جديد الوقت ياليت لو تمسح الأرشيف
فالأرشيف كذبه بإسم الأشواق تنهكني
الأحباب قبلك في حياتي سحابة صيف
تبرّيت من ماضي مع الغير يشبكني
إذا كنت تجهلني أخذ مني التعريف
“ أنا درب ما تقدر بوجهين تعبرني “
أنا لك حقيقه ماهي بشك ولا زيف
ولغيرك سراب يبطي بيوم يدررركني
خاويه، حتى مافيه عروش خاويةٍ عليها
ما بقى شي بمكانه صار باقي في مكانه!
بارده، حتى القصيدة لي ما مدّت يديها
موجسه، حتى ظلام الليل معقودٍ لسانه
ظلّك أقرته الليالي وِرد من بين اصبيعها
وجهك أقفى والظلام يخاف من بارق ثمانه
علّم النود الليال الاوله لا يحتريها
وقتنا علّق مصاقيله وحوّل عن حصانه
لا فرح بنفوسنا، لا حزن حتى يعتريها
لا لقى التذكار درب، ولا لقى النسيان خانه
المدينة موغله في روحة الناس ومجيها
والشوارع تبتلع من عاكس العقرب زمانه
واجدبت حتى الصباحات وعثى التكرار فيها
ما بقى صبحٍ قديم يشابهك واسهر عشانه!
بعد البطا تنهييييده و اما بعد :
يوم جيت ديار ابو سودٍ مظّلة
للقدم وقفة وللقلب التفاته
ما اختصرها فالسلام ورحمة الله
الا السلام ورحمة الله وبْركاته
ودي اخذ عندهم فنجال دلّة
ونفسي اول من كلاني بالشماتة
يرفع الرجال صبراً… في محلّه
وترخص الرجال كثر محاولاته
اما بعد …
في ثنايا رحلتي بين التهاون والصرامه
كل يوم اواجه الاخطار و اشد العزيمه
الرضاء بـ الوضع دافع للعتب والا الملامه
والطموح يحثني في نيل الاهداف العظيمه
من تنازل عن طموحه قبل لا يبلغ مرامه
لا يعلق في جدار العمر حجته السقيمه
المثابر لا سعى فـ الارض عز الله مقامه
يستمد العزم من صادق نواياه الكريمه
والكسول يصاحب الاعذار ويطول منامه
لو يفرّش له حصير الذل قال الله يديمه
القناعه في بعض الاحيان ضعفٍ بـ ابتسامه
يتوارى خلفها اللي خايفين من الهزيمه
يقنع العاجز لا قيل ان الغنيمه فـ السلامه
والسلامه لا اغتنم فرصه تجيب له الغنيمه
في غمار التجربه والياس من خلفه وامامه
اعتقد لا مر طاري تجربه ذب الخريمه
ولا انا لا زال عندي فـ السعي هِمه وهامه
مدرك ان النور يجلى وحشة الليل وعتيمه
مااكتفيت من التحدي في رجا المجد وسنامه
لين اعود من ثنايا رحلتي بـ شداد ريمه
عـسى لي أثر طيّب ومواقف وذكرى خير
ونفـسٍ تنّـول اللي اتمـناه يـاربي
ولا تبتليني بالسعي في نصيب الغـير
ولا تضيّـع سنيـني وأنا ادور لطبي
وهبّ لي بصيره ما توردنّي التقصير
تميز قلوب النـاس في كرهي و حبي
ونورنيّ أشوف الحقيقه مثل ما تصير
أنا اشوف الاشياء مثل ما يشتهي قلبي