ماحب افكر فيه ولا ودي اسلى
تناقضٍ ما بين ، ( قلبي وبيني )
لا قلت أنا بنساه و الوقت يحلا
تطول ساعاتي و تقصر سنيني
عز الله اني ب ( الصبر ) اتحلّا
الين ما فرقاه .. ( بيّح كنيني )
روّح معه كل شي عندي ما خلّا
غير الجروح وغير دمعات عيني
ومن وين ما وليّت وجهي ووّلا
أشوف زوله ( واقفٍ ) يحتريني
ولو كنت أنا ف ؛ محبته أتسلى
ما كنت اعدّه ، ثالث الوالديني
ياما و ياما قلت يا صعب سهلا
و الحين اردّد بيت دايم يجيني
والله ثم والله .. يا انّه : ( اغلا )
منهو سكن قلبي ولا حس فيني
بـ ابقى احبّك .. و اتمنّاك و ابيك
يا حبّي ( الاول ) .. ولا له ( نهاية )
والله ثم والله .. ما اقدر اخليك
انتي مُنات الروح / و انتي مُناية
من كثر مااحبّك ومن كثر مااغليك
احسد على شوفك شعور المراية
ولو بمدحك كل القصايد ما توفيك
انتي جعلتي لك .. من الحسن آية
و اللي يقول : ان البدايات تغريك
معاك عشت الحُب .. كلّه بداية
والحين ابي شوفك ولمسة اياديك
يا اجمل سنيني و يا اجمل حكاية
وما تغيّر شعوري ؛ من ايامنّا ذيك
وما ينكسّر لي معك بـ الحُب راية