من جرّب الفقد للاحياءْ والاموات
يهون فقده لـ حيّه .. عند ميته
أنا بَعَد ما فقدت ابوي بـ الذات
عرفت معنى الكلام اللي عنيته
حلمت به مرة ؛ انّه حي ما مات
كنّي بعد ما بكيته ؟ ما بكيته
وتوقّفت هالحياة لبضع لحظات
آوّل ما فتّحت عيني ما لقيته
مديت شوفي بعيد ورحت اسوق جملي
من شاف حوله ما شاف الا الشقا والعنا
قد علمتني " الحياه الفانيه " ما يلي :
لاتنتظر " رد طيب .. ولا تدوّر ثنا "
من ادرك رضاي جعله ما يشوف زعلي
ما عاد اقدم هناك .. ولا اتراجع هنا
حتى اقرب الناس لا من شاف نفسه علي
صديت لين الحياه تعلمه : " من انا "💙
حتى الكلام الزين حظ وتوافيق
ماكل واحد في كلامه موفق
احدٍ كلامه بلسمً للمعاليق
ماله شبيه إلا العسل لا تدفق
وحدٍ كلامه يفتق الكبد تفتيق
إن كان قوله حق وإلا ملفق