Suliman Al ghaslan

{لَئِن شَكَرْتُمْ لَأَزِيدَنَّكُمْ}

[Suliman Al ghaslan @1sliis]

والدي ورّث لي الطيب و النهج الصحيح
جعلة يبطي حي و أفداه و يعيش بعدي

خيرة الآباء قدوة و استاذ و نصيح
هو ملاذي عقب ربي وعوني و سندي

وجدي سليمان ساقه من لسانٍ فصيح
علمٍ ماهو في المدارس للتاريخ الابدي

[Suliman Al ghaslan @1sliis]

آمري على حبيبك ولك منه السمع والطاعة
انتي بس آمري وهو لك سامعٍ مجيبٍ ملبّي

تخيّري بين زعلتي ولا إبتسامة شفاعة
حتى الهوى من فتنة جمالك يهبّ هبّي

اللي عليك اشري و كلّي قدرة وإستطاعة
عاتبي ياحلو صوتك حتى وهو ثايرٍ في سبّي

بس تبين القمر؟ قولي وانا بأمره بإنصياعه
ماقول غير عسى الله لايبين لك كثر حبّي

✍️: سراب

[Suliman Al ghaslan @1sliis]

تسبّني و اقول تراك مسموح
ردّي على شرواك دايم كذيّا

قد سبّني قبلك ثلاثين سلتوح
و اللي يبونه كلهم ماتهيّا

اضحك واخليها عجاريف ومزوح
و اقول وش جاب الثرا للثريّا

(سلطان الهاجري)

[Suliman Al ghaslan @1sliis]

12 يونيو يوم ميلاد "فنّان العرب"
( محمد عبدُه )
ماذا لو لم يولد!

[Suliman Al ghaslan @1sliis]

يا سعود يا شيخٍ رحل والقلب موجوع
من عقب فرقـاك الزمن زاد انكساره

أبكيك والدمعـه على الوجنـة تنـوع
كن المصايب عقب فرقاك استعاره

يا طيب ذكراك مع القلب مطبوع
تبقى ولو جار الزمـن في مسـاره

كنت الأمان اللي ليا ضاقن الضلوع
وكنت عزّ البيت عالي مناره

تمشي على درب الوفا دوم مشروع
وتزرع جميلٍ ما يضيع انتهاجه

واليوم من عقبك غدت دارنا جوع
جوع المحبه والفرح والبشاشه

يا وجد روحي وجد من فارق ضلوع
والهم في صدره بنى له سحابه

يابوي ما مثلك على الطيب مطبوع
ولا مثل فعلك بالمواقف سماحه

نم يا سعود بعز ربٍ له خضوع
عسى الجنان بروضها لك فساحه

عسى دياجيل الفرح على قبرك شموع
نورٍ ورحمة وعسى ذنوبك مباحه

يا رب تغفر له جميع ذنوبه وقوع
وتجعل مقامه في عظيم الفساحه

وترحم عيونٍ دمعها دوم مدفوع
تبكيه في سود الليالي وصباحه

فقد الجدود أكبر من اكبر جرح موجوع
ما يندمل لو مر وقتٍ وراحه

لكننا بالله نلقى لنا رجوع
والصبر مفتاحٍ لكل الكفاحه

ساحة ألم ما تنطفي وكلها فجوع
يبقى الحنين بداخل القلب ساحه

هذا رثانا فيك مكتوب ومسموع
من حفيدٍ فاقدٍ أغلى وشاحه

رثائي في الجد "سعود"
رحمه الله
✍️: سراب

[Suliman Al ghaslan @1sliis]

إن كسبت غير الاجر في زيارتي
مكسبي شوفتك يانور عيني

[Suliman Al ghaslan @1sliis]

ودعتك الله يامهجة قلبي و سمرة خاطري
ودعتك الله يا وردة ناظري و يازهرة الفي

بعد ماسيّرت الجوارح بقولة سمي و آمري
اليوم ماعاد عشقي ينيّر على خدّك الغي

هاذي غلاتك يامهجتي بس في عيوني ناظري
انتهيت عقب ماكنت بغلاتك الطيّب الحي

عقب مالملمت الشتات في شتاتي خابري
الملم بقايا من أوراق القصيد و باقي الزي

وش تبين غير الوفا ياناسية منّي وصوف الوفا
وش تبين غير الصدق و الحلف برب السما

ماكفاك يوم صار جرحي فاضحٍ للعالم ماخفا
ماكفاك اني ضعيف قدامك اخاف من الحما

رحلتي و اعلن الحب انه على حواف الحفا
رحلتي و الحزن واضح و كل يوم في نما

هذا أنا بعدك أصارع اقسى مشاريف الجفا
بينذوي حرفي و نار شعري قريبة من الزما
✍️: سراب

[Suliman Al ghaslan @1sliis]

قد يعتلي ظهرُ الجِياد ذُبابُ
ويقودُ أسراب الصقورُ غُرابُ

و ويسودُ رجافٌ بمحفل قومه
وعليه من حُلَل النفاق ثيابُ

وترى الأسافِل قد تعالَى مجدُهُم
والحرُّ فردٌ ما له أصحا

[Suliman Al ghaslan @1sliis]

سيتم حذف الحساب بعد مدة قريبة شكرًا للكل🤍

[Suliman Al ghaslan @1sliis]

البدر البدر البدر
مرور عامين على وفاته رحمهُ الله رحمةً واسعة
لاتنسونه من دعواتكم
- بدر بن عبدالمحسن بن عبدالعزيز آل سعود -

[Suliman Al ghaslan @1sliis]

"وتبدأ يا إنت العواصف"

[Suliman Al ghaslan @1sliis]

ذكرى إفتتاح فرع الشركة الثاني
ذكرى جميلة
"الصورة معدلة في الذكاء الإصطناعي"

[Suliman Al ghaslan @1sliis]

شيءٌ مِن الخيال جمالُها
شيءٌ مِن الخيال
و حِسنُها مكمّل الجمال
شيءٌ مِن الخيال
و كمالُ عِفّتُها مكمِّل الخِصال
شيءٌ مِن الخيال
ان يصعبُ عليها البعيد المُحال
شيءٌ مِن الخيال
هيَ رونقُ الشمس و بريق الامال
شيءٌ مِن الخيال
✍️: سراب + بقايا

[Suliman Al ghaslan @1sliis]

الوقت يمضي كما موجة الأثير
و غربتي زادت همومي والسهر

يهونها شوفك يا "حبي" الأخير
و لعيونك أصبر مهما طال الدهر

في عشق وجهك أنا صرت الأسير
وفي طواري حبك يثايرني القهر

اليوم صرت بقايا بعد ماكنت الأمير
ودمعي بالعقيق يجري كما النهر
✍️: سراب + بقايا

[Suliman Al ghaslan @1sliis]

خلك على خبري و بصير على خبرك
خلك ياحبيبي شمعةٍ تضوي الليالي

كمّل جميلك لايجفّ قلم حبرك
كمّل أنا بين يدينك لاتخلّيني لحالي

اصبر مقدر ياحبيبي على جبرك
اصبر لاتخلّي ليالينا ياحبيبي خوالي

ابيك من بد البشر ياقمر سحرك
ابيك ماغيرك تبقى وسط زحمة آمالي
✍️: سراب

[Suliman Al ghaslan @1sliis]

تسألني هو الزعل منّي ولا منك الخطا
ماذكر من نفسي إلا اجود أنواع العطا

جرح سكّينك في زهرة خاطري سطا
يبس الزهر والظمى على الزهرة وطا

خطيت لك ولقيتك سابقني بالخُطا
تناجي لك حبيب من الواضح له بطا

نسيتني عقب ماكنت لجروحك غطا
صار حبّي في خاطرك باهتٍ شَطَا
✍️: سراب

[Suliman Al ghaslan @1sliis]

كان الحديث ما هو الحديث اللي تبين
وش اللي تبين،، الصدق؟
وش الصدق غير الدفا والنور
وما يقتل الإنسان الطيب المغرور
لو قلت لك إني ضعيف
هش ٍ كما ورق الخريف
أو قلت لك إني أخاف
أبكي واخفي عبرتي
واني لبست ثوبي عقالي وغترتي
يا أجامل الليل والجفاف
بيعجبك هذا الصدق وهذا العفاف؟
بهديك أنا يا مهرتي سرج ٍ حرير
وقلادة ذهب
وأبشتري سيف ٍ رهيف
لو ما بقى عندي ثمن نصف الرغيف
اللي يسد الجوع
والجوع صدق
الجوع صدق وما سواه
يا اخت الطريق
كذب كذب كذب

#البدر

[أخبار السعودية @SaudiNews50]

عاجل:

إيران تعلن وقف إطلاق النار لمدة أسبوعين.

[Suliman Al ghaslan @1sliis]

تم وقف إطلاق النار بينهم

[Suliman Al ghaslan @1sliis]

من يوم شفته خاطري مولعٍ فيه
قلت البخت ياسعد منهو يصيبه

أقفى و صد و قال يامن تهاويه
خبرك عتيق و قلت نفسي صعيبه

[Suliman Al ghaslan @1sliis]

يكفي عذاب الأمس خلوني ارتاح
يكفي عذاب القلب في كل ليلة

"العين تذرف دمعها في ليل الأفراح"
و انا جريح القلب واعزتي له

أنا صبرت و صبري نفذ ياصاح
لأجل العنى و الهم روحي تشيله

ابكي وقلبي من شكى لوعة الجراح
ابكي وحزني يتجدد جديدة