Dmar

ألـعًِِِتًأبِ خِيّــّرٌ مہنہ ألــحّقّد

[معكاز شعر @M3kkaz]

كل واحد حط له وجه وقناع
وابتلشنا في كثير الاقنعه

وجه للتقوى ووجهٍ للخداع
ووجه ثالث للفصول الاربعه .

[موطن القصيد @_mw6n]

مضى ما مضى ، من عمرنا الفوات
وتجرعنا مرّه . . وصبرنا على جوره

يالله عسى ، تالـي اوقاتنا مسـّرات
وعسى نفوسنا من الضيق ماجوره

[معكاز شعر @M3kkaz]

يالادمي رزقك من الرب مقسوم
ناسٍ عطاها الله وناسٍ حرمها

اتجاهد الايام واتطيح وتقوم
ولا لك نصيب بحاجةٍ ما قسمها .

[صقـر ❗️ @Falcon_kuw]

ناسٍ تخاف الله وتصـون الاعـــراض
وتبذل ورى كسب الجمايل جهدها

وناسٍ تحسد الناس حـتى بالأمراض
وحتى على صـرف العـلاج تحسدها

[مدواخ شعر @Medwkh]

يالله بغيثن ما دروا عنه الارصاد
ولا حدد الارصاد وش هو مساره
ٰ
ياخذ ثمان ايام .... بارق ورعاد 
وكلن عقب سيله ؛ يربع بداره .

[معكاز شعر @M3kkaz]

يابوي بشرني عسى القبر ممطور
جانا المطر , بشر عسى خيره اسقاك

وعسى البرد حبه على القبر منثور
بشر عسى جنة هل الخلد مثواك .

[معكاز شعر @M3kkaz]

تعجبني الطنخه ويعجبني الطيب
وتعجبني عزوم الرجال القويه

ويعجبني اللي يجتلد كنه الذيب
هقوات راسه فالشدايد جريه .

[معكاز شعر @M3kkaz]

نطوي مع الايام عامٍ ورا عام
وتمر ساعات الفرح في دقايق

ايام راحت بالعمر مثل الاحلام
يومٍ بها زعلان وايام رايق .

[معكاز شعر @M3kkaz]

حنا تربينا في مرابي هل الطيب
اللي تميزهم وصوف وعلامه

وإن كان لبيوت المعزه معازيب
حنا معازيب الوفاء والكرامه .

[معكاز شعر @M3kkaz]

يالله عسى فالامر خيره ومقسوم
عن ماتعاف النفس واللي تحبه

ارزاقنا تاتي على غير معلوم
العبد يسعى .. والعطا عند ربه .

[معكاز شعر @M3kkaz]

لا تامن العقرب ولا تامن الداب
السم واحد لا رقا في متونك

ياجاهل الدنيا ودورات الاسباب
اعرف ترا من خان غيرك يخونك .

[معكاز شعر @M3kkaz]

تمر الوجيه العابره مع مرور السير
وكلٍ يروح وينحفظ ذكره الطيّب

عسى ذكرنا مايذكر الا مع اهل الخير
وعسى الله يجملنا مع بعيد وقريّب .

[معكاز شعر @M3kkaz]

نشوف زلات القريبين بالعين
ونصد عنها كننا ما درينا

ماهمنا قول العفون الرديين
يهمنا الطيّب وش يقول فينا .

[معكاز شعر @M3kkaz]

يا مرحبا مليار باللي لفانا
ترحيب مايحصى ولا هوب معدود

باللي له التقدير يسبق غلانا
واللي احترامه عندنا ماله حدود .

[معكاز شعر @M3kkaz]

تكرم لحانا ماتنوش الخطا والعيب
تحملّت واجد , بس ما اظن ابتحمّل

تبيها ردى والا تبيها مزارق طيب
ترديت ابتردى تجمّلت ابتجمّل .

[شعر @mg_3u]

لا يهمك جور الأيام يالصدر الرحُوب
خلها تمضي مثل ماعلى غيرك مضت ..

[Dmar @1_dmar]

يا صاحبي ما عاد لي فيك حاجه
ماني على خبرك سواليف ومــزوح
جــرحٍ مـع الأيــام يلاقى علاجه
وبعض الجروح علاجها نزعة الروح

[Dmar @1_dmar]

ياكثْر مانخْلِص ونوفي مع الناس
و ياقُل مانلقى وفا الناس معْنا

لكِنْ يكفينا الوفا نبض واحساس
من شخص يحمل للوفا كل مَعْنا

[ريوف 🕊 @rurf__50]

الدنيآ دفتر الإنسآن .. أجمل بدآيتهآ الحب والصدآقه وأروع موآضيعهآ الصرآحه..أحلى سطورهآ الذكريآت..أغلى أورآقهآ الوفآءاحسن حروفهآ التضحيه ..

#بس_حبيت_أقول