-

[- @1iiiiv_]

يصبرّني على ثقل الليالي إن الأمل ما زال
ينسيني شقى النفس ويضّوي لي متاهاتي .

[- @1iiiiv_]

عطنيّ من الصبر يارب اللي اطوي به دروبي
واتحلى به على الايام لين اكسب رحبها .

[- @1iiiiv_]

والعذر في بعض الأحيان مايلقى قبول
في وسع صدرٍ تحمل زعل لين إمتلا .

[- @1iiiiv_]

انا مع مساعد رحمة الله عليه لمّا قال
من بغى فرقاي .. عيني لا تشوفه .

[- @1iiiiv_]

حثال القهاوي لو تعلّت مع الفوح
مصيرها تركد وترجع حثالة .

[- @1iiiiv_]

وفي الختام /
قطفت منك ما تهيا و ما لاق
ورميت باقي ذكرياتك خلافيّ .

[- @1iiiiv_]

عليك السلام ولا بقى بالخواطر شي
تعدّتك شرهات الخواطر بما فيها .

[- @1iiiiv_]

تعالي واجلسي عندي ترى الأعمار محدودة
أخاف أموت و تموتين محدٍ حصّل الثاني

أخاف تموت ولا أموت محدٍ نال مقصودة
ولا أخاف مع طول البطى أنسى وتنساني

تراني بـ انتظارك والثقة ماهي بـ مفقودة
تكرّم يا حياتي وأجبر الخاطر على شاني .

[- @1iiiiv_]

والله ان صدري ماهو باللي وشفّي طايب
والدمعً في سد رمشي قنبله موقوته

غير اناِ طبيعتي لاضقت مثل الشايبّ
استحت عينه وبانت عبرته في صوته .

[- @1iiiiv_]

تدور الخرايط كلها والأراضي السبّع
و يمرونك أغلبهم - و شرواي ما مرّك .

[- @1iiiiv_]

هي ضيقة الصدر ولا ضيقة الخاطر
والله مدري ولكن ضيقه بضيقه .

[- @1iiiiv_]

أقفيت من عندك وعيني تراعيك
مليان موقي من رواعد شجونيي

بين الوداع وبين خيط الرّجاء فيك
تلويحتين فارقه من ظنونني

إن ما بكيتك حيّ ماني ب باكيك
ليّا غاب مسلولل النظر عن عيوني .

[- @1iiiiv_]

خلي إللي ماعرف وش حصل فيه
بعد الوفا و الحب قام يتسلى

والله ما ودي أبيعه وأخليه
من زود حب ف الضماير تولى

ومن كثر خوفي من فراقه أحاتيه
وماكنت أصدق من تغلى تخلى

بينت له وشكثر أحبه و أداریه
ومن بعد ما وكّد غلاته تغلى .

[- @1iiiiv_]

نطوي سنة مرت بها ضيق وأفراح
ونبدي سنة فيها العلوم السععيده

يالله تجعل مامضى العام ينزاح
ونلقى السعاده في سنتنا الجديدة .

[- @1iiiiv_]

إن شانت الدنيا ترا العمر مقسوم
محدٍ حياته جت على ما يريده

دايم تفائل بالامل واترك اللوم
عش لحضتك واللي مضى لا تعيده .

[- @1iiiiv_]

يارب تعرفني وتعرف نواياي
وتعرف جميع ظروفي المُستبده

أحيان أصيب الرأي وأضيّع الرأي
وأحيان أفتح باب وأحيان أسده

أحاول أمشي بإتجاهك يامولاي
وتسرقني الأيام في خضم شِده

عاملني بُلطفك وعطفك ورجواي
ليا أنحرف قلبي عن الحق ردّه .

[- @1iiiiv_]

وانا يالطيف الروح روحي تراك دواه
مريض الهوى ما ينفعه کود محبوبه

ولو ما يذوق الا العسل عيشته تبراه
وعلاجة خفي وجمع الاطباب حاروبه .

[- @1iiiiv_]

وطبع حبك بقلبي والأيّام ما تمحيه
هذا هجرك حاول موجه ولا ماجه

يموت الامل لكن ظنون الغلا تحيّيه
وعروق الوفى فالروح والقلب وجاجه

احبه ولا ابغضته على شي يسويه
ولا زالت ارقاب الرجا فيه منعاجه .

[- @1iiiiv_]

و لا تبالي بالضيقه ما دام إني معك موجود
لو إن اللي تحسه جبل عن عاتقك شلته

و أنا فـ أيامك اللي كنّها ضافي جديلك سُود
أحامي دونك و عمري فدى عينك تساهلته .

[- @1iiiiv_]

لا يالله إنّا تحت هيبة سماك ضعوف
ولا نعلم الخافي ولا نضمن الخيرة

تدور السنين وغيبها ما هو بمكشوف
ومحاريفها مابين ضحكة و تكشيرة

وأنا عبدك اللي يحتويه الرجا والخوف
يقصر و يستغفر إليا شاف تقصيره

تحت كف غيثك مارتجي للبشر معروف
لو تنوشه صدوف الزمان ومقاديره .