🇶🇦 .

[🇶🇦 . @17074_]

﴿ كلُّ نَفسٍ ذائقةٌ المَوت ﴾
اللهم أحسن رحيلي إن حان وقته

[🇶🇦 . @17074_]

فقدت البسمه اللي ماوراها الا صدى الترحيب
مع اني ما افتقد طيفك مع " حلي و ترحالي "

بعد ماصرت انا اكثر من يمر بـ مرحلة تغريب
معاد يهمني .. حتى غروب الشمس من تالي

[🇶🇦 . @17074_]

المعاتب بين الاحباب ماهو مستحـب
من بغى يكسب حبيبه لاعاد يعاتبه

الله اكبـر ياحبيبً . . عطيتـه كل حب
لين راحت به مقاديره اللي جات به

[🇶🇦 . @17074_]

ياغايبة.. مابغى ملامحك تنعاد
انا خلصت من الفراق.. وبكيته

سافرت عن طيفك من بلاد لبلاد
"ولا وصلت لديرة ..الا لقيته

[🇶🇦 . @17074_]

يوم اني أبغي وصالك زاد فيك العناد
" محبتي لك بريئه وأنت جرّمتها "

الجيّه اللي تبيها طاب منّها الفواد
لو حللوها شيوخ الدين حرّمتها

[🇶🇦 . @17074_]

جعل ربي مايجردني من شعور القناعه
ياكثر مافاتني فرصة عمر واقول خيره

ادري ان ماكل حربً في غنايمها طماعه
مايلام الفارس اللي رد سيفه في جفيره

[🇶🇦 . @17074_]

زهاك الحزن يا قلبٍ تخاطفك الليال السود
و ندهك الطاري اللي جرّتك في أعلى مشاريفه

سريت و غايتك غاية تلاحيها الهبوب النود
على قمرى التعب و نجوم توجس بالضيا خيفه

ينادمك الوهم والشوق و حلمٍ فالعمر مكمود
و وجهٍ كل ما أنفضوا مجاليسك حضر طيفه

[🇶🇦 . @17074_]

ما قعد بي في رجاك إلا وفاي الصادق
ولا أنا نفسي تشوم وعلم روحي عندي . .

[🇶🇦 . @17074_]

ياخذ الوقت حقّه من وساع الصدور
لين مشاها على ودٍ ما هو ، ودّها

[🇶🇦 . @17074_]

يا مرتبط في كل جرح .. من الجروح
مثل ارتباط الحزن فالصوت الشجي

من كثر ما اتعبني شعور إنك تروح
ما عاد يسعدني شعور .. إنك تجي

[🇶🇦 . @17074_]

إن رضيت بشيء .. ما أرضى مخافه
ما أقبل أنصاف الرضا في كل أموري

و إن رفض قلبي و عاف الدرب عافه
ما أجيه بنص خطوّه من عبوري

الوداعه ، و السماحه ، و اللّطافه
هذي أصدق ما زرعته خلف سُوري

و السكوت إن حمّل ضلوعي كلافه
بيض الله وجهه .. بـ غيبة حضوري

[🇶🇦 . @17074_]

ذنبك انّك ماتعَرف البعيد مْن القريب
و عذره انّه دوّر رضاك ما دوّر زعَلْك

يوم قال ان الليالي تودّي ، ما تجيب
كان قصده يقتل الشكّ ، لكنّه قتلْك

[🇶🇦 . @17074_]

3:53 am

[🇶🇦 . @17074_]

تسولف العين لا صار الكلام بثمن
يا ليت بعض الدروب اللي تودّي تجيب

لو بقدر اردّ كل اللي خذاه الزمن
من يقدر يردّ الاحساس القديم الغريب

مايوجع انك تقول الوجه هذا لمن ؟
الموجع ان الجروح الغاليه ماتطيب

[🇶🇦 . @17074_]

عن الغلطة اللي شرعت لـ الفراق الباب
وخلتني أرخص حاضرك عندي وماضيك

من اليوم هذا .. لا تحس القلوب أقراب
ولا تشك حتى ممكن اني أفكر فيك

سمح خاطري من كل حاجة وشفي طاب
أنا أستاهل أمشي ، و أنت تستاهل أخليك

[🇶🇦 . @17074_]

على ما بدر منّي ومنّك وش آخر شيّ ؟
انت اللي عليك اللوم؟ والا عليّ اللوم !

انا من يصافيني .. عطيته عيوني ذيّ
ولا والله يحصّل جفيّا وثقل و زوم

اعرف اعطي حقوق الوفا وآخذ اللي ليّ
علشان اجي محشوم وامشي وانا محشوم

والا يا عيوني والطواري على ما هيّ
تخليني استأذن من المجلس المزحوم.

[🇶🇦 . @17074_]

عطيتك اللي ماعطيت اقرب الناس
وعلقت فيك أحلام عمري وضاعت

لي قلب مايقسى وصادق وحساس
ولي عين ماصدت وخانت وباعت

ولك قلب طيب بس ماعندك احساس
ولك عين ماشافت جروحي وراعت

جيتك على وضح النقى رافع الراس
وطوعت لك نفسٍ عزيزه وطاعت

ابعتبر حبك مثل غلطة إحساس
وانت اعتبرني مثل فرصه وضاعت

[🇶🇦 . @17074_]

مدري متى مات لك حبٍ على شفاهي
بس أذكر إني سهرتك عمر وأسهرتك

دور وتلقى عساك تعيّن أشباهي
أنا تنازلت عنّك .. كثر ما أخترتك

[🇶🇦 . @17074_]

حتى لو ان الغلا فيني وصل حده
لي عقل يدرك حدود الشوق ويكابر

قياس عمق الجروح يحدد المده
مدة تحولك من غالي إلى عابر

لاشفت مركب غلاي رياحك تضده
بيصير مالك مكان وقيمة و دابر

كسرت لك خاطر ومديت لك صده
والخاطر إليا انكسر ماعاد له جابر

[🇶🇦 . @17074_]

فارقتك وعن مابقى لك ، تخطيت
غلطه تنسيني هوّى .. الحُب ��له

شفني قبل لا تنطق شفاك ، صديت
نقع كلامك وسط صدّرك ، و خلّه

ماكنت ادوّر لك عذر يومك اخطيت
الظاهر إني كنت ابيها من الله

[🇶🇦 . @17074_]

خيبت ظني مع انك طيب وغالي
واقفيت منك وانا مخذول وأغني

حتى لو ارجع على الي ضيقو بالي
لا يمكن ارجع على الي خيبو ظني