من الخاص..
أنا عمري 28 سنة تزوجت رجال أحبه ويحبني وكان زواجنا بالبداية مستقر وما كان ينقصنا شيء غير الأطفال
مرت سنة ثم سنتين ثم دخلنا السنة الثالثة وكل شهر ننتظر خبر الحمل لكن ما صار نصيب
زوجي كان بالبداية يوقف معي ويقول يا بنت الحلال لا تشيلين هم أهم شيء أنتِ بخير والعيال رزق من الله
لكن المشكلة بدأت من أمه كل ما زارتنا تلمّح وتقول يا ولدي العمر يمشي وأنا أبي أشوف عيال عيالك قبل أموت
ومع الأيام صار زوجي يتغير وصارت أمه تقنعه إن حياته بتضيع إذا ما تزوج وحدة ثانية
رحنا للمستشفى وسوينا فحوصات وكل مرة نطلع بدون جواب واضح
وفي يوم رجع زوجي من عند أهله وقال لي أنا تعبت وأمي تقول لازم ننهي هالموضوع وأنا أبي أصير أب
قلت له وأنا أبكي يعني كل هالسنين اللي عشناها ما تعني لك شيء
قال والله إني أحبك بس وش أسوي
قلت له إذا تبي تتزوج غيري طلّقني أنا ما راح أعيش أنتظر يوم تجيب لي ضرة
وبعد محاولات كثيرة انتهى زواجنا بالطلاق
الغريب إن زوجي بعد الطلاق ما قطع أخباره عني وكان يسأل أختي عني من وقت لثاني
مرت أسابيع وبدأت أحس بتعب ودوخة وقلت يمكن من الضغط النفسي اللي مريت فيه
قررت أروح المستشفى وبعد الفحوصات طلبت مني الطبيبة أعيد اختبار الحمل
وبعد ما ظهرت النتيجة ابتسمت الطبيبة وقالت
مبروك أنتِ حامل
وقفت مكاني من الصدمة وقلت وش أنا حامل
ما قدرت أصدق واتصلت بأمي وأنا أبكي
لكن أصعب لحظة كانت يوم قررت أخبر طليقي
اتصلت عليه وقلت له عندي خبر لازم تعرفه أنا حامل
سكت ثواني ثم قال بصوت متأثر
يعني أنا طلّقتك وأنا ما أدري إنك حامل بطفلي
وبعدها قال تكفين أبي أشوفك أنا للحين أحبك
لكن اللي صار بعد ما عرف أهله بالحمل كان أكبر من توقعاتي
لأن أمه اللي كانت سبب طلاقنا اتصلت علي بنفسها وقالت لي كلام ما كنت أتخيل أسمعه منها الجزء الثاني قريب أنشأ الله