‏هجاد

مؤمن وعيني مـاتحب الالتفات

[‏هجاد @1Hjad]

اللهم صلِ وسلم على نبينا محمد .

[‏هجاد @1Hjad]

يا كثر ما تلزم الصمت وعيونك تنوب
لحظةٍ فيها لسانك رهين الإعتقال
_ جابر النشيرا

لكن نبي نعطي عيونك.. زمام الكلام
خل النواعس تقوم وتدلي بدلوها

- عبد الله السراهيد

[‏هجاد @1Hjad]

ماجيتك أعلمك كيف المشاعر تدار
جيتك بقلب سليم ونيّة صافيه

انا شعفني هواك وجنة الحب نار
وعيني من النوم مطروفه ومتجافيه

شعاف بدوِ هواهم من هوى أم الحوار
لاباردوا قد ليالي القيظ متقافيه

اقبل الى شفتني على وشك الانهيار
واقوم مثل المريض إلى اونس العافيه

[‏هجاد @1Hjad]

لا زال القديم من الليالي اللي معاك جداد
إلى شفت ظنك شك فـ محبتي ؟ قلّه

تمر السنين وكل حاجه على المعتاد
هذا دربك أدلّه .. وذا بيتك أدلّه

توقف ملذات العمر ما بين شرب وزاد
ولا الذ من صوتك إلا جا على حلّه

جعل كل يومٍ مضى لي معاك يعاد
أنا ما يكفيني معك ما مضى كلّه .

[‏هجاد @1Hjad]

عوايد النفس ما يرتاح صاحبها
أن طاعها درهمت وأن ردها ملت

ولو أني اكبها من دون احاسبها
راحت على الوجه لا صامت ولا صلت

[‏هجاد @1Hjad]

في رحاب الأرض ساعاتٍ دقايقها ثقيله
يتساوى عندي اللي فوقها بـ اللي تحتها

التظاهر بـ الفرح غير التظاهر بـ الفضيله
اتركوني مثل ما أعرف نفسي أعرف مصلحتها

__عبدالله السراهيد

[‏هجاد @1Hjad]

على انّي ماحّث خطاي واعاتب المقفين
لو ان الصدور وساع تستغرب الجيّه

ماحّس الوفى يحتاج دافع وظرفٍ زين
احسّه بكل انسان « حاجه بديهيّه »

اذا ان الظروف بصغرها تزعِل السالين
انا اشوفها ماهي بسهله وعاديّه

اظّن الوقوف بصّف الاحباب والغالين
يسمّى الوقوف اللي بحّق وحياديّه

[‏هجاد @1Hjad]

لي شيمه ولـ المحبه فالصدور النظاف
مشاعرٍ من بنود العفه امدادها

ان بدلت لحظة الاقبال بالانصراف
ماني بـ خرمان دلتها وبرادها

لا صار ،، مافيه ،، لـ نهاية ،، غلانا ،، زفاف
قبلي ،، ضحايا الهوى ،، ياكثر تعدادها

يكفيني اضم من بين الضلوع النحاف
سيرة وفاء في جبين الحشمه آسنادها
@aprvip

[‏هجاد @1Hjad]

ليه توهمني انك تحبني فالبدايه
لين صار الوهم عندي وعندك حقيقه

قمت تشر القلب بين الاحباب تايه
لين حبيتك وحبيت ذيك الطريقه

طحت في حبك الجذاب من دون غايه
افقد العقل ساعه واسترده دقيقه

كل من لامني قلت ادع لي بالهدايه
البحر ما يطاوع موجه الا غريقه

[‏هجاد @1Hjad]

برّيةٍ ماتزرع إلا بخولان
وأخير مايقطف ليا جاء حصاده

بـ السوق مامرت محامص وطحان
ولاقام يشويها قليل الركاده

اللي تشوف بـ حمسته كل الألوان
بـ الحبه الوحده بياض وسوده

توقيتها يبغى عناية وحسبان
ماكل من يبذل به الجهد صاده

ابن زويبن

[‏هجاد @1Hjad]

رفيقي اللي مايعرف المعاريف
ياكثر ، ماعلمته ،ولا تعلم

اصنع له الاعذار عند العواريف
ويخطي وانا اللي من خطاه اتألم

مافي قواميسه مزوح وعجاريف
دايم على رد الكلام امتولم

ياكبر فعله في كبار المواقيف
ويا صغره الا ناقشوه وتكلم

نصحته يجنب نظام الملاقيف
ومن بعد هاك اليوم ما عاد سلم )؛

[‏هجاد @1Hjad]

جعل ريحٍ من القبله تقود السحايب
مثل قود المهار الصافنات العسيفه

تاخذ اللي تبقّى من جروحٍ عطايب
لين ماعاد يبقى من الهوا الّا وحيفه

يوم اعرّض وجيه الذكريات الهبايب
خايف اشتاق ولّا البُعد مامنْه خيفه

[‏هجاد @1Hjad]

أنا مانيب ناقص معرفة ولا بليد إحساس
عشان آحط نفسي في مـكانٍ ما يناسـبها

- عبدالله السراهيد

[‏هجاد @1Hjad]

لا على عيني « غشاوة » ولا وجهي قناع
مقتنع في حجم علمي وفي حجم جهلي

البشر فيهم هوامش ومن سقط المتاع
ما لهم ( تأثير / واضح ) على مستقبلي

والحياة ، و مجريات التلاقي ، والوداع
خضت لي فيها تجارب وجيت بْما يلي

يوم فضّلت انعزالي .. على كل اجتماع
استرحت وصارت الراحة ألزم ما علي

[‏هجاد @1Hjad]

على الله تكلت الشون كله وانا لله
من الراجعون إليه بالعز والذله

الله يقطع ..الحاجه.. ومشي بلا مشهاه
والله يقطع اللي كل من.. قاربه.. مله

والله يقطع اللي لابغيناه مانلقاه
والله يقطع اللي لا صفا ماصفا كله

سعد بن جدلان

[‏هجاد @1Hjad]

على طاري الذكرى وطاري ليال العام
يازين اللقى اللي فكرته جات بالفكره

حديثك جبر خاطر ورمشك وقود الهام
وباقي جمالك ما اتجرى على ذكره

شعوري شعور الشايب اللي ثلاث ايام
وهو فوق شاصه مثل طيرٍ على وكره

تعب واتعب الدربيل والجيب والاقدام
ولقاها بعد كثر التعب تحتها بكره )؛

[‏هجاد @1Hjad]

شاعر ( المروءه ) محسن بن مترك :

مستحيل أوصف مفاتنك واكرر واعيد
واشبع عيون الرياجيل واهتك الستر .

وايضاً هو الي يقول :
الحب ستر وذرى وامان قبل القصيد
وانتي ستيره وبنت اصول . . وانا رجل

[‏هجاد @1Hjad]

على حلم عمرً ماستوى لي على مبداي
صرفت النظر منه وانا قد تحليته

فجوج البسيطه سلوتي والدجى منفاي
اسامر مناديبه واصخر عفاريته

على غير علام الخفى م ابتدي شكواي
عظيمً يعرف اسرار عبده وخافيته

ويأمل قلبً يشعفه صوت عزف الناي
يود الهوى لو كان الايام مشقيته

[‏هجاد @1Hjad]

يموت الغلا من قلة الوصل والتقدير
مثل موتت المعروف لا صار به منّه .
- خالد الفيصل

[‏هجاد @1Hjad]

خذاك الصدّ يا وجهٍ عليه من الغيوم وشاح
مراويحك دروبٍ ما قدرت أقطَع حراويها

بعد جفّ المقام؛ وصارت يدين الكلام شْحاح
قصرت الخطوة اللّي عن دروب العيب حامِيْها

خذيت من السّماء مسعى مرام وما قدرت أرتاح
جزاي إنْ المساعي ما تقدر قلب راعِيْها

[‏هجاد @1Hjad]

اترك الليله تجر الخطاوي لـ الشتات
لي على دربه مساري و فـ مراحه وسم

لو عطيت العمر جملة هقاوي وامنيات
ما عطيت الحزن من باقي ايامي قسم

من بديت اقسى على كل ضجه بالسكات
ما كبر للهم هامه .. و لا للحزن اسم

صاير امر المنازل ، واشوف الذكريات
وانفض يديني من اللي تبقى وابتسم