‏مقام

﴿ رَبِّ اغْفِرْ لِي وَلِوَالِدَيَّ ﴾ .

[‏مقام @15cci]

امنيتيّ الدائمه :

" جعل سيرتنا ليا ذعذعت منها هبوب
من رياحين الثّنا .. والقبول مطيّبه "♥️.

[‏مقام @15cci]

لا إله إلا الله المعـبود جـلَّ شانه
كل صـبح و كل ليله لا إله إلا الله

خالق الخلق المقيت المعتلي سبحانه
هادي النجدين عدل و ميل حامي المله

جـعلني مشمول في عفوه و في غفرانه
تحـت ظله في نـهارٍ ما به إلا ظله

[‏مقام @15cci]

أدّرى على اسـمي من الحقران والزله
بكره بعد كم سـنه . . بيصير ماضييّ

عـقليتي واعـيه . . ماهـيب محتله
لو تجـتهد قاسـي الأيـام في كـييّ

لي نـفـس مـانـي معـودها على الذله
تــشـوم عـن اتفه الحاجات وتعـييّ

لـو ان نـفـسـي على ماقيـل حـي الله
يــمـديـني أمليّ من البطره مخابـييّ

[‏مقام @15cci]

إلى غركم في الروح كميّة الإحساس
تراها ما غير أنفاس في روح مهتريه

والى خرب ميزان التعامل مابين الناس
فلا ربحت البيعه ولا ربحت الشريَه

تحطمت من حر التوجد وحر الياس
على اللي فروّ صدري ولا خيّطو فريَه

وعلى واحد وعشرين صافي لاصار نحاس
وعلى بشتي اللي عاثت الشمس في زريه

[‏مقام @15cci]

يستقبل الاحساس صدمات العقول
وآخر شـعور القلب حـزن ٍ يدمّره

ماعاد للإحساس حس ولا قبول
ياقلب . . أنا ماعدت أنا والمعذره

مدري ماباقي عندي شعور وميول
ولا الحـزن ماعاد قـلبي يشعره ؟

[‏مقام @15cci]

أرتوي من عز نفسي وانفرادي
ولا سألت الغيم عن برق ورعد

غيمتي راسي ومرباعي فؤادي
وما يقل الفيض لو طال الأمد

في غيابي بأس وعنادي بلادي
وفي حضوري يقترب مني بلد

رافعٍ قدري عن قصار الايادي
فوق عرش ما يطوله أي أحد

من بغاني سقت له عذب الودادي
ومن تركني قلت له درب السعد

[‏مقام @15cci]

@Nkt_767 تمنيت شي وقدر الله شي وصار
ولا لي سوى وجه الرضى لو تصنعته

نطحت الزمان بقوة العزم والاصرار
ولا اقول طوعني ولا اقول طوعته

تبون الصراحه والله إني بغيت انهار
ظروف الحياه اقسى من اللي توقعته

[‏مقام @15cci]

صاير من احداث الايام هادي روع
قبل احمل طاقتي فوق مااطيقه

كل ماجيت اطرح الراي في موضوع
أذكر ان الله كفيل بمخاليقه

من تصيبه لحظة إدراك من ذا لنوع
مستحيل يكمل آخر طواريقه

اتمانع عن طريق ماهوب ممنوع
واختلي لي خلوة ماهي ضيقه

مثل من هدته هدّه وفوّعه فوع
حر لكن قاضباته . . مسابيقه

[‏مقام @15cci]

يدور الزمان ويظهر الفرق بين الناس
ويمكن يضرك واحـدٍ .. كنت تاوي له

عداوة شريف ولاصداقة ردي الساس
تثق فيه .. ويعاملك بالغـدر والحيلة

[‏مقام @15cci]

كنت أحسب إن السعيد من البخوت معسوفه
أثـرها بين مـقدوره . . و بين إسـتحاله

لوّف حـالي من صدوف الدهـر مايلوفه
كل ما طـاح عـاصوف . . تركـزّ بداله

[‏مقام @15cci]

قال الذي مانوى يشرح معاناته
الا بسينة خبر ورموز مدفونه

همومه يكنها من ذاته لذاته
واكبر خطر للهموم تصير مكنونه

لكن وش حيلته والناس شماته
يكبت ويثبت وكان الله في عونه

اخير من بردهم حر التنهاته
و الونة اللي عن الاسماع مصيونه

جروحه الموغله فالصدر واهاته
محصورتن بين براده وكانونه

[‏مقام @15cci]

كل ما مروّا في بالي هل المجد العريق
الجدود اللي تفكّ الدخيل الملتجي

ابتسم لظروف الايام بالوجه الطليق
واتصبّر .. لين ادوّر و اعاين مخرجي

ان حـيا راسي رقـّيته على قمة طويق
وان توفى مات في عـزته ما يرتجي

[‏مقام @15cci]

ضوى اللّيل كنّه يارفيق السعد ليلين
ولا أدري وش أنا في بقـاياه متباطي

ولكنّ دلهني بحلو السـوالف لين
يشتّت بزوغ الصبح ماهيّة إحباطي

تكلم عن الماضي وعن سيرة الماضين
وجنّبني أطراف الحديث الدمقراطي

أهم شي لاتنشد عن الشوق والمقفين
ولا تعـتبر نهج السـواليف سقراطي

[‏مقام @15cci]

أكـرهك وأحـبك ولا أبيـك وأغـير
وأشـتاق وأدوّر على البـعد زله

زحمة مـشاعر مالها أي تفـسير
يـا لغزي . . الليّ عـاجز إني أحله

مرات أشوف إن ما ورى محبتك خير
ومرات أشـوفك مصدر الـخير كله

ومرات أبشكر فـيك حتى المـقادير
ومرات أسّـب وقـتٍ جـمعنا بظله

[‏مقام @15cci]

أصبحي يا نفسي الليّ فيك من جور الليال
هـقوةٍ ما عيّنت من يعطي الهاقي . . أمل

لو بحثت الليّ تبينه من خـفاف ومن ثقال
راحت عزومي شتات وراحت أفكاري همل

[‏مقام @15cci]

دخـيلك لا تخليني لحالي لـ الزمان الشين
أنا مالي صـبر عن رحمتك لو صبري أيوبي

تولّاني بـعفوٍ . . يعـتق رقبتي بـيوم الدين
وهب لي من لدُنك اللي يبدّد وحشة دروبي

[‏مقام @15cci]

لو ضاقت دروبك وتاهت خطاويك
والهم سولف والمخاليق صقها

والخوف عشعش ليلةٍ في محانيك
والعين سلّت حزنها من حدقها

أطلق حبيس الدمع وأسجد لواليك
يطيـح من روحك بقايا رهقها

وأرفع لخلاق السماوات كفيك
ما صـك بيبـانه لحيٍ طرقها

لو تطلب النفس الكريمة تلبيك
وشلـون لو تطلب كـريمٍ خلقها

[‏مقام @15cci]

شبعت من جهل الحياه وطيشها
ولقيت روحي في رياض الصالحين

مشغول في نفسي وأحارب جيشها
اللي تحالفها مع ابليس اللعين

واليا حضر تبع الرجال وديشها
وصوّب سهامه في ظهور الغافلين

صحّى الجروح ومتعته تنبيشها
أقاطعه وأحـط باذنه كلمتين :

لاصار ماعندك حياه تعيشها
أرجوك لاتفسد حياة الآخرين !

[‏مقام @15cci]

يـا حـبيبي . . لا تورينّي تبـلاد القـلوب
وانت غيث تحيي اموات المشاعر والنبات

والله ان ماني معك غالب ولاجيت مغلوب
انت قسمي وانقسامي والعطى والمعطيات

[‏مقام @15cci]

قال سـامحني على ماصار قلت مسامح
أنت مثل السيل يحيّ الارض لو يجرحها

كان حـنّا مالقـينا . . للخـطايا دامـح
والله إنّا مانعـيّن . . فـرحةٍ نفرحـها

[‏مقام @15cci]

كنت أحسب إن السعيد من البخوت معسوفه
أثـرها بين مـقدوره . . و بين إسـتحاله

لوّف حـالي من صدوف الدهـر مايلوفه
كل ما طـاح عـاصوف . . تركـزّ بداله