#سامي_المفرجي

النفيعي ( بعض ما كُتِب بـ قلمي في مفضلتي ) #شامخ_المفرجي

[#سامي_المفرجي @1smoooi]

كل الدروب تطيب من طيب فالك
وتبقى مع رجال المروات قداام
لا طاب طبعك طاب من جاء قبالك
امش الطريق اليوم واحسب للايام
شامخ المفرجي

[#سامي_المفرجي @1smoooi]

صويب المحبه يفضحه صوته المبحوح
لو انه يدارْ النفس عن شي قد فاتي

يخفي شعوره ما درا ان العيون تبوح
لو اخفى كلامه كيف يخفي التنهاتي

#سامي_المفرجي

[#سامي_المفرجي @1smoooi]

على سلوم الاولين و لا نبور
وحنا بـ نحفظها لجل ما تندثر
نحشم خطاوينا على كل الامور
واللي ما يحسب خطوته زل وعثر
حتى ملازيم الاخوه فـ الصدور
ما تنسى ويبقى لنا فيها اثر
#سامي_المفرجي

[#سامي_المفرجي @1smoooi]

ابتدا يومي بدونك و انتهى
كني اللي فاقد شي يبيه
لو سهت كل الخلايق ما سهى
من بلهفه ينتظر انك تجيه
#سامي_المفرجي

[نَجْلاء @njlaa37]

من ليلة البارحة كني على جال نار
يا طول الأفكار في بالي ويا سمنها

لاذت جميع الحلول الممكنة بالفرار
مدينتي خوفها حلّ / بـ محلّ أمنها

محبتك ياأقرب مْن الثوب ومْن الزرار
قل وش بقى من برَكتها ؟ ومن يُمنها

أحلامي الواقفة في : صالة الإنتظار
يؤسفني إنّك ماراح تكون من ضمنها :)

[قصايد @hnoof_x]

يوم أنا ربعي من أعزّ القبايل
روس قومٍ فـ المجالس و المواجه

و يوم أبي ساق الدراهم فـ الجمايل
شاب راسه ما ملك في الأرض حاجه

و يوم خالي من على العيّال عايل
راس رمحٍ في نحر راعي العواجه

أبشروا بي عند شيلات الشلايل
و أعذروني عند شيلات الزواجه

[قصايد @hnoof_x]

اللي تصَبّ بـ كفّ و تساق في كفّ
هذي طرب راسي و تقدير ضيفي

[قصايد @hnoof_x]

متى يذعذع على صدري نسيم الهبوب
وارتاح من زحمة افكار القلق واهدى

اي والله احنّ واهوجسّ وروحي تذوب
طرقي واشوف إغتراب الروح ماله مدى

واخاف من كسرة الخاطر وكسر القلوب
لو لحقت الفرصه الفرصه وراحت فدى

أدخل على الله من دروبٍ عليها دروب
والحاجه اللي تجيني من طوارف ردى

[BN saad @Jameel_0]

@1smoooi الله الله صح لسانك يالشامخ

[#سامي_المفرجي @1smoooi]

@Jameel_0 ارحب يا ابو ماهر صح بدنك

[#سامي_المفرجي @1smoooi]

على سلوم الاولين و لا نبور
وحنا بـ نحفظها لجل ما تندثر
نحشم خطاوينا على كل الامور
واللي ما يحسب خطوته زل وعثر
حتى ملازيم الاخوه فـ الصدور
ما تنسى ويبقى لنا فيها اثر
#سامي_المفرجي

[محمد الغامدي @r77sd]

لاذرفت دمـــــوع عين ولا بكيته
غير دمعاً قد ذرفته ف المساجد

ولاانت باول من تغلا ثم نسيته
قد نسيت العام مثلك ناس واجد
#محمد_الغامدي

[#سامي_المفرجي @1smoooi]

صويب المحبه يفضحه صوته المبحوح
لو انه يدارْ النفس عن شي قد فاتي

يخفي شعوره ما درا ان العيون تبوح
لو اخفى كلامه كيف يخفي التنهاتي

#سامي_المفرجي

[Abdullelah @Ssssssn12]

وانفسي اللي ما تبي للعرب راي
تامر علي احيان واحيان تنهى

إن شانت أخلاقي علي وعلى اعداي
وإن زانت اخلاقي على الناس كنْها

الرايح اللي بارقه يجذب الجاي
وإن شاف للشيطان جره دفنها

واجد عذاريبي و واجد مزاياي
ماني بحي أعلم الناس عنها

علي أداريها مداراة شكواي
وكلً يشوف اللي يدوّره منها

[#سامي_المفرجي @1smoooi]

ابتدا يومي بدونك و انتهى
كني اللي فاقد شي يبيه
لو سهت كل الخلايق ما سهى
من بلهفه ينتظر انك تجيه
#سامي_المفرجي

[سعود الشطيطي @s3ud_500]

'

ياهل المرور شلون اسوق المعاذير
مافيه يوم يمرّ .. ماتذكّروني

والله ماهي من زود فضوه وتبذير
لكنها من دون وجهي ، ودوني

وعقب استرحت من العنا والمشاوير
وكثرت مخاسيري وكلّت متوني

لو ان عندي شي ما أحتاج تذكير
سددتكم قدام اسدد ديوني
'

[جمال بندر @JamalBander]

أرحبي يا اللي تزاحم لك أسراب القلوب
كنها تزاحم الناس في مشعر مِنى
.
اشكريني يوم احنّك من كبار الذنوب
واعذريني يوم أزيدك مع العنوة .. عنا
.
الضمير الحيّ نوعٍ من أنواع الحروب
" يا ضمير مدور المصلحة نوم الهنا "
.
ما قدر يكسب محبّتْك يا الظبي اللعوب
غير أنا وأعوذ بالله من كلمة أنا
.
ان تركتيني قتيلٍ على مفرق دروب
اكتبي فتّانة العصر مرّت من هنا
.
واحفري قبرك وزاني وطيحي دوب دوب
ودي أقابلْلك لا قمت في دار الفنا
.
والله لا وجهك بعادي ولا قلبي بطوب
مير ميلي لين اشوف المنايا والمُنى
.
لا تشكّلتي مع الريح وانسام الهبوب
ما لقيت مْن العبارات غير الله لنا

[BN saad @Jameel_0]

حزين ليا ضاق الزمن به وجاب اقصاه
وزادة هموم جت جديده على همه

وطال الطريق اللي من اول حسبة اخطاه
على خطوة المقفين والذمه الذمه

الا يا ز من لي صاحب غيرو مبداه
تغير مكانه عقب ماكان ف القمه

جميل الدلبحي

[محسن بن مترك @aprvip]

الطيف ذعذع نسيمه والحنين استدار
على طواري غلا اللي ماتناسيتها

لو يهزم الشوق قلبي لذة الانتصار
في لحظة ماتعرف الناس توقيتها

سترتها والمحبه ،، ستر والهرج عار
لاصار في من تحب وكيف حبيتها ؟

هي بنت عفه وانا للحب عندي وقار
ماني بـ من جيل ضمتني وضميتها )؛

[BN saad @Jameel_0]

امعلق حضي على كف الاقدار
وخطوات رجلي ماتعدت نصيبي

دنيا تخلي كامل العقل يحتار
عنده ا مل بان الفرج له قر يبي

والعلم عند اللي كتب تيم الاعمار
با مره يهون كل درب صعيبي

والصبر لو ا نه مثل مر الامرار
اخير من د عوى بليا مجيبي

جميل الدلبحي

[عايض العاطفي @atfy_a]

في كل مايحصل عسى قاسمة خير
مومن ولي شيمه ومذهب ومله

اخوان يوسف يوم حطوه فـ البير
مايعلمون بقادم الغيب كله

بعض العرب ماله على الارض تأثير
يمكن تبين الشمس ما بان ظله

يسعى مثل سعي الرياضي على السير
يسعى ، لكنه ماتعدا محله