العراب 🍁

" اثرك معاي وانت فكرك مع الغير "

[العراب 🍁 @11booh_]

عسى وجهك يسامحني على التقصير
يابو ( وجهٍ ) يغربني عن ... افكاري

احبك و السفر نوعٍ من التغيير
اسافر لك … وأنا في زحمة اعذاري

اقول اسف وأنا الأسف على التأخير
انا المشتاق لـ ( الغربه ) عن دياري

واذا تسأل عن اخباري بكون بخير,
مدامك ( أنت ) تسألني عن اخباري

[العراب 🍁 @11booh_]

تعودّت : ما أدوّر ورا العالمين سناد
أعنّز على يمناي ، وأوقف على ساقي

وتعاملت بأخلاقي مع الناكر الجحّاد
ولو الزمن يرجع .. تعاملت بأخلاقي

#انت_المقصود

[العراب 🍁 @11booh_]

من زود حرصي عليك وكثره الاهتمام
بعطيك بيت يكفي عن ثلاثين بيت
ㅤ
انت اخر انسان في بالي لا جيت انام
وانت اول انسان في بالي لا صحيت.

[العراب 🍁 @11booh_]

احيا على قربك وصوتك وطاريك
ودي بشوفك كل لحظه قبالي

ودي احطك في عيوني و اغطيك
و ودي انا اللي اشوفك لحالي

حتى الهوى لا مر من بين اياديك
اقول هذا وش يبي في حلالي

انا بمنامي يا هوى القلب اناديك
صورتك دايم ما تفارق خيالي

ان غبت عن عيني بقلبي الاقيك
وان رحت عن قلبي لقيتك في بالي

[العراب 🍁 @11booh_]

تسهَّل و السنين تعالج المجروح
و يرجع مثل ما كان الشجاع أشجع

أنا ماني مثل غيري يجي و يروح
أنا مثل ( العمر ) لا راح ما يرجع

[العراب 🍁 @11booh_]

ما فيه اجابه شافيّه من بعد ليه
يقوله اللي كل ما استاجع جحد

فيه اسئله تحتاج .. للعذر الوجيه
وفيه اسئله تحتاج للواحد الاحد

ما عاد ابي واجد من اللي كنت ابيه
كفنت " رغباتي واهلها " في اللحد

حتى اللي الايام " بتوقف عليه "
اثبت لي انها ما توقف لاجل احد

[العراب 🍁 @11booh_]

يارفيقي خاطري ماش و أفكاري شتات
خلني لـ مطاول الليل الاسود و السهر

والله إني ضايق الصدر من كل الجهات
و فاقد النوم الطبيعي لي أكثر من شهر

المداهيل القديمه و بعض الذكـريات
أظهرت من عيني الخـافي اللي ماظهر .

[العراب 🍁 @11booh_]

لاجارت الدنيا على حضك الشين
اضحك على الدنيا بكلمة عوافي

[العراب 🍁 @11booh_]

سافري في عالمي وأنتي وحيدة
وأنثريني وأجمعي باقي شتاتي

مامعي غير الأمل شي أستعيده
شنطة الآمال تحمل ذكرياتي

مستعد أكتب من آمالي قصيدة
حبرها دمي .. ودفترها حياتي

شاعرك رجلً طموحات�� بعيدة
وإن عطاك الشئ ماقال لك هاتي

عاش تحت العز من فوق الحديده
هايمً محصور بين أربع جهاتي

[العراب 🍁 @11booh_]

شعوري اللي لو أقوله لفت الإنتباه
من سبة الناس في وسط الصدر حاكره

" عندي كلامٍ عن أشياء واجده فالحياه
محتاج افضفض لشخص ويفقد الذاكره "

[العراب 🍁 @11booh_]

أوعدك تلقاني جنبك و أحتويك
يوم غيرك كان حلمه . . أوعده

إيه أغار وما أبي احد، يجيك
حتى ظلّك لو أطوله ؟ ببعده
⠀
قلبي مثل المملكه وإنت المليك
يعني قلبك واجب اني أسعده
⠀
ما أبيك تروح عنّي ، بس أبيك
تقرا أوّل بيت وإفهم مقصده

[العراب 🍁 @11booh_]

ماكنت أقصر فيك من كثر الإعجاب
يومك تس��وي عندي الكون كله

كنت القريب وكلهم كانوا أغراب
حتى القمر لاغاب شفتك محلّه

خلاص لا ترجع ترا خاطري طاب
الخاطر اللي كنت عايش بظله

رح واعتبرني واحد أذنب وتاب
ماني بثوب تلبسه ثم تملّه

مايجتمع بالحب صادق وكذاب
رزقي على الله وأنت رزقك على الله

[العراب 🍁 @11booh_]

صحيح عند الضيق تحتاج للبوح
بس الأصح تواجه الضيق بالصمت

كم كلمة تنطق بها وأنت مجروح
واذا سلى الخاطر عليها تندمت

[العراب 🍁 @11booh_]

والله لا خلي حِبك اليوم عبره
واخلي الأمثال تضرب بـ فرقاك

خل الذي غرك يسرك و سره
وخله على ماقيل بالحيل يهواك

ولا تحسب ان القلب هجرك يحره
��اينكسر قلبي على اشكال شرواك

[العراب 🍁 @11booh_]

ماجيت لك بإحساس كاتب وشاعر
عاشق يردد : إسمك " بـ كل ليله "

تعال " فتّش " .. بـ الورق ، والدفاتر
في كل صفحة : ذكرياتك " جميله "

تعبت في : غيبتك .. أعاني ، وأكابر
كل الليالي .. في غيابك .. " ثقيله "

ماانت بـ مجرد ضحكه ، وجبر خاطر
أكثر شعور بهـ الحياه .. " أنتمي له "