ᴜᴍ ꜰᴀʜᴀᴅ

[ᴜᴍ ꜰᴀʜᴀᴅ @1ddff1]

ثم ماذا ؟
ثم ينادي مناد، يا أهل الجنة خلود بلا موت
اللهم هذه المنزلة🤲🏻.

[ᴜᴍ ꜰᴀʜᴀᴅ @1ddff1]

على كل حلم راح وعـيوني تراعيه
سلام الوداع ونظرة السامح الراضي

أنا واثق إن العمر مهما قسى ماضيه
لنا في قبوله فـرحةٍ تدمح المـاضي

[ᴜᴍ ꜰᴀʜᴀᴅ @1ddff1]

كلن يشوف انه سليم الاعتقاد
وان الله الهادي وهو المهتدي

البخل في عين البخيلين اقتصاد
والضعف حكمه في عيون الاجودي

واسهل عمل لـ الفاشلين الانتقاد
كلن يسب اهل الردى حتى الردي

حتى الجبان يصير طارق بن زياد
اذا جلس على البساط الاحمدي .

[ᴜᴍ ꜰᴀʜᴀᴅ @1ddff1]

ما مشيت إلا وأنا عايف وعندي يقين
القلوب إن ذاقت الغبن ماهيب لاينه

رحت لا مكسور خاطر ولا شكلي حزين
وحافظٍ قلبي من العابثين وصاينه

[ᴜᴍ ꜰᴀʜᴀᴅ @1ddff1]

بعد الخطا الي صار باروح كلي
نذرٍ علي ماجيك لو تارد الموت

سقطت من عيني سقوط المظلي
الي هبط مافك حبل البراشوت

عمر الهوا ماكان طيش وتسلي
وش عاد ينفعك العذر فاتك الفوت

من بعد كانت فيك روحي تهلي
واليوم كفنت الغلا وسط تابوت

[ᴜᴍ ꜰᴀʜᴀᴅ @1ddff1]

لا تشكي علي من الطواري وقل النوم
وانا اشتف في سجات الافكار والهجعه

تخليت عن غاية سنين العمر في يوم
ولا يسمح المتعلق الا من الوجعه

بعد ماخذت نفسي من اقدارها المقسوم
وقفى الصبر تجذب بروق الجفا نجعه

جلبت الشغف وامضيت بيعه على اول سوم
و راح الطموح الروحه اللي بلا رجعه

[ᴜᴍ ꜰᴀʜᴀᴅ @1ddff1]

غرّبني الصبر طوع و ردّني طاري
من درب حُرٍ جزع واستنصر لدينه

حزمت شرهة غيابي واسمن اعذاري
الدرب ذا ماتشدّ يديني يدينه

هذي رسوم الغلا الاول وذي داري
ماعاد خلا الزمان لوجهها زينه

مريتها مرّة المستوحش الساري
اللي لو يصد من شيٍ سرق عينه

[ᴜᴍ ꜰᴀʜᴀᴅ @1ddff1]

اترك الليله تجر الخطاوي لـ الشتات
لي على دربه مساري و فـ مراحه وسم

لو عطيت العمر جملة هقاوي وامنيات
ما عطيت الحزن من باقي ايامي قسم

من بديت اقسى على كل ضجه بالسكات
ما كبر للهم هامه .. و لا للحزن اسم

صاير امر المنازل ، واشوف الذكريات
وانفض يديني من اللي تبقى وابتسم

[ᴜᴍ ꜰᴀʜᴀᴅ @1ddff1]

العتب ما يلحقك يلحق بياض أحلامي
قبل أعرف أن الدروب اللي تجيب تودي

ذاخرك توقف معي لا وقفوا قدامي
وأثرك أول من تردى بي ووقف ضدي

كنت أعدك بالمواقف بندقي وحزامي
وأثر ما أنت بقد وقفاتي ولا أنت بقدّي

[ᴜᴍ ꜰᴀʜᴀᴅ @1ddff1]

والله اني ما نويتك بالردا وانت ادرا
انّي آوقف لها واعطيك حقّك وافي

المعرفة منْك علوا وانت ساري حدرا
شبحك قريّب ولا يشره عليك سنافي

[ᴜᴍ ꜰᴀʜᴀᴅ @1ddff1]

لو اني املك مسألة كل محتاج
في دَين ولا سجن ولا وظيفة

في ذمتي ما عاد يلحقهم احراج
وان تاتي الفزعة بنفسٍ خفيفه

[ᴜᴍ ꜰᴀʜᴀᴅ @1ddff1]

مثل ما تمر الكذبة اللي على المكشوف
على العارف اللي كل مرّه يعديها

أنا معتقك لله لو ماني بـ مكلوف
لو أن الرجال وجيهها دون أساميها

ترى ما انت بـ اول من سعينا له بـ معروف
وخذ حاجته واستكثر انه يطرّيها

[ᴜᴍ ꜰᴀʜᴀᴅ @1ddff1]

في متاهات الجفى مثل الغريب الغادي
طرقيٍ قاعه سناويه وليله خافت

والله ان حزني على مبدا المحيا بادي
ووالله ان روحي من الصبر الطويل انلافت

نعّسك تبغي مفادي ما تبي متفادي
كل شي يفدا حظورك يالحظور اللافت

حتى لو قلت ان غيابك لو يطول عادي
والله اني فاقدك الفتره اللي طافت

[ᴜᴍ ꜰᴀʜᴀᴅ @1ddff1]

حنا ذرى أهل الطيب من غير ميلات
وإذا الزمن ميّل بنا .. هم ذرانـا

لو كان ما نملك بيوت وعمارات.!
نملك بياض وجيهنا .. بخويانا

[ᴜᴍ ꜰᴀʜᴀᴅ @1ddff1]

كنت أعتبر زلاتك اللي مضت طيش
لين أكتشفت إن كل إبيـها لعـانـه

يمكني أسامحك لـ الملح و العيش
لكن ما عـاد أتقبلـك لـ الأمـانـه..

[ᴜᴍ ꜰᴀʜᴀᴅ @1ddff1]

شربنا من العِـدّ المطرِّف و صدّرنا
وجزنا من وروده عقب كثر روّاده

ربينا على العلياء ، ولا شيء يجبرنا
نووّطي مقاماتٍ على العـز معتاده

[ᴜᴍ ꜰᴀʜᴀᴅ @1ddff1]

توداعت "أنا وياه " منعاً لكل احراج ..
وحفظاً لـ ماء الوجه والخوف والشكه

[ᴜᴍ ꜰᴀʜᴀᴅ @1ddff1]

جربوا غيري .. ويمكن تعرفون
قيمتي لا جات .. حزات اللقاء

والله إني سقم خيبات الظنون
البقى يا طيّب .. الراس البقى

[ᴜᴍ ꜰᴀʜᴀᴅ @1ddff1]

« أحبك بما يكفي لأتمنى لو كانت أحزانك من نصيبي »

- محمود درويش .

[ᴜᴍ ꜰᴀʜᴀᴅ @1ddff1]

عساهم على أحسن حال وأنا على احسـن
حال وهم في غنا عني — وأنا في غنا عنهم

[ᴜᴍ ꜰᴀʜᴀᴅ @1ddff1]

اختلافي مع مبداك . . . سر اختلافي
احسبنك تحفظ السر و اثرك تذيعه

دام باب الموادع حول باب التجافي
لاحد يدري ان بيني و بينك قطيعه