فهد رباح العتيبي

لاشيء يُساوي الصحة و العافية ، فمنْ يُدرِكها فليحمد الله كثيراً .

[فهد رباح العتيبي @110500]

تبسمي لي .. وخـلي خاطـرك راضي
لا يـزعـلك هـيّـن الـدنـيا .. وكايدها

انا مـغـازيّ .. ماتـقـفي على الفاضي
والصيده اللي تجي بالـدرب صايدها

عيني على الـدرب مافكرت بالماضي
وأهل المواقيف ؛ هذي من عوايدها

[جزل @1Jazil]

« متى تشوف عيوني عيونه السّود
وأواجهه وأعايده — من قرّيب »
- محمد بن فطيس

[فهد رباح العتيبي @110500]

تـنهض الشوق فيّ .. وناحـت الورقه
وأنا ياشاعـرك مـبـدع .. مـاني بـ عادي

أصخـر البـيـت لاجـاء طـاري الفرقه
تـصـخـير ربـعي لـ نجد وروس الأعادي

خذ زبدت الشعر خل الوجد والحرقه
مادام جـوي جـميل .. وخاطـري هادي

شوفتك مثل السحاب اليا لمع برقه
غرب #الحفر شوف ماهو قول الارصادي

ثم صك فوق الحفر من غربه لشرقه
وقامـت تبـاشر #مطير بـ سيلـة الوادي

ياغلى من مطير وأمن الـروقه وبرقه
وسبع #القبايل هـل الوقـفه والأمجادي

سرقت قلـبي نهـار أمـواجهك سرقه
وأقـفـى عـلى جـرتـك طـايع ومنـقادي

ماخـاف بحر الهوى لـو غرقته غرقه
أخاف تبـعــد وتـحــرق مهجـة فوادي

فهد
#شعر

[فهد رباح العتيبي @110500]

ياعيون الغروب ؛ اللي تخيل الشعوب
............هايـبـتـك الضلوع اللي مـلاهـا الشقا

كل ماسـاد ليلك .. بعد وقت الغروب
............قال لك هـاتي اللي في ضلامـك " بقا

وأبتديتي بـ هجماتك عـلى كـل صوب
............لين راعِ القصيـد العـذب ضاق " ورقا

فوق رجـمٍ ليا عـداه .. غـنّـا .. طروب
............يقـفي الليل " وأهوه والقصيد أصدقا

يزبن الرجم ؛ مايرضى يعيش أمغلوب
............لــه 30 عــــامٍ بــيـــن عــــز .. ونقا

خافي الله .. تـرى نــار الأمـاني شبوب
............لا مـتى مــاش بــيــنــه والأمـاني لقا

ماتـخـايـل عـيونه غير خشم النصوب
............ولا هقى غـيـر بـ الله " منجي اللي هقا

فهد رباح العتيبي

[فهد رباح العتيبي @110500]

اسـامــر الـبــدر .. وأغـني هـواجيسي
لانـامــو اللي مــن الافــكــار في راحه

لـو إن هـمي عـلى بوتـين .. والسيسي
يمكن يخلون عرش الحكم ؛ والساحه

من عقب هـاك الونايـس والنواميسي
سكرت باب الوصال " وشلت مفتاحه

لــد الـنـظــرر فـيّ .. ياراع النواعيسي
شوفتك تـجـلا همـوم القلب وجراحه

صدري من العام .. توجعه النسانيسي
ولا عاد يرضى من الشاعر .. ومسباحه

يرضيـه زيـن(ن) .. تعــدا بالمقاييسي
الـعـنـق شـبـرين .. والاعـيـان ذبـاحه

تـقول انا وانت .. #حايل والسناعيسي
حب(ن) مثبت ؛ وطول الوقت مازاحه

خـلك قبالي .. وخـل الناس " وبليسي
لو تشلع #طريف وتـودا ورى #الباحه

فهد

[قروب اشعار @aShi3ar]

هذي هي الدنيا ملاقاه وفراق
ولا تضيق الا على الله فرجها .

[معكاز شعر @M3kkaz]

هذي هي الدنيا ملاقاه وفراق
ولا تضيق الا على الله فرجها .

[شعر @mg_3u]

هذي هي الدنيا ملاقاه وفراق
ولا تضيق الا على الله فرجها ..

[فهد رباح العتيبي @110500]

الأدمــي فــتـرة حـيـاتـــه ورا الـغـيب
وكـم مــرتٍ نـاحـت آمـن البعد ؛ ورقا

سامح .. وعامل مجمل الناس بالطيب
تـرى الـرجــال تــمـوت والطيب يبقى

#صباح_الخير
#الاستغفار_معه_تطيب_الحياه

[فهد رباح العتيبي @110500]

انتقل إلى رحمة الله اللواء م /

تركي بن جهجاه بن شري بن بصيص

والصلاة عليه بعد صلاة العصر في مسجد الشريع يوم غدا الاثنين #بحفرالباطن

انا لله وانا اليه راجعون اشهد بالله انه راح وليده وخساره علينا كلنا ولاحول ولاقوة الا بالله
الحمدلله على كل حال

[فهد رباح العتيبي @110500]

شكرا لكل من عزّانا وواسانا في فقيدتنا
سواء بالحضور او الرسايل او الاتصال

الله يغفر لها ويرحمها
هي وسائر موتى المسلمين

شكرا من القلب
والله لايريكم مكروه

ولاحول ولاقوة الا بالله

[فهد رباح العتيبي @110500]

مـادام الأقـــدار عـنــد الآمــر الـناهي
خـلـوني أسـج عنها .. سـجــة الشاطر

السجه اللي تجي مع ( كاسة الشاهي )
يطرب لها الشاعر / ويسلى بها الخاطر

#صباح_الخير
#صباح_الاشياء_المشرقه

[فهد رباح العتيبي @110500]

@rajhiabdlmohsen والتغريده اللي قبل شوي برقم جوالك وش سالفتها 🤣

[فهد رباح العتيبي @110500]

تبسّـم سيدي .. مايلتفت لـ #أيران .. و #أسرائيل
ومن بسمة سموّه .. يـبـتسم شـعب #السعوديه

ولي العهد .. سيف #المملكه في عدل .. ولا ميل
ولــد #سلمان حـمّـاي #العرب .. لاثــارت الهيه

ليـار ثـار الغـبـار .. وقامت الفتـنه .. وطـال الليل
تـــذرو في #محمد ي الـحـكـومـات #الخليجيه

فهد
‌

[فهد رباح العتيبي @110500]

حنى هل الوقفه ضحى اليوم الكبير
نطـاحت العـايل مقـابـيـس الوغا

الـشعب دون #المملكه مايستشير
يـطـغا على راس الـمـعـادي لاطغا

حـنى لهـا لاصــاح بالصـوت النذير
وان تاهت الخلفه وحـاشـيها رغا

حـرام لـ يـعـود عقب ماهـو مغير
الـيـا بــغـا بالــطيــب ولا مابـغا

#الحرب_العالميه_الثالثه

[فهد رباح العتيبي @110500]

@alaidrooos ردود الكويتيين على التغريده
تثلج الصدر
الله يحفظكم 🇸🇦🇰🇼

[فهد رباح العتيبي @110500]

@MuhamedH190 @MSer2233 @bin_3rej بطل يامحمد 👍🏻

[فهد رباح العتيبي @110500]

@MSer2233 @bin_3rej غير صحيح وانا اتحدا

ركز معاي شوي عشان تفرق بين كلامي وكلامك

زايد الاسم معناها الزود
زايد الصفه معناها الزود
كلها نفس الكلمه ونفس المعنى

لكن اللي انت تبي مثلاً
ذهب = المجوهرات
ذهب = راح

كلها نفس الكتابه والكلمه وحده لكن المعنى يفرق
لو اعيدها بالابيات عادي

لكن زايد انا ضدها

[فهد رباح العتيبي @110500]

@0Mn9or @msh51860443 @bin_3rej هذا تفكيرك لانك ناقص وتحسب كل كلمه عليك

اعقب وتوكل على الله

[فهد رباح العتيبي @110500]

@msh51860443 @bin_3rej الاسم والصفه في زايد معناها واحد
خابر اللي انت تقصد وتبي لكن وجهة نظري انها هنا غير صحيحه