تقول أنا من سلايل محتمين الدخيل
مسعدني إنها تحدّاني بـ جدّانها
منطوقها ما يقول إلا الكلام الجميل
ولو خانها لسانها .. صح الله لسانها
من كثر ماهي غنوج وكبرياها ثقيل
تقول ضيدان بن قضعان .. ضيدانها
جميلة الوجه سوّت فـ المحاني جميل
من يوم صارت تشوف القلب بستانها.
لو بقى للهيل صبر على فوح الدلال
ما بقى للقلب صبر على شي يجيه
كنت احسب ان الغلا زال واثره لا يزال
في الحشى ما كنه الا دخيل في الوجيه
ساقني حبك على الموت وسنيني هزال
والظروف اقسى من الظلم للعرض النزيه