B 🇶🇦

" قربك من الله يغنيك عن كل بُعد ".

[B 🇶🇦 @1Mryi]

من يدالي خنجر الهرّاج في عرض ابن عمّه
كيف تامن سيّته لا اقفيت منّه يا رفيقه ؟

[B 🇶🇦 @1Mryi]

القرار المفصلي يحتاج له عقل وصرامه
وصاملٍ لا عرّضت مشاعر فواده دفنها

كل حاجه تستفز أهل الشيّم وأهل الكرامه
لو وراها حلم عمري مستعد أصد عنها

[B 🇶🇦 @1Mryi]

طاول الجدي يا ذا الراس والعمر مدّه
لو صفا لك من اللي عاشروك القلايل

ان نستك الصدور اللي تبيع المودّه
ما نستك الصدور اللي تحفظ الجمايل

[B 🇶🇦 @1Mryi]

اخترت راحة خاطري والناس فالكون الفسيح
ماعاد اطالع في .. مزاياها ولا في عيوبها .

[B 🇶🇦 @1Mryi]

أنا سيّد أفكاري ما أحب أتبع التنوير
قناعاتي اللي داخلي .. موجز أحزاني

ما أعيش الحياه اللي تجي وفق فكر الغير
شعوري عميق ومنطقي منطق إنساني

ولاني بحاجه حُب واهم — ولا تقدير
أنا نصفي الأول .. وأنا نصفي الثاني

[B 🇶🇦 @1Mryi]

وحيد ووجيه أكثر أحبابي بعاد
عزمي ذخر جدي ويمناي انسبي

لا سيفٍ مجرّب ولا طلقة زناد
ولا يذري صدري إلا منكبي .

[B 🇶🇦 @1Mryi]

انقذوني يالمطاليق من ليل الذهول
وضيقة ٍلا عسعس الليل ماعنها وقى

مامعي صبر المهادي ولا حلم الرسول
غير قلب ٍحطه الحزن نقطة ملتقى

من سلم من جور الأيام لا يقعد يقول
الهقاوي مضمحلة والأيام محقى

عزتي للي يدوّر على أنصاف الحلول
كم نزل من راس رجم ٍطويل وكم رقى .

[B 🇶🇦 @1Mryi]

اللي ما ينحرنا بوجهه مانجيه
لو ان باب الرزق والفرجه وراه

[B 🇶🇦 @1Mryi]

يالهقوه اللي ما تضيعين .. ضيعي
ما ذا بوقت .. مفتلين الشوارب

وشلون اعيش انسان جداً طبيعي ؟
والمجتمع فيه الطبيعي .. محَارب

[B 🇶🇦 @1Mryi]

يانسناس الهوى شاب الغراب وملو الكتّاب
تلذذ بك عباد الله وأنا القى فيك تغريبه

أنا جرحٍ قديم عالجه كف الزمان وطاب
عقب ماغابو اللي رسّموه وطالت الغيبه

[B 🇶🇦 @1Mryi]

الوصل سلم لو انه للأحباب اختيار
كان ما فالدار وحشة ولا الأنفس حنين

جعل لوعات الجفا والزمان اليا استدار
ما تحط وسومها في قلوب الطيبين

[B 🇶🇦 @1Mryi]

قضى العمر واحلامي طوتها الحقيقه طي
عسى الله يعوض مقبل العمر ما فاته

لك الصبر يا قلبٍ كوته الليالي كي
صبر واحتسب لأجره وطالت معاناته

نعيش بزمانٍ ما بقى من طراته شي
توالت بلاويّه وقفّت .. ملذاته

[B 🇶🇦 @1Mryi]

إن غاب وجهي عن اللي يكسبون الرهان
ما بان وجهي مع اللي يخلقون الجدل

اوضح من الشمس في نظرة شهود العيان
واغمض من الليل ومن الداجي المنسدل

" حتى اللي بيني وبينه معرفة من زمان
على كثر ما عرفني ، ما عرفني عدل ".

[B 🇶🇦 @1Mryi]

وداعاً والوداع اخر قرار ياخذه راعيه
وينهي قصة احلامه من اولها لتاليها

عن كبار الحسايف والندم وجروح ليه وليه
على الدنيا السلام بكل مامنها وما فيها

[B 🇶🇦 @1Mryi]

عطتني عزلة أخلاصي .. معك نسيان من نادمت
وكتبتك وأنطوت صحفي عليك وجفّت أقلامي !

- سعد بن جدلان

[B 🇶🇦 @1Mryi]

سرى اللّيل والذِّكرى ثلاثيّة الأبعاد
بعد ما تغيب الشمس تبدأ طواريها

على الساعة الثنتين في وقتها المعتاد
عسى الله يعين اللّي سواتي يعانيها

حنينٍ على الماضي وشوق وعنا وجهاد
وجمرة غضى لا هبّت الرّيح تحييها

يا كمّ ذكرياتٍ نزفها فالحنايا حاد
لو أتصنّع النسيان مانيب ناسيها

[B 🇶🇦 @1Mryi]

احترم رغبتي في الصمت واطلق سراحي
من سياج المشاريه و يدين الملامه

قد تمادت يدين الوقت واخلت مراحي
والله اللي عطاني وابلٍ من غمامه

راح عمري وانا اجاهد وصبري سلاحي
واكبر اللي غنمت من الحياه ابتسامه

كنت ادور ورى طرد الطموح ارتياحي
لكن اليوم ماعاد ابغي الا السلامه

[B 🇶🇦 @1Mryi]

ليه حتى الشمال اللي يجيني بريحه
ليه ما عاد ذعذع لي ولا عاد جاني ؟

رحت اهني عقول العالم المستريحه
ما وطاها من اسباب الهوى ما وطاني .

[B 🇶🇦 @1Mryi]

عداك الملام وشرهة الولف يا نزّاح
عن دياري اللي ما أنت بأول خسايرها

قنعت وتركتك للزمن والزمن فضاح
على مهله اسرار المخاليق يظهرها

بقى لك معي ذكرى ليا غمّض المرتاح
تمشّط بقايا كبدي بروس اظافرها .

[B 🇶🇦 @1Mryi]

الليل حالك والمساري موحشة والدرب خوف
والذكريات أشياء يستعصي عليّ إتلافها

أثر الأماني وارفات ظْلال دانية القطوف
والأمنيات أكثر ما يخشى الحالمين ! إسرافها

على رصيف الصبر ملّ المنتظر طول الوقوف
وين الحياة اللي تخيّلت ولمحت أوصافها ؟