.

[. @12iqa]

" اذكروني بالخير لو انقطعت اخباري ".

[. @12iqa]

يا ليتّ بعض الصدف ما جتً ولا صارت
ويا ليت بعض المشاعر ما تُمكنت

[. @12iqa]

تعلّمت السهر بعدك و أنا قبلك رفيق النوم
ولا جاب السهر طيفك ولا عوّد علي نومي

[. @12iqa]

فا يا صدري ضقت من جاير الوقت
خابرك يا صدري تشيل الثقايل

وش فيك علمني لك ايام ما رقت
ضايق وفيك الهم صايل وجايل

خابرك ما عمرك للأحزان رافقت
واليوم كنك شايل جبال حايل

[. @12iqa]

عندي يقين إن الليالي المقبلة ماهي بـ سود
أنقى من قنوف السحـاب اللي تلـوح بروقها

[. @12iqa]

"مردّها لو ضاقت اعوام بتزين
وبتضحك لنا الدنيا .. وننسى تعبها"

[. @12iqa]

يصير أحبك من جديد
من غير حب قد مضى ؟

ودي معك أرجع وأعيد
كل الزعل ..وكل الرضى .

[. @12iqa]

رحبت في وصلك بقلبي قبل صوتي
يا مرحبا بك بعد ما زرت مجنونك
ٓ
شفتك وكن الله احياني عقب موتي
الله لا يحرم عيوني شوفة عيونك 🤍

[. @12iqa]

تنشد عن حال حالي كيف ما شفته ؟

[. @12iqa]

ما دامك بديت تشوفني مثل باقي الناس
انا لي كياني و احترامي و تقديري

تقهويت حبك يوم عاده يجيب الراس
وبعد ما برد خليت باقيه لغيري

[. @12iqa]

صديت صدة مستعيفٍ من الدار               
عن حاجةٍ .. ماودي أصد عنها

[. @12iqa]

كل ما قفيت ناداني تعال
وكل ما قبلت عزم بالرحيل 🎼

[. @12iqa]

مانويت اطاوع القلب لو انه رزين
انت "غالي" بس الايام ملعونة جدف

رغم حوم الشك حولي بقى عندي يقين
لو تفرقنا الليالي بتجمعنا الصدف .

[. @12iqa]

ما عاد تسعدني مغريات الايام
اشياء واجد في عيوني تساوت

[. @12iqa]

الصمت يكفي ويشفي صدر راعيه
لاصار كل الحكي ماله معاني

والقلب ما عاد تعنيه المشاريه
والعين ما عاد تغريها الأماني

ياليت حزني مجرد دمع وابكيه
ما هو عايش معي بين المحاني

[. @12iqa]

وش حيلة المشتاق لا حنّ واشتاق
وماله في درب المواصيل حيله ؟

[. @12iqa]

بين قلبً مايتوب .. وبين عقلً ما يطيعه !
حارت الخطوه مابين وبين واصبحت فمكاني

تبتدي حرب الثنين اللي كما حرب الوديعه
كل ما وقف حداهم ؟ ( عود الاخر رماني )

حجة العقل الرزين اكبر من اللي نستطيعه
كل ما جيته بلهفة شوق بالمضمون جاني

يحتدي طيش الشباب اللي على زمة ربيعه
واقتدي في كل راي يقول والهى في زماني

وان ذكرت اللي يا دوب امْن الدلال يذب ريعه
صار ما للعقل راي ( وصار راي القلب جّاني )

" كل ماعرض يروح العقل والمنطق وديعه "
( يملك زمام الامور ووين ما وده خذاني )

زهرة القلب المحب اللي لو يشوف الفجيعه
مانساه ولا نسى وصله لو اشوفه نساني

انت ياللي تستبد الوصل وتحب القطيعه
وانت يامرخص مقام اللي مقامه ما يداني

والله انك سرً فقلبي ليا من جيت اذيعه
كن مافيني شعور ! وكن ماعندي معاني

" سلطةً لا من مشيت تنزل اللي فالطليعه "
فتنةً تملك احساس الشخص في عدة ثواني

من طبيعة وجهك اللي يحقر رسوم الطبيعه
كل دوله ترغب السياح من دونك تعاني !

كل ضيعه في نظر غيري ترا ماهيب ضيعه
دامها عندك عسى محدً من العالم لقاني

" فدوتك مافات واللي جاي واليوم وتّبيعه "
وفدوتك ما يذخره قلبي ( وما ينطق لساني )

مستعد ارخص صبا عمري على شانك وابيعه
وش لزوم العمر دام العمر عندك عمر ثاني

[. @12iqa]

بين العطورات نملك عطر للذكرى
يجدد الشوق.. فالمشتاق واضلاعه

تركيبته ذكريات. وهبته مسری
كل التفاصيل ما غابت عن اوجاعه

يا طاري الحزن حاول مرة اخرى
ياما ضحكنا لو أن الروح جزاعه

العطر ( آلة زمن ) في رشته ذكرى
يعيدها بالشهر، واليوم، والساعه

[. @12iqa]

اكبر مع الايام و اشطب علاقات
واطوي يدين الوقت وامد ساقي

ما عاد تفرق سود الايام لو جات
اسود من اللي فات ماظن باقي

[. @12iqa]

المحبه شي عادي والعداوه شي عادي
والقلوب لها نظر " وأحساسها مثل المنبه "

حب من ودك تحب وعاد من ودك تعادي
بس عيب أنك تشوه سمعه اللي ما تحبه

- فهد بن سهل

[. @12iqa]

ادري كبرت وصارت احلامي كبار
وبديت احس ان الليالي عجوله

واللي اكتشفته بعد ماهالعمر دار
إن اجمـل سنين الحيـاه الطفوله