الـهاب بــدر

شاااعر 🇸🇦

[الـهاب بــدر @131_303]

.
ماني آقل / وماني أزود من الناس
ولحدن يشابهني .ولا أشبه لـ غيريّ

من طاب لي شلته ع العين و الراس
ومن صد ما حثيت خلفه مسيريّ !

#الهاب_بدر

[فيصل بن جلوي @IbinJelawi]

بين العواصم والمدن اسمك ثقيل
فيك القرار الفذ يا غالية نجد
**
الا يا صبا نجد النسيم العليل
يهيم بك الهام من ادركه وجد
**
وجد الكريم الي يجالس بخيل
يكظم لغيضه ما يبيح له السد
****
#فيصل_بن_جلوي

[الـهاب بــدر @131_303]

.

آخر الليل ..

.
.

يطيب جرح وينجرح جرح لا غبت
يلي غيابك هو سبايب جروحي

وأتوب عنك وينبعث شوق لو تبت
واشتاق لك ما بين قلبي وروحي ..

الهاب بدر

.

.

.

.

[فيصل بن جلوي @IbinJelawi]

الله يا سلطان ما اكبر الفقد
ننصاك لا ضاقت علينا الوسيعة
**
نمد من خيرك في حزة المد
والجود من جودك سلوم وطبيعة
**
مزاياك لا تحصى ولاهي بتنعد
واقلها يمنى كريمة سريعة
****
#فيصل_بن_جلوي

[🇸🇦🌿🇸🇦🌿 @a_b_m_88]

@IbinJelawi حتى انت لك كف ٍ مثل كف سلطان
فيك الكرم يا امير ورث وخصايل

ياما عطيت ولا تبي غير الاحسان
ولا تنتظر في مدتك عنــك قايل

وياما تلمست الحوايج على شان
ترجي ثــواب الــرب راع الجـزايل
@131_303

[فيصل السويدي 🇸🇦 @faisail10139]

لولا الكرم ماشفت وجه البخل بان
.. ولــولا المواقـف ما عرفنـا الرياجيل

ما شــح كف الطيب في كل الأزمان
.. ولا تختفي روس الرجــال الحلاحيـل

الهاب بدر

[همس القوافي✨❤️ @Mww77428239]

@ftoom_1121 🌹

💖🎻⭐ مســاء الآبدااع
┊ 💖🏹⭐
┊ ┊💖 🎻⭐
┊ ┊ ┊💖 🏹⭐والحضور
┊ ┊ 💖🎻⭐
┊ 💖🏹⭐والتألق
💖🎻⭐الجميل 🌹🍃❤️🍃🌹

سج القدم يا ضايق الصدر لا ضقت
... فجوجها للطيبين الوسيعه

لا صار صدرك من عنى الوقت به كبت
... خلك كما حرا ً كفخ عن مجيعه

الهاب بدر

.

.

.

[ابن فراج ابوتايه @qrnljnwb]

أنا وقف عمري على سن عشرين
وقلبي خضر ماهمني شيب راسي

ودام البشر...ياميّت القلب فانين
بفلها وأضحك....مع أهلي وناسي

والعمر مره ماأقدر أعيش عمرين
يكفي أعيش النصف منه بمآسي

واللي انكتب ملزوم بتشوفه العين
ماتنفع الضيقه......وهمي ويأسي
#الهاب_بدر

[ناصر عبدالله الحميضي @n4alhomaidi]

المرجلة ماهـي تصاويــر بسنـاب
ولاهـي هياط ٍفـي قروب القبيلة

ولاهي نفاق ومدح بوجيه الاغراب
ولاهي تصاوير الصحون الجميلة

المرجلة وكــر علـى راس مرقـاب
ودروبـهـا وعـرة بــراس الطويلة

تبغى لها فكــاك عسرات الانشاب
ولا مال عن درب الكرم والجميلة

الشاعر: إلهاب بدر المطيري

[فيصل بن جلوي @IbinJelawi]

اقبل و كن اقبالته فرحة العيد
عند الطفل في فرحته و بتهاجه
**
فرحة طفل بالعيد و الثوب الجديد
و من حب اهله وفروا كل حاجة
**
يا غلا غلا عنده و يا الشي الفريد
اجلس على عرشك وذا دوك تاجه
****
#فيصل_جلوي

[الـهاب بــدر @131_303]

@IbinJelawi .

راح يتعلم عوض الكرم من معازيبه
يبي له وقت فقط

صح لسانك يا سمو الامير 👌

.

[فيصل بن جلوي @IbinJelawi]

يا عوض لا تسكر بابنا ل له
ادري انك جديد ولا تعرف السلوم
**
سلمنا يا عوض شب نار و دلة
وكل من جانا عزيز وكل من جانا محشوم
**
ومن عطايا الله نعطي ما شكينا قلة
نحتفي بالرجال الكرام القروم
****
#فيصل_بن_جلوي

[فيصل بن جلوي @IbinJelawi]

غرفتي في ركن قلعة ,, نائية في وسط غابة
مسمع إلا صوت عصفورن يناديله حبيب
**
بعد هذا العمر كله ,, من فرح و حزن و كأبة
اختلي لنفسي بنفسي وسط ذا الكون الغريب
**
قم لفرضك ثم صله ,, واطلبه وقت استجابة
يرحم امواتك و يغفر لك ضحى يومن عصيب
**
وكل ما كدرك خله ,, ينقشع مثل السحابة
وكل ما يسعدك ضمه وخل سرك في قليب
****
#فيصل_بن_جلوي

[๏̯͡๏ عـلـي الفـقـيـہ @alrshed]

لا ضاق صدري من جميع المخاليق
ولا عاد يحلالي كلام الخلايـــــــــق

عن هامتك يا طويق لو ينشف الريق
ما تاقف الخطوه واقول الحقايــق

لين اعتليك بكل ما في من ضيق
واشكي عليك هموم قلب تضايق

وببيح لك ما لاج خلف المعاليق
واشرح لك اللي صار لي من عوايق

يمكن افضفض عن عنا النفس وافيق
ارتاح لو يا طويق بعض الدقايق

مليت من روتين دنياي ما طيق
هم مخلي ضيقة البال عايق

يا عقد نجد اللي رسى بالمشاهيق
ما راق لي غيرك وانا فيك رايق

انصاك لا ملّيت كل المخاليق
ولا عاد يحلالي كلام الخلايق
-
#شعر// @131_303
الشاعر // الهاب بدر

[الـهاب بــدر @131_303]

@Binroog_motaeb .

لاباس طهور ان شاء الله
الله يجمع له بين الاجر والعافية

.

[فيصل بن جلوي @IbinJelawi]

يا معزي نم قرير العين
كل من خلفت قام بواجبه
**
عمروها مملكة دنيا ودين
ومن نواها قاصرينن شاربه
**
السعوديين ذربين اليمين
الولد منهم لخاله ناسبه
****
#فيصل_بن_جلوي

[ابن فراج ابوتايه @qrnljnwb]

عطني علومك قبل تأخذ علومي
انا علومي شوفتك وانت لي جيت

كم ليلة ٍ صحيت من حلو نومي
في غيبتك كنك على الباب دقيت

الهاب بدر

[الـهاب بــدر @131_303]

.

.

يا جعلها ما تنطفي نار طهران
حتى تطيح اهل العمم والملالي ..

وكل العروش الفاسده معه تنهار
أهــل الفتن يا جعلهم للزوالي ..

الهاب بدر ..

#الخليج_خط_أحمر
#صافرات_الإنذار

[فيصل بن جلوي @IbinJelawi]

كفو كفو

[الـهاب بــدر @131_303]

@mbinaltheeb .

كلام مقفى فقط
لا وزن ولا جرس موسيقي
.

[فيصل بن جلوي @IbinJelawi]

الرسايل ما تجي للخصم مجهولة
لابغينا نرسل الشي جاكم واضح
**
سيوف العدالة للعدو مجرده مسلولة
تحت راية سيدي المليك الصالح
****
#فيصل_بن_جلوي