كافح ترى الدنيا من اولها تبي عزم وكفاح
يا مل عينن ما تكافح ياعرب يا ملها
خلك على قمة جبل وانطح ذعاذيع الرياح
ولا تدور شجرتن خضراء تفيى ضلها
ترى الفشل ماهوب عيب اول بداية للنجاح
حاول يالين عداك من عزمك تموت بغلها
اهم حاجه لا تقصر حين يدعى للفلاح
في ذمتي ذمه ل تاصل للأماني كلها
مابين الصعب و بين الخوف و التجريب
أحاول ما أميل بيوم ولا تتشرد أفكاري
أمر بمرحلة صح أو خطا أو صدق أو تكذيب
كأني تايه في شيء ولاني عارف أقداري
أنا يارب ما أدري وش اللي ينكتب ب الغيب
و لكن رحمتك أكبر من اللي فيه أنا داري
يا رفيقي تمون وتامر وتنها
نظرتك بينت لي سدك البايح
ادري ان شربة الماء .. ماتعينها
وادري ان شرهة الساني على المايح
دار الاوضاع ياسرها ويامنها
وشلها شل عروة غوريٍ فايح
/
اصبر شوي لين الله يزينها
لا تعنز على كتفي و انا طايح "
ولا بقالي في حياتي شخص غالي
كلهم راحوا مراويح السحابه
راحت اعصابي على كثر انفعالي
لو علاجي فالقصيد و فالكتابه
يا خيالاة الصداقه ما بقالي
غير دعوة و انتظر وقت استجابه :)
اعتقوني و اتركوني في انعزالي
يكفي اللي راح من عمري نهابه
ايه انا مرتاح يوم اني لحالي
ونفسي ارتاحت على جو الكئابه
بايعوني بين ظني و احتمالي
ما بقى في صدري الضايق رحابه
السؤال الي قريته من خلالي
ليتني مغنيه من باب الدعابه
عارفٍ نفسي و عرفي راس مالي
لو حياتي كلها راحت طلابه
بين طب النفس و الصدر الشمالي
وقفةٍ ماهي بوقفه وانقلابه
رحلة اللي راح من مرباه جالي
ولا قدر يشكي على العالم مصابه
زبدة الموضوع من رحلة نضالي
غبت غيبة واحد يوجع غيابه
في حديث الليل من ذاتي لذاتي
ليت قلبي ما طرّى الأوهام ليته!
من بداية خوف ما زعزع ثباتي
ل الطريق اللي بدا يوم انتهيّته
وشرهة الحلم الكبير و تضحياتي
ولوم عقلٍ كم تماديت و عصيته
ب استقامة كنت اواجه مغرياتي
والهنا من يوم صَافحته رثيّته
يا الرحيل اللي مع الأشواق ياتي
يا الغريب اللي غدى الخفّاق بيّته
من يقول ان الظلام اربع جهاتي
نور أماني رجعتك ما قد طفيّته!
صورتي ظلّي تفاصيلي عصاتي
وجهتي ذاك المدى اللي ما جفيته
قبلتي ما عاتبت صمت إلتفاتي
خطوتي ما تحكي اللي ما حكيته
فزعت لك فزعة تسر الناظرين
وصفيت لك يوم ان غيري ماصفا
تشوف ما قدمت لك بنص عين
لني معك قصرت مره ف الخفا
انكان ما تقنع من العذر السمين
اللّٰه يحب اللي عن حقوقه عفا .
افا ما عندك في مودتنا يقين
في هقوتك في وضع خوتنا افا !
قد قلتها لامره ولامرتين
احب أواجه ما تكلم في القفا
انا ما عندي لا يسار ولا يمين
واضح معك في وصل ولاجفا
ياصاحبي في مرحلة غبر السنين
لا تحسبني منتظر رد ألوفا
،
وانا الذي لي في وجهك الكريم عَشم كبير ..
فاللهُم خُذ بِيدي إليك ، وسَهَّل وصولي لما ترضى وتحِب ، وجدد الأمل فِي قلبي ليكُملٍ ما منه بد ، يا رب مهما أُوتيَ بي عبدك الفقير من قوة .. فلا يَقوَى على شيء إلا بك ، وليس له حول ولا قوةٍ إلا منك فتفضل عَلَي .. وعَلي جد
"صابر ٍيا رب ..
ووحدك تعلم أني أجاهد نفسي بِالصبر لكن الحِمل ثقيل جداً أجاهدٍ قلبي بالرضا لكن القلب من كثرة حزنه وهمه شاكٍ عَلِيل ، وأَدفعُ عن نفسي شعور الخَوف والقلق .. لكنه أمرُ مرهِق لا أَقوى عليه ، وأنت بحالي عليم , الدرب موحِش ، والطريق طويل واليآس يدق كل الأبوب في وقتٍ واحد
الوقت خلاني على وضع السكوت
ناوي على نيه ولا أدري وش نوى
ترجف عظامي مثل قلبي فالقنوت
أبكي من الطيش وملذات الهوى
والفرصة اللي كنت أبيها ماتفوت
أقفى عليها الليل يوم أنه ضوى