KA

[KA @1lzav]

دونك ماعدت احصي ايامي واعدها
وش لي يا مليح ب ايام من دونك

اعقد ثنتيني الي في يدي واصدها
لا اقبلت واقبلت معك خواطر جفونك

انت الدخيل لعيني من دون لا امدها
وانت الي سرقت فكر وروح مضنونك

ارجوك كان للوقت بقايا حيل اودها
الود ودي مقابلك وضحكه سنونك

[KA @1lzav]

لا تجلدين الذات وتقولين عن نفسك قمر
كان القمر ايه من الايات فانت البسمله

ترى القمر ما يكتمل زينه سوى نصف الشهر
وانتي طوال العمر كله كامله ومكمله

[KA @1lzav]

الأصيله لو رخيت لها الرسن
ماتروح لغيرك وانت خيالها

[KA @1lzav]

الوقت جاريته بنفس الوتيره لا
اهتم بالحاضر ولا ارجع للي فات

کم حاجتن راحت وانا اقول خيره
لا خيرها جاني ولا حاجتي جات

[KA @1lzav]

عطيتك من حب عتيبه وش بعد حب عتيبه تبي ؟

[KA @1lzav]

اما تعالي لقلب فز لك كلك
ولا اتركيني مابي لك بالهوى جيه

[KA @1lzav]

مع اللي شاري قربك
لا يتغلى ولا يستغفل ولا يمل

[KA @1lzav]

أستامن العين و أثر العين فضّاحه
طرا لها شي محدٍ جاب طاريه
مدري تعاظم كبر جرحه و جراحه
ولا البطل دايم جروحه بطوليّه

[KA @1lzav]

انا عتيبي مـا احب الهزيعه
اخسر ولا اقف ماقف الذل والعار

ارخاي راسي للعرب ما استطيعه
لو اني انقل لي ثمانين قنطار

من خوف لا يضفي عليه صنيعه
اللي يسولف به ليا صار ما صـار

[KA @1lzav]

ما صار شيء إلا وكان خيره وما راح زين إلا وجاك أزين

[KA @1lzav]

إن مسّت حدود الكرامه لوحت للوداعي
محـدٍ ياطى على طرفي ولا يكسر حجرها

[KA @1lzav]

عز الله إنه في الشدايد عرفناه
وصداقته ذنب ومن الذنب تبنا

يوم انها طيب ومواقف غلبناه
ويوم انها كذب وضعافه غلبنا

[KA @1lzav]

عزيز نفس لو فيني عظيم حب
يهلكني شعور ولا يرخصني عابر

[KA @1lzav]

على الزعل والضيق حنا كبرنا
معاد فيه اشياء تستاهل الضيق

واذا اعتزلنا الكل محد جبرنا
العزله اصدق من وجيه المخاليق

[KA @1lzav]

احيان تجازيك الدنيا بشخص
تتعب وانت تقول ياحضي فيه

[KA @1lzav]

You’re the only one I want.

[KA @1lzav]

it’s so cute when somebody says they miss you

[KA @1lzav]

ضايق ومستانس وراضي وزعلان
مدري وش اللي جمع الكل فيني

احيان اجر الصوت مغرم وطربان
واحيان اجر الصوت وتهل عيني

[KA @1lzav]

تدري وش اللي لا انكسر ما ينجبر
قلبٍ تجمل مالقى رد الجميل

[KA @1lzav]

عشنا على صعب الليالي نشاما
ونموت واحنا طيبين ومطانيخ

ما روعتنا بالسنين القداما
لا فرّة الحصني ولا فرّة الذيخ