وشبره

وعلّميني من يميّل غصنك المتلوّك
الهوى ميّله ولّا من .. " معالم كِبره "

ابتدي من مفرق الغرة من اوّل علوِك
أنتِ كيميائية حروفك ( مُخدّر وإبره )

وانزلي مثل .. السلام اللي يعمّ ف جوّك
فآخره حسن الختام وحسن طيب وعِبره

معْك انا وصّلت لعْلى مرحلة فِ غلوّك
ياحبيبي شاعرِك لا تختبرهِ .. بـ صبره !

لو تقولي كيف حالك قلت لك ياحلوك
البلا ماهي فِ كيفك ؟ .. « البلا فالنّبرة »

[Dopamine @0ttb2]

أنا الطريق الممتلي بالمحطات
لا تخدعك رحابتي وامتدادي

مافي دروب التايه الا المتاهات
وصوله بوادي ومشيه بوادي

غيري كثير إخترتني ليه بالذات ؟
ليه اختيارك كان غير اعتيادي

وش لون تملى بالفراغ الفراغات
ماخفت من هذا الشغف والتمادي

بتشوفني قدام كل المرايات
وابسمعك حتى ولو ما تنادي

تجمع مكاتيبي سواليف و أبيات
كنك طفل فالعيد يجمع عيادي

أعرف من الألوان لون البدايات
أخضر ويذبل ويتحوّل رمادي

وأجهل من التوديع كل العبارات
إلا فمان اللّٰه وطيب و عادي