Mohamed Arafa

Husband | Father | Test Automation Engineer 💻

[Mohamed Ameen | محمد أمين @mohamedameen_io]

الدولار رايح على فين؟ توقعات سعر صرف الدولار مقابل الجنيه في ٢٠٢٧
ــــــــــــــ
الدولار وصل النهاردة ٥٥ جنيه و٨٥ قرش، ورجعنا نسمع مرة تانية عن تراجع محتمل في قيمة الجنيه وأزمة جديدة في سعر الصرف. السؤال هنا هو: هل إحنا على أعتاب أزمة جديدة تصل بالدولار لـ٦٠ أو ٧٠ جنيه؟ ولا الموضوع كله ضغط مؤقت والسعر هيرجع تاني زي ما حصل في يونيو ويوليو اللي فات؟

في المقال ده هاشرح الـframework أو الإطار اللي باتعامل من خلاله مع سعر الصرف. وهاعرض توقعاتي لحركة السعر بناءً على السيناريوهات المتوقعة لتطور الوضع الإقليمي.
ــــــــــــــ
قبل ما نبدأ محتاجين الأول نرجع خطوة لورا. في يونيو ٢٠٢٥ كتبت مقال عن إطار التنبؤ بسعر الصرف اللي باعتمد عليه، وقلت وقتها إن توقعي هو إن الدولار يتحرك لحوالي ٥٤,٨٠ جنيه خلال ٦ لـ٩ شهور، وإن احتمالية حدوث انخفاض جديد للعملة ٧٤٪ تقريبًا. اللي حصل بعد كدة إن الحرب على إيران مهَّدت لتحقق السيناريو ده بالفعل. في مارس ٢٠٢٦، مع إغلاق مضيق هرمز، بدأت الأموال الساخنة في الخروج من مصر تدريجيًا، والجنيه خسر حوالي ١٥٪ من قيمته في أسابيع قليلة والدولار وصل لـ٥٤,٨٠ في نهاية مارس. البنك المركزي في الفترة دي اتصرف بشكل مثالي وسمح بسعر الصرف يتحرك بشكل مرن تمامًا، وده زود ثقة المستثمرين في تحركات البنك. ثم بعد التهدئة اللي حصلت في يونيو، بدأت استثمارات الأجانب ترجع لأدوات الدين المصرية بالتدريج، والدولار رجع مرة تانية لأقل من ٥٠ جنيه في أول يوليو. ومن يوليو لحد النهاردة السعر استقر نسبيًا حوالين ٥٠ جنيه من يوليو لحد بداية سبتمبر تحديدًا، ثم بدأنا نشوف صعود مستمر خلال الشهرين اللي فاتوا لحد ما وصل السعر لـ٥٥ جنيه و٨٥ قرش.

طيب ايه اللي حصل في سبتمبر خلى الأزمة ترجع تاني؟
أحد أهم أسباب ارتفاع الدولار مقابل الجنيه في الأيام اللي فاتت هو الارتفاع الملحوظ في العقود المستقبلية للنفط خلال الشهر أو شهر ونص اللي فاتوا (من بداية سبتمبر). اللي لفت نظري تحديدًا هو الارتفاع الكبير لعقود الفترة من يونيو لديسمبر ٢٠٢٧. العقود في الفترة دي كانت بتتحرك حوالين ٧٠ دولار للبرميل في سبتمبر. النهاردة وصلت لـ٨٥-٩٠ دولار للبرميل ومستمرة في الصعود بشكل يومي. ده معناه إن أسواق الطاقة بدأت تسعَّر النفط بناءً على توقع استمرار الحرب واضطراب المضائق على المدى الطويل، مش انتهاء الحرب بعد الانتخابات الأمريكية كما يُردد البعض. وده بطبيعة الحال هيؤثر بشكل ملحوظ على معدل التضخم في الاقتصاديات المتقدمة خلال الشهور الجاية وعلى رأسها الولايات المتحدة، وهيدخلنا مرة تانية في دوامة ارتفاع التضخم ورفع الفائدة اللي أثَّرت على العالم كله في ٢٠٢٢-٢٠٢٤، خصوصًا مع تطور التصعيد بين روسيا وأوكرانيا.

السبب التاني هو قرب موعد الانتخابات في إسرائيل يوم ٢٧ أكتوبر، وانتخابات البرلمان في الولايات المتحدة يوم ٣ نوڤمبر. الإجماع الحالي بين المحللين والمعلقين السياسيين هو احتمال عودة الحرب مرة أخرى بعد الانتخابات، وده بطبيعة الحال بيؤثر بشكل سلبي على أدوات الدين في الأسواق الناشئة، ومن ضمنها مصر.
ــــــــــــــ
طيب ايه اللي بيحرك سعر الصرف أصلًا؟
بغض النظر عن أي تعقيدات سياسية وإقليمية، سعر صرف الجنيه المصري بيتأثر في الظروف الطبيعية بعدة عوامل ممكن نقسمها لمجموعتين:
– المجموعة الأولى هي الأساسيات اللي بتحدد القيمة العادلة لسعر الصرف على المدى الطويل. المجموعة دي بتتضمن فرق معدلات التضخم والفائدة والنمو الاقتصادي بين مصر وأهم شركائها التجاريين، وشكل ميزان المدفوعات، والوضع المالي للحكومة. لو خدنا بس فرق التضخم كمثال، هنلاقي معدل التضخم في مصر النهاردة ١٣,٩٪ مقابل حوالي ٣٪ في أمريكا. حتى لو مفيش حرب ومفيش أي أزمة، الفرق ده لوحده بيضغط على الجنيه كل سنة، لإن أسعار السلع في مصر بترتفع أسرع من أسعارها في أمريكا، والجنيه لازم ينزل على المدى الطويل عشان يعوَّض الفرق. دي اسمها نظرية تعادل القوة الشرائية أو Purchasing Power Parity، وهي أحد الأسباب الهيكلية وراء انخفاض الجنيه على مدار الـ٢٠ سنة اللي فاتوا، بغض النظر عن أي أزمة بعينها.

– المجموعة التانية هي مؤشرات الضغط الاقتصادي اللي بتقولنا إذا كان فيه أزمة قريبة ولا لأ. المؤشرات دي أهمها حجم الاحتياطي الأجنبي، معدل خدمة الدين، الديون قصيرة الأجل، حجم استثمارات المحفظة أو الأموال الساخنة، شهية المخاطرة عالميًا، وتكلفة التأمين على الدين المصري. المؤشرات دي هي نظام الإنذار المبكر اللي بنراقبه.

عشان نقدر نتوقع حركة سعر الصرف، بنحط الأول السيناريوهات المختلفة اللي ممكن يتحرك خلالها الاقتصاد العالمي والوضع السياسي الدولي والإقليمي خلال الشهور الجاية، بعد كدة بنبني نموذج محاكاة إحصائي بياخد كل سيناريو من دول ويبدأ يحسب مئات الآلاف أو ملايين المسارات المختلفة للعوامل اللي اتكلمنا عنها، بالإضافة للمسارات المتوقعة لسعر النفط والسعر العالمي للدولار وعائد السندات الأمريكية وإيرادات الموازنة المصرية والأموال الساخنة وخلافه. وفي كل مسار من دول، النموذج بيحسب فجوة ميزان المدفوعات بالدولار، وبيترجم الفجوة لحركة متوقعة في سعر الصرف. هذا الأسلوب وهذا النموذج هو اللي خلاني أقدر أتوقع حركة سعر الصرف بدقة من ٢٠٢٢، من أيام ما كان الدولار لسة أقل من ٢٠ جنيه، ولحد النهاردة.
ــــــــــــــ
قبل ما نتكلم عن الأرقام، ايه هو المتغير الأهم اللي متوقع يأثر في سعر الصرف خلال الفترة الجاية؟
المتغير الأهم هو مسار الحرب على إيران، اللي من أول يوم أثَّرت بالفعل على كل دول الخليج، واللي بدأت تتوسع أكتر مؤخرًا لتضم السعودية بشكل مباشر واحتمال حتى تنخرط فيها مصر. كل قنوات العملة الأجنبية في مصر بتتأثر بالحرب. أولًا مصر مستورد للطاقة إذا كان النفط أو الغاز الطبيعي، واستمرار الحرب على المدى الطويل بيرفع تكلفة تمويل احتياجات مصر من الطاقة، وده بيؤثر سلبًا على ميزان المدفوعات، وبالتالي يضغط على قيمة الجنيه. ثانيًا تحويلات العاملين في الخارج هي كمان بتتأثر بالحرب لأن عدم الاستقرار في الخليج بيؤثر بشكل مباشر على كل المصريين العاملين هنا وعلى تحويلاتهم لمصر، والمصريين في الخليج بيمثلوا حوالي ٦٠-٧٠٪ من إجمالي المصريين في الخارج بالتالي بيتحكموا في ٦٠-٧٠٪ من إجمالي التحويلات. ثالثًا قناة السويس والسياحة، إجمالي حجم التجارة اللي بيمر عبر قناة السويس انخفض حوالي ٥٠٪ بالفعل من بداية الحرب على غزة ولم يتعافَ لحد النهاردة، وإغلاق مضيق باب المندب بيهدد الـ٥٠٪ الباقيين. وأخيرًا الأموال الساخنة. الأموال الساخنة هي بطبيعتها استثمارات سريعة الحركة.

وحاليًا ترامب قدامه طريق من اتنين للخروج من المأزق الحالي. الطريق الأول هو اتفاق شامل مع إيران، وده هيكون ثمنه انسحاب أمريكي كامل من المنطقة وهيكون بمثابة اعتراف بالهزيمة أمام إيران، ومفيش رئيس أمريكي يقدر يدفع الثمن ده. الطريق التاني هو المزيد من التصعيد ضد إيران بعد انتخابات الكونجرس في ٣ نوڤمبر في محاولة لخلق أزمة في الداخل الإيراني تُضعف موقف طهران في المفاوضات. هذا التصعيد هيكون ليه أشكال مختلفة، لكن كلها للأسف مش في صالحنا، وكلها هيكون لها تأثير سلبي على سعر الصرف.
ــــــــــــــ
في ظل الأزمة الحالية، ايه هي توقعات سعر الصرف؟
سعر صرف الدولار مقابل الجنيه خلال الـ٦ شهور الجايين هيتحرك في سيناريو من ٣:
– السيناريو الأول: التهدئة بين الولايات المتحدة وإيران قبل نهاية الربع الأول من ٢٠٢٧. الاحتمالات الحالية لتحقق هذا السيناريو ٤٢٪: في هذا السيناريو هيحصل اتفاق بين أمريكا وإيران قبل نهاية الربع الأول من ٢٠٢٧، إما بدون ضربة أمريكية جديدة على إيران، وده احتمال مستبعد، أو بعد حملة ضربات قصيرة ومكثفة شبيهة بما حدث في بداية الحرب، تبدأ بعد انتخابات الكونجرس مباشرة. لو الضربات الجديدة لم تستهدف منشآت إنتاج الطاقة أو البنية التحتية الإيرانية، ده ممكن يفتح الطريق للمفاوضات والتهدئة. في الحالة دي سعر النفط هيرجع لحدود ٩٠ لـ١٠٠ دولار في المتوسط، والأموال الساخنة ترجع تاني زي ما رجعت بعد هدنة أبريل.
توقع النموذج هنا هو أن يتحرك الدولار بين ٥٢ و٥٨ جنيه خلال الـ٦ شهور الجايين (السعر المتوسط ٥٥ جنيه للدولار)، يعني تقريبًا نفس السعر الحالي. لاحظ إن حتى في هذا السيناريو المتفائل، النموذج مش شايف رجوع محتمل لمستويات أقل من ٥٠ جنيه، لإن أثر التضخم الناتج عن الارتفاع الحالي في تكلفة الطاقة بيؤثر بشكل سلبي على هذا التعافي المحتمل.

– السيناريو الثاني: يستمر الوضع كما هو عليه دون تهدئة أو تصعيد. الاحتمالات الحالية لتحقق هذا السيناريو ٣٠٪: يفضل الوضع الحالي زي ما هو ضربات محدودة من الطرفين من وقت للتاني، ومضيق هرمز مغلق، والحرب بين السعودية والحوثيين تستمر في التأثير على الملاحة في مضيق باب المندب والبحر الأحمر. في الوضع دا سيتراوح سعر النفط بين ١١٠ و١٢٠ دولار. يتخارج حوالي ٣٠٪ من المستثمرين الأجانب من أدوات الدين المصرية (الأموال الساخنة)، ويضطر البنك المركزي المصري لرفع الفائدة (حوالي ٢٠٠ نقطة أساس) للحد من خروج النقد الأجنبي.
توقع النموذج هنا هو أن يتحرك الدولار بين ٥٦ و٦٧ جنيه خلال الـ٦ شهور الجايين (السعر المتوسط ٦٢ جنيه للدولار).

– السيناريو الثالث: تتصاعد حدة الحرب بشكل كبير. الاحتمالات الحالية لتحقق هذا السيناريو ٢٨٪: في هذا السيناريو تتصاعد حدة الحرب بشكل كبير بعد تصعيد أمريكي/إسرائيلي يستهدف منشآت إنتاج الطاقة والبنية التحتية الإيرانية، فترد إيران باستهداف منشآت الطاقة في الخليج، وينجح الحوثيون في إغلاق مضيق باب المندب. في الحالة دي سعر النفط هيتحرك بين ١٣٠ وأكثر من ١٥٠ دولار. وقتها أكثر من ٥٠٪ من الأموال الساخنة هتخرج من مصر، وسيضطر البنك المركزي إلى رفع الفائدة من ٣٠٠ لـ٥٠٠ نقطة أساس للسيطرة على خروج الاستثمارات.
توقع النموذج هنا هو أن يتحرك الدولار بين ٦٥ وأكثر من ٨٠ جنيه خلال الـ٦ شهور الجايين (السعر المتوسط ٧٢ جنيه للدولار).

لو جمعنا الـ٣ سيناريوهات بأوزانها النسبية، هنلاقي إن التوقع المركزي للنموذج هو إن متوسط سعر الدولار في أبريل ٢٠٢٧ هيكون حوالي ٦٠-٦٥ جنيه. احتمالية أن يتخطى الدولار حاجز ٦٠ جنيه خلال الشهور الجاية حوالي ٥٠٪، واحتمالية أن يتخطى ٧٠ جنيه حوالي ١٧٪.
ــــــــــــــ
الخلاصة
– مرونة سعر الصرف بالشكل الحالي شيء إيجابي ومناسب لظروف مصر. إيجابي. تثبيت سعر الصرف مناسب لدول زي دول الخليج لإنها تقدر تثبت السعر فعلًا وتدعمه في أوقات الأزمات. تثبيت السعر في حالة مصر بيضغط بشدة على الموازنة، وبيؤدي في النهاية لأزمات زي أزمة ٢٠٢٢. فيعني البنك المركزي بيتصرف حاليًا بشكل مثالي لمواجهة الأزمة.

– احتمالات استمرار الحرب بعد الانتخابات وخلال ٢٠٢٧ مرتفعة نسبيًا (٥٨٪)، واستمرار الحرب للأسف هيؤدي إلى استمرار الضغط على الجنيه، وبالتالي هيدفع الدولار للاستمرار في الصعود.

– زي ما شفنا بالنظر إلى السيناريوهات المختلفة، الجنيه المصري هيواجه فترة صعبة خلال الشهور المقبلة وخلال الشهور الأولى من ٢٠٢٧. التوقعات باستقرار الدولار حول المستويات الحالية هتكون في نظري أفضل النتائج اللي ممكن نشوفها خلال الفترة الجاية. لو أخذنا في الاعتبار السيناريوهات اللي اتكلمنا عن واحتمالاتها المختلفة، هنلاقي إن المستويات الواقعية لسعر الصرف في أبريل ٢٠٢٧ هتكون بين ٦٠ إلى ٦٥ جنيه للدولار.

– التوقعات المذكورة في المقال هي أفضل أرقام ممكن نستنتجها بالنظر للبيانات المتاحة، والتوقعات دي أثبتت نفسها بالفعل أكثر من مرة من مارس ٢٠٢٢ لحد النهاردة. أي تغير جوهري في الظروف المحيطة بسعر الصرف أو العوامل اللي بتؤثر فيه هتغير النتيجة بشكل كبير.

[Mohamed Arafa @0xArafa]

@AhmedWagih ماكدا محلناش مشكله قطع الكهرباء برده لو قطعت الشبكة دي مش هستفاد منها بحاجة طالما معنديش بطاريات! ولا اقصد لو كل الناس عملت كدا التحميل هيخف ع الشبكة وبكدا مش هتقطع أصلا ؟!

[Mohamed Arafa @0xArafa]

@SyrAlqsb مفيش مصدر للكلام دا ؟!

[Mohamed Arafa @0xArafa]

@7ossam_eldin1 ممتاز الحقيقة 👏

[يوسف حسني @YoussefHosni95]

واحد من المجالات اللي عليها طلب حاليًا هي Forward Deployed Engineering (FDE) حتى لو كثير بيكون تحت مسمى زي AI Engineer.

طبيعة شغله هي مش مجرد بناء AI agents أو تطبيقات باستخدام LLMs، لكن إنك تفهم مشاكل العميل، وتقدر تدمج الـ AI مع الأنظمة الموجودة عنده، وتبني حلول مستقرة وموثوقة يقدر يعتمد عليها.

ودي Roadmap اللي ممكن تمشي عليها:

١- ال Technical Discovery و ال Scoping

- محتاج تتعلم إزاي تتكلم مع الـ stakeholders، وتفهم الـ workflows الموجودة عند العميل، وتحدد مقاييس واضحة لنجاح المشروع (Success Metrics).

- ممكن تطبق على ده بانك تحوّل طلب عام زي "إحنا عايزين نستخدم AI في الـ Supply Chain" لخطة تنفيذ واضحة، بأهداف ونتائج قابلة للقياس.

- الخطوة دي مهمة لان تحديد نطاق المشروع من البداية بيساعدك تركز على مشكلة فعلية لها قيمة، ويخلي كل الأطراف متفقة على شكل النجاح المتوقع.

٢- ال Enterprise Identity & Access

- محتاج تتعلم ال OAuth 2.0 وOIDC وSAML وSCIM وRBAC وTenant Isolation.

- ممكن تطبق على ده بانك تربط AI application بـ Okta أو Microsoft Entra ID، وتأكد إن كل مستخدم يقدر يوصل فقط للبيانات اللي عنده صلاحية يشوفها.

- الخطوة دي مهمة لان تطبيقات الـ AI بيبقي ليها نفس حدود الصلاحيات والأمان الموجودة في الأنظمة اللي بتتعامل معاها.

٣- ال Private & Restricted Deployments

- محتاج تتعلم ال Docker وTerraform وKubernetes ، بالإضافة إلى Network Controls.

- ممكن تطبق على ده من خلال نشر تطبيق AI داخل بيئة VPC مشابهة لبيئة العميل، مع تقييد الاتصالات الخارجية (Restricted Egress). وجرب كمان Air-Gapped Deployments في الحالات اللي تحتاجها.

- الخطوة دي مهمة لان كل عميل عنده متطلبات مختلفة من ناحية الأمان ومكان تخزين البيانات والبنية التحتية، ولازم تقدر تنشر تطبيقك بما يتناسب مع المتطلبات دي.

٤- ال Legacy Data & ETL

- محتاج تتعلم ال OCR وDocument Parsing وDatabase Connectors وData Validation.

- ممكن تطبق على ده من خلال انك تاخد مجموعة فواتير قديمة معمولة Scan، وحوّلها لبيانات منظمة تقدر تعمل عليها Queries، مع اختبارات تكتشف القيم الناقصة أو اللي اتستخرجت بشكل غلط.

- الخطوة دي مهمة لان البيانات الناقصة أو غير الدقيقة ممكن تتسبب في فشل نظام AI حتى لو النظام نفسه متبني بشكل كويس.

٥- ال Secure RAG

- محتاج تتعلم ال Hybrid Search وDocument Permissions وCitations وAbstention.

- ممكن تطبق على ده بانك تبني RAG pipeline تمنع وصول أي مستندات المستخدم مش مصرح له يشوفها للـ LLM من الأساس، وتخلي النظام يمتنع عن الإجابة لما مفيش أدلة كافية.

- الخطوة دي مهمة لان الإجابات المفيدة لازم تكون مبنية على مصادر موثوقة، وفي نفس الوقت لازم تحافظ على صلاحيات الوصول للبيانات.

٦- ال System Integration & MCP

- اتعلم REST/SOAP APIs وMCP وSecrets Management والتعامل مع Rate Limits.

- ممكن تطبق على ده بانك تربط AI Agent بنظام Business تجريبي باستخدام صلاحيات محدودة، مع Approval Gates قبل تنفيذ أي عمليات كتابة أو تعديل حساسة.

- الخطوة دي مهمة لان معظم الـ workflows اللي لها قيمة فعلية بتحتاج تتعامل مع الأنظمة اللي العميل بيستخدمها بالفعل، سواء لقراءة البيانات أو تعديلها.

٧- ال Data Protection & Guardrails

- اتعلم PII Detection وRedaction وOutput Validation وAudit Logging.

- ممكن تطبق على ده بانك تبني Middleware تقلل البيانات الحساسة اللي بتتبعت للموديلات، واختبر الحالات اللي ممكن تفشل فيها عملية اكتشاف البيانات الحساسة، مع حماية أي Token Mappings ممكن تستخدم لاسترجاع البيانات الأصلية.

- الخطوة دي مهمة لان حماية البيانات محتاجة ضوابط على الـ Inputs والـ Outputs والـ Logs، ومش كفاية إنك تطلب من الموديل في الـ Prompt إنه يتعامل بحذر مع البيانات.

٨- ال Human-in-the-Loop Workflows

- اتعلم Durable Execution وState Machines وApproval Workflows.

- ممكن تطبق على ده بانك تبني Workflow لطلبات الشراء، بحيث يستنى موافقة مدير عنده الصلاحية قبل التنفيذ، ويمنع تنفيذ نفس العملية مرتين.

- الخطوة دي مهمة لان لأن العمليات اللي ممكن يكون لها تأثير كبير محتاجة تدخل بشري في المراحل المناسبة، مع التعامل بشكل موثوق مع التأخير والأخطاء وإعادة المحاولة.

٩- ال Local Inference

- اتعلم تشغيل الموديلات محليًا باستخدام أدوات زي vLLM وOllama، بالإضافة إلى Quantization وGPU Memory Planning.

- ممكن تطبق على ده بانك تشغّل موديل صغير محليًا، وقارن الجودة والسرعة والتكلفة مع موديل مستضاف على Cloud أو API.

- الخطوة دي مهمة لان تشغيل الموديلات محليًا ممكن يكون مناسب للعملاء اللي عندهم قيود على الاتصال أو مشاركة البيانات، لكن لازم تختبر المميزات والتكاليف والقيود قبل ما تختار الحل ده.

١٠- ال Observability & Business Value

- اتعلم Tracing وMonitoring وCost Attribution وAdoption Metrics.

- ممكن تطبق على ده بانك تعمل Dashboard تعرض مدى استقرار النظام، ومعدلات الاستخدام، والتكلفة، والوقت اللي النظام بيوفره مقارنة بالوضع قبل استخدامه.

- الخطوة دي مهمة لان العميل محتاج يعرف هل النظام شغال بشكل موثوق، وهل القيمة اللي بيحققها تستحق التكلفة اللي بيدفعها.

١١- ال Evals on Customer Data

- اتعلم Test-Set Creation وFailure Analysis وShadow Testing وJudge Calibration.

- ممكن تطبق على ده بانك تقيّم النظام باستخدام Support Tickets حقيقية من بيانات تاريخية للعميل، وبناءً على معايير متفق عليها. بعد كده اعرض الـ Accuracy والـ Escalation Rates وأنواع الأخطاء اللي ظهرت.

- الخطوة دي مهمة لان أداء النظام على مهام وبيانات العميل الفعلية هو اللي يساعدك تحدد إذا كان جاهز للاستخدام، وإيه الأجزاء اللي لسه محتاجة تحسين قبل الـ Rollout.

١٢- ال Handoff & Operations

- اتعلم Runbooks وAdmin Tooling وOnboarding وIncident Response.

- ممكن تطبق على ده بانك جهّز فريق العميل بحيث يقدر يدير الصلاحيات، ويراجع الـ Logs، ويعدل الـ Configurations، ويتعامل مع الأعطال.

- الخطوة دي مهمة لأن نجاح المشروع مش بينتهي بمجرد تسليم التطبيق. لازم العميل يقدر يستمر في تشغيل النظام وصيانته بعد انتهاء مرحلة التطوير.

في النهاية، مش مطلوب منك تكون خبير في كل الأدوات والتقنيات دي قبل ما تبدأ. قيمة الـ Forward Deployed Engineer مش في عدد الأدوات اللي بيعرف يستخدمها، لكن في قدرته على تحويل إمكانيات الـ AI إلى أنظمة حقيقية العميل يقدر يستخدمها، ويثق فيها، ويستمر في تشغيلها وصيانتها.

[Mohamed Arafa @0xArafa]

@mostafaezztaman فيه مصريين كتير شغالين في دول اجنبية في المجالات دي لو شجعهم يرجعوا وحل مشاكلهم وهما لقوا فيه فرص كويسة هيرجعوا وهيكسروا الدنيا بس مفيش إراده سياسية أصلا لدا وبيفضلوا القرشين اللي المغتربين بيبعتوهم لاهاليهم وخلاص!

[Mohamed Arafa @0xArafa]

@AhmadMHany آخر ٢ اعتقد مبقوش موجودين في مصر مشفتش دا ولا مره من سنين.

[أحمد الطيب @alimamaltayeb]

من مصر العروبة، ومن قلب الأزهر الشريف، نوجه نداءً أخويًّا عاجلًا إلى كل الأشقاء في دولنا العربيَّة والإسلاميَّة كافة، بضرورة تغليب روح الأخوة وروابط الدين والدم واللغة، وإعلاء صوت الحكمة، والاحتكام إلى لغة العقل والحوار، والوقف الفوري والشامل لكل أعمال الحرب والقتال والتَّدمير والتَّخريب التي تستنزف مقدَّرات الشُّعوب وتُزهق أرواح الأبرياء.

كما ندعو إلى تشكيل لجنة وساطة وتهدئة عاجلة، تضم ممثلين من مختلف الدول العربية والإسلامية؛ من العقلاء والحكماء المخلصين، ومن محبِّي الخير والسَّلام والاستقرار؛ تحقيقًا لقوله تعالى: ﴿وَإِن طَائِفَتَانِ مِنَ الْمُؤْمِنِينَ اقْتَتَلُوا فَأَصْلِحُوا بَيْنَهُمَا﴾ سورة الحجرات (الآية 9)، لتتولى بشكل عاجل نزع فتيل الأزمات والصراعات المشتعلة، وتقريب وجهات النَّظر، وإنهاء الخلافات القائمة بين أبناء الدين الواحد والأمة الواحدة، وبما يحفظ للعرب قوتهم وسيادتهم، وصون دماء أبنائهم ومقدَّرات شعوبهم وأجيالهم القادمة.

هذا؛ وإن الأزهر الشريف لعلى أتم الاستعداد بأن يبذل أقصى ما يستطيع لدعم جهود هذه اللجنة المباركة، وكلنا ثقة بحكمة كل الأطراف وقدرتهم على تجاوُز الخلافات وطي صفحة الماضي؛ حقنًا للدماء المعصومة، وحفظًا لأرواح الأبرياء، وتغليبًا للمصلحة العامة.
نسأل المولى -عز وجل- أن يحفظ أمتنا العربية والإسلامية من كل مكروهٍ وسوءٍ، وأن يُجنِّب منطقتنا ويلات الحروب والصراعات، إنه ولي ذلك والقادر عليه.

[Mohamed Arafa @0xArafa]

@ahmedtahana بنخطط بس الحاجات اللي المفروض كانت تاخد سنة بتاخد ٣ مثلا. كل حاجة محتاجة أضعاف الوقت والمجهود والفلوس علشان تخلص وتتحقق.

[Mohamed Arafa @0xArafa]

@DataOfStats Hated by whom? Americans? Israelis? Because no single Zionist on the list!!!

[Mohamed Arafa @0xArafa]

@oo0Fahad0oo @naifco بالفعل حصل كدا من عشرات الموظفين

[Mohamed Arafa @0xArafa]

@big_data_eng لا ماتهزرش أنا بقالي سنين بشتري الأحمر اغلي من الأبيض علشان مقتنع ان فيه بروتين اكتر!

[Mohamed Arafa @0xArafa]

فعلا قمة الغباء انك تعمل نفس الأخطاء كل مرة ومتوقع نتايج مختلفة.

[Urban Cycling Institute 🚲  @fietsprofessor]

'The definition of insanity is doing the same thing over and over again and expecting a different result.'
— Rita Mae Brown

Case #1237 of using traffic engineering to solve the problems of traffic engineering.

📍 #Alexandria, Egypt 🇪🇬.

[Mohamed Arafa @0xArafa]

@Etshhh أنا قولت ai في الاول بس شكلها بجد واااو 😅 عاوزين عربيات بتطير من دي علشان نهرب من زحمة القاهرة والدائري.

[Mohammad Hassan @mhmd7sn]

المستثمر داخل مصر ليس عنده بديل يا دكتور
أغلب الناس ليس عندها إمكانية للوصول للدولار من الأساس

لذلك، من حيث المبدأ:
- من عنده دولار لا يحوله لجنيه بغرض الاستثمار
- لكن من فلوسه بالجنيه، لازم يستثمرها حتى لا يكون واقع في مشكلتين: تراجع قيمة العملة + ارتفاع الأسعار

الشخص المقيم في مصر، بالنسبة له تحويل الجنيه المصري إلى ذهب / أسهم / عقار هو سبيله الوحيد إلى حفظ قسمة ثروته.

[Ahmed M. Wahba @Abo_WahbaZ]

موضوع إن اتصالات رجعت تاني اتصالات بدل التسمية العبيطة بتاعت e and دي جامد بصراحة
اصل التسمية غبية ومش مفهومة ومحدش فاهم الاستفادة منها ايه ولا ايه القصد

[Mustafa Barghouti @Mustafa_Barghouti @MustafaBarghou1]

Gaza before and after the Genocide

[Mohamed Arafa @0xArafa]

@mhmd7sn الاستمرارية

[Mohamed Arafa @0xArafa]

@Cloud__whine @Etshhh دول اكبر ميزتين فيها بصراحة عن تجربة.

[Mohamed Arafa @0xArafa]

@mAbidou @Bettercall_seif ممكن افهم ليه ؟ أنا بستخدمها بقالي ٧ سنوات تقريبا وأوقات بشتري حاجات تقسيط من أمازون او غيرها علي ١٢ شهر او ٦ شهور اوقات بصفر فائدة . آخر مره من سنه اشتريت شاشة ب ١٢ الف جنية دفعت كل شهر الف جنية بالظبط بدون زياده ومحستش بيهم. ايه المشكله في كدا طالما بدون فوائد او عمولات؟