بنت فهيد

‏اللهم سخر لي جنود الأرض وملائكة السماء وكل من وليته أمري وارزقني حظ الدنيا ونعيم الآخره و يسر لي كل أمر عسير..

[بنت فهيد @1492_81]

اللهم سخر لي جنود الأرض وملائكة السماء وكل من وليته أمري وارزقني حظ الدنيا ونعيم الآخره و يسر لي كل أمر عسير..

[معكاز شعر @M3kkaz]

عندما يكون الوفاء ثمن وللشعر معنى :
يقول ارشيد عبدالله

لاحتجتني بتشوفني متواجد
انا مسامح غيبتك والصده 

غيري بتلقى في حياتك واجد
وقت الرخا ماهو بوقت الشده .

[معكاز شعر @M3kkaz]

شعر تويتر خواتي :

« أواجه الدنيا بكل التعابير »
وأنسى مواجعها بضحكة خواتي .

[معكاز شعر @M3kkaz]

خلك قوي في الصعايب لا تلين
لو يطول الضيق ب العزم ابتره

ارض ربك و اطلبه حالك يزين
ولا تضايقت احمد الله واشكره .

[معكاز شعر @M3kkaz]

ماني بمجبور أتعايش بوجهين
وجهي وحيد وجايزٍ لي مصبِّه

اللي مايملا العين مايسكن العين
واللي أحبّه يدري إني أحبّه .

[معكاز شعر @M3kkaz]

الا يارفيقي مابقى بالعلوم علوم
ولا عاد بالموضوع وده ولا هاته 

عرفنا الصحيح اللي تكنّه صدور القوم 
مثل مايعررف الادمي نفسه وذاته

[معكاز شعر @M3kkaz]

ابوي م قصر على مر الحياه
يوم الليالي تزوي العالم زوي

ضحى بما يملك لنا والله معاه
كافح بقلبٍ صلب وبضلعٍ قوي

حمل على عاتقه من عرف ونقاه
واجه بحزم وعزم والذيب يعوي

مصدر سعادتنا ي جعله للغناه
يا طيب راسٍ للمواقيف احموي

والله ثم والله م نلحق جزاه
اعظم رجل يعطيك دافع معنوي .

[معكاز شعر @M3kkaz]

معذور يا راعي القولون
ما تفهم الناس قولونك

عن حالتك ليتهم يدرون
تزيد لا قالوا شلونك

عن مجتمعهم قبل يلفون
انحش وقفّل تلفونك !

عاقل وبعيونهم مجنون
وانت اعقل الخلق بعيونك

نفسّيتك تشرح المضمون
لكن عسى الله في عونك .

[معكاز شعر @M3kkaz]

ياجعل عينه ماترى فالزمن مكروه
تهون الامور الباقيه لاسلم راسه .

[سيف @3lagr8]

-بعطيه من عمري ، وابي شِيبه بديل
« لو العمر بالشيب ما يصلح بدل »

[سعود مهدي @1Soud]

قالت : أنت اللي فتن وصفه خدينات القلايد ؟
قلت : أنا اللي يفتنه عاتق ولا تاويه لبّة

قلبي المتبول عند الغانيات أضحى وقايد
كل ما رمّد لهيبه مرّته عنقاء تشبّه

الوكاد إنّي لقيت اللي على الغزلان قايد
ما لهذا الزين وصف ولا لهذا السحر غبّة

[معكاز شعر @M3kkaz]

لله درّ .. الغياب اللي .. من أسبابه
عرفت وش قيمتي في عين فاقدني .

[معكاز شعر @M3kkaz]

ما للمشاريه الثقيله غير رحبات الصدور
وما للحمول الكايده يا كود من يركي لها .

[معكاز شعر @M3kkaz]

شعر عن الضيق :

تضيق الصدور ورحمة الله تفك الضيق
وانا في رجاء رب المخاليق ، سبحانه .

[معكاز شعر @M3kkaz]

انا وين ابلقى للسواليف وسعة بال
على اللي ليا سولف يحضّر مية زله

ياشين الكلام اللي لا يسمع ولا ينقال
وياحلو الكلام اللي مجييه على حله

[معكاز شعر @M3kkaz]

صدورنا مدهال طلقين الايمان
لا ضاقت فجوج الحياة الفسيحه

للضيف ريف وللمعادين عدوان
ونفوسنا من غلها مستريحه .

[معكاز شعر @M3kkaz]

شعر عن الاماني :

عسى الله يعطيني من الواجده ثنتين
تغيض العدا والصاحب الصادق تسره

حياتن بعز وذكر طيب مع .. الحيّين
ومماتن على تاريخ الأمجاد له .. جره .

[معكاز شعر @M3kkaz]

لا تتبع الموضه ولا تكشخ بزود 
مزيون لو تلبس على العيد خيشه .

[معكاز شعر @M3kkaz]

طق راسك بالجدار اهم حاجه
لاتطق الارض جداني تحتها .

[معكاز شعر @M3kkaz]

شعر عيد الفطر :

بخروها عن عيون الحاسدين
وعلموها كيف .. تذكر ربها

جعلها من العايدين الفايزين
طفلةٍ تكبر .. ويكبر حبها .

[معكاز شعر @M3kkaz]

شعر عن الام :

ياليتني في بعض الاشياء مخير
واضحي البعض الاوادم بدمي

في رحلة الايام « كلش تغيّر »
الا السماء والارض والشمس وامي .